Вас выклікае... пункт аховы
На пасяджэнне савета грамадскага пункта аховы правапарадку было выклікана восем чалавек, якія вядуць асацыяльны лад жыцця. Узроставага «цэнзу» няма – у катэгорыю нядобранадзейных трапляюць як маладыя хлопцы і дзяўчаты, так і людзі сталага ўзросту. З кожным з парушальнікаў праведзена прафілактычная гутарка.
Без панікі!
На тэрыторыі сельсавета праводзіцца работа па ліквідацыі парушэнняў пры карыстанні зямлёй. Згодна з данымі аэрафотаздымкаў, выяўлены ўчасткі зямлі, якімі грамадзяне карыстаюцца незаконна. Вяскоўцы запрашаюцца ў сельвыканкам, дзе прадстаўнік аддзела землеўпарадкавання на геапартале зямельна-інфармацыйнай сістэмы Рэспублікі Беларусь паказвае месцы незаконнага землекарыстання і прапануе ліквідаваць парушэнне: адмовіцца ад занятага ўчастка або напісаць заяву на яго далейшае выкарыстанне.
Час актыўнага адпачынку
Кожны тыдзень у Жыліхаўскім СДК збіраецца вясёлая кампанія вяскоўцаў, для якіх праводзяцца розныя мерапрыемствы (на здымку). Так, прайшла дзіцячая дыскатэка «Калі ўсім весела», гульнёвы атракцыён «Трапны стралок», а таксама гадзіна настольных гульняў «Прыйсці першым да фінішу», падчас якой падлеткі выбралі для сябе гульню ў шашкі. А ў рамках праграмы «Міншчына маладзёжная» жыхары аграгарадка прыйшлі на танцавальнае рандэву «Уключы свой рытм», каб патанчыць, пагутарыць і адпачыць пасля цяжкага працоўнага тыдня.
Каб пазбегнуць бяды
На жаль, не ўсе грамадзяне клапоцяцца пра сваю бяспеку і бяспеку блізкіх людзей, многія дапускаюць парушэнні элементарных правіл, што часта прыводзіць да трагічных наступстваў. З мэтай выявіць факты, якія ўяўляюць пагрозу для жыццядзейнасці чалавека, і садзейнічаць іх ліквідацыі, на тэрыторыі сельсавета праводзіцца абследаванне домаўладанняў. У цэнтры ўвагі – адзінокія і адзінока пражываючыя пажылыя грамадзяне, сем’і, якія знаходзяцца ў сацыяльна-небяспечным становішчы, вяскоўцы, якія вядуць асацыяльны лад жыцця і злоўжываюць спіртнымі напоямі.
Як адзначыла старшыня Бучацінскага сельвыканкама Святлана Сташаніна, за ліпень абследавана каля трыццаці такіх сем’яў: з імі праведзены прафілактычныя размовы аб недапушчэнні дзеянняў, якія могуць стварыць прычыны і ўмовы для гібелі і траўматызму людзей.
Надвор’е ўнесла карэктывы
Моцныя вятры, што прайшліся па Беларусі, не патрывожылі дамы аднавяскоўцаў. Але зламаныя галіны (на здымку) парушаюць прэзентабельны выгляд раёна. Таму пасля разгулу стыхіі былі праведзены работы па ўборцы вуліц аг. Семежава.
Прыбралі - цяпер косім!
Як жа без абкошвання вясковых вуліц! На гэты раз з падтрымкай ААТ «Семежава» скасілі непатрэбную траву ў аг. Семежава.
Неабходную ўвагу надаюць і гісторыка-культурнай спадчыне раёна. У Чырвонай Дубраве прывялі да ладу тэрыторыю вакол фрагментаў сядзібы «Макраны»: руін малаказавода, царквы і пахавальні.
Навялі парадак у будынку
Жыхары навакольных вёсак часта звяртаюцца ў Семежаўскі сельвыканкам для вырашэння асабістых праблем. Але з цягам часу фае адміністрацыйнага будынка страціла «прэзентабельны» выгляд. Таму тут быў праведзены касметычны рамонт.
Падтрымка чысціні
Старшыня сельвыканкама Вікторыя Кунаш-Літвіна сочыць за парадкам на тэрыторыі сельсавета. Не ігнаруюць і праблемы са смеццем. Так, апошнім часам былі прыбраны два несанкцыянаваныя сметнікі.
Ганна МАТУСЕВІЧ, студэнтка факультэта журналістыкі БДУ
Воспитанники оздоровительного лагеря «Радуга», работающего на базе СШ № 3 г. Копыля, посетили Копыльское отделение Департамента охраны Министерства внутренних дел.
Приглашаем на праздник "Гуляй, село родное!"
Намолочено 97 208 тонн (без рапса) при урожайности 46,3 центнера с гектара.
За час уборачнай мае паездкі на палі сельгаспрадпрыемстваў былі актыўнымі і поўнымі добрых эмоцый: свежае паветра, гул камбайнаў, ветлівыя механізатары.
С коллективом Копыльской районной центральной библиотеки встретился делегат Всебелорусского народного собрания, инженер по техническому осмотру транспортных средств филиала «Автопарк № 21» Михаил Стельмах.
Хотите узнать, где выгодно к новому учебному году купить тетрадь, ручку и дневник?.. Читайте наш материал!
