У Цімкавіцкай сельскай бібліятэцы прайшоў круглы стол «Мудрасць бацькоўскай любові». На сустрэчу сабраліся прадстаўнікі пярвічнай ветэранскай арганізацыі аграгарадка і настаяцель прыхода храма свяціцеля Мікалая Цудатворца протаіерэй Міхаіл Мардвінаў. Арганізатарам выступіў Капыльскі ТЦСАН у асобе спецыяліста Алены Острыкавай. Падчас мерапрыемства вялікую цікавасць выклікала выстава праваслаўнай літаратуры і інтэрактыўная экспазіцыя «Камяні і мінералы», што прадставіла бібліятэкар Ірына Шкуцько.
У Блеўчыцкім сельсавеце прайшла ўборка тэрыторый адразу ў некалькіх населеных пунктах. На грамадзянскіх могілках у в. Красіна да добрай справы далучыліся мясцовыя жыхары, а ў аг. Быстрыца працавалі сацыяльныя работнікі. Вучні мясцовай школы ўпарадкавалі памятныя месцы . У в. Блеўчыцы да ўборкі таксама далучыліся сацыяльныя работнікі. Працоўны дэсант з мётламі, граблямі і іншым інвентаром зграбаў сухое лісце і зносіў галлё. Работа ішла дружна, і агульнымі намаганнямі ўдалося зрабіць родныя мясціны больш чыстымі.
У Бучацінскай СШ у рамках інфар-мацыйна-адукацыйнага праекта «ШАГ» прайшла сустрэча «Беларусь пачынаецца з мяне. Сувязь пакаленняў. Сям’я – аснова маёй адказнасці».
Традыцыйныя суботнікі, якія прайшлі каля будынкаў адміністрацыйных устаноў і арганізацый, сталі прыкладам грамадзянскай адказнасці і жадання зрабіць наваколле больш прывабным. У прыватнасці, у суботніках прынялі ўдзел супрацоўнікі школы, ААТ «Прагрэс 2010», прадстаўнікі сацыяльнай сферы.
У вёсках Выня, Рымашы, Лугавая і Вялешына 1 прайшлі сходы грамадзян. На парадак дня вынесены пытанні супрацьпажарнай бяспекі і далейшага добраўпарадкавання населеных пунктаў. Важнай часткай сустрэч сталі канцэртныя праграмы, падрыхтаваныя артыстамі аддзела нестацыянарнага абслугоўвання РЦК.
У скверы каля Скабінскага клуба-бібліятэкі з’явілася новая алея туй. Яе заклалі ў Тыдзень бацькоўскай любові. У добрай справе прынялі ўдзел прадстаўнікі Капыльскай РА РГА «Белая Русь», у тым ліку члены пярвічнай арганізацыі Капыльскага сельвыканкама, а таксама шматдзетная сям’я Дрэмавых, работнікі Скабінскага клуба-бібліятэкі і прадстаўнікі ААТ «Скабін».
Бібліятэкар Камсамольскай сельскай бібліятэкі-клуба Сняжана Цішчанка правяла пазнавальную хвілінку «Компас по книжным новинкам»: азнаёміла дзяцей з новымі выданнямі і цікавымі фактамі са свету літаратуры, тым больш прывіваючы любоў да чытання.
Праблему якасці дарог абмеркавалі на сходзе грамадзян у в. Станькі (на здымку). Галоўнай тэмай стала асфальтаванне аўтадарогі «Капыль – Леніна – Селішча» да в. Станькі. Каб дыялог быў прадметным, да вяскоўцаў завіталі намеснік старшыні райвыканкама Іван Заяц і кіраўнік філіяла «ДРБУ № 124» Максім Гусеў.
Маштабная ўборка разгарнулася ў сельсавеце. Да добраўпарадкавання актыўна далучыліся структурныя падраздзяленні і арганізацыі, што працуюць на тэрыторыі сельсавета.
У Дзень маці калектыў Старыцкага сельскага Дома культуры арганізаваў адрасную віншавальную акцыю. Работнікі ўстановы выехалі на дом да шматдзетных маці. У рамках мерапрыемства жанчынам уручалі эксклюзіўныя віншавальныя паштоўкі, сувеніры, букеты кветак, а таксама выказалі цёплыя пажаданні здароўя, сямейнага дабрабыту і цярпення.
