На павестцы – газазабеспячэнне
Пытанне аб правядзенні работ па замене часткі газаправода – адно з надзённых у в. Дусаеўшчына. Падчас сходу грамадзян жыхарам шматкватэрных дамоў была прадастаўлена магчымасць задаць свае пытанні начальніку Капыльскага раёна газазабеспячэння Мікалаю Варвашэню. Спецыяліст расказаў пра планы на замену аварыйных участкаў газапровада, тэрміны правядзення работ і меры бяспекі, якія будуць прынятыя для мінімізацыі нязручнасцяў для жыхароў.
Крокі да бяспечнага наваколля
Працягваюцца работы па зносе пустуючых домаўладанняў. За апошні час было знесена тры такія дамы, занесеныя ў адзіны рэестр. Два з іх размяшчаліся ў в. Падгорцы і адзін – у в. Кель. Акрамя таго, выкананы план па спілоўванні дрэў, прызнаных аварыйнымі. На гэты раз пагрозу, звязаную з наяўнасцю такіх раслін, ліквідавалі ў аг. Скабін і в. Чырвоны Партызан.
Праз творчасць – да захавання спадчыны
У раённым цэнтры традыцыйнай культуры аг. Мажа праводзяцца незвычайныя майстар-класы, якія прыцягваюць увагу як дзяцей, так і дарослых. Адным з яскравых прыкладаў стала стварэнне з падручных матэрыялаў кампазіцыі «Пчаліная даліна» (на здымку). Таксама быў арганізаваны майстар-клас па вырабе бірулек на сумку. Такія мерапрыемствы не толькі стымулююць развіццё народных рамёстваў, але і ўмацоўваюць культурную спадчыну раёна.
Комментарии