Старадаўнія сядзібы займаюць асаблівае месца ў культурна-гістарычнай спадчыне Беларусі. Яны фарміраваліся ў адпаведнасці са стылявымі патрабаваннямі гістарычных эпох, у рэчышчы развіцця агульнаеўрапейскай культуры з улікам гістарычных, эканамічных, прыродных умоў і мясцовых традыцый. Вялікае значэнне мелі таксама лад жыцця і эстэтычныя запатрабаванні іх уладальнікаў. Сядзібы фарміраваліся як радавыя гнёзды пакаленнямі. Адна з такіх сядзіб захавалася на Капыльшчыне, у в. Бабоўня, якой у розныя часы валодалі Радзівілы, Бярновічы, Наркевічы-Ёдкі.
