- У гаспадарках раёна закладзена звыш 46 тысяч тон сенажу (16% да плана). 4833 тоны на рахунку ААТ «Піянер-Агра» – найбольшы паказчык. Самыя высокія тэмпы корманарыхтоўкі ў ААТ «Скабін», «Праснакі», філіяле «Лакнея», КСУП «Доктаравічы». Аграрыі ЗАТ «Жыліхава» вядуць закладку кармоў і ў плёнку.
- Усе гаспадаркі, якія займаюцца вырошчваннем цукровых буракоў, правялі першую і другую хімпраполкі пасеваў гэтай культуры. Некаторыя распачалі трэцюю, а аграрыі ААТ «Прагрэс 2010» і «Праснакі» яшчэ апрацоўваюць і супраць шкоднікаў.
- Не застаюцца без увагі земляробаў палеткі з кукурузай. Ужо правялі хімпраполку на 6170 гектарах. Найбольш – 1070 гектараў – апрацавана ад пустазелля ў філіяле «Лакнея». Звыш 160 гектараў у дзень праходзяць у ААТ «Праснакі» і «Старыца-Агра».
- Апрацоўку палеткаў з азімым рапсам супраць шкодных насякомых завяршылі ўсе гаспадаркі, некаторыя нават апрацавалі інсектыцыдамі палеткі тройчы, а ў ААТ«Семежава», філіяле «Лакнея» і УП «ПІК-Лясное» ўжо і ў чацвёрты раз.
- Надой ад адной каровы ў сярэднім па раёне складае 20,6 кг, гэта на 200 г больш, чым летась. Самыя высокія надоі ў ААТ «Капыльскае» і УП «ПІК-Лясное» – па 25,9 кг. Атрыманы валавы надой 525 420 кг (102,4%). Таварнасць знаходзіцца на ўзроўні 92,1%.
Фота Таццяны БОХАН
Комментарии