У аг. Семежава распачалося ўладкаванне тэрыторый для новага прыпыначнага пункта. Сіламі сельвыканкама і мясцовага сельгаспрадпрыемства ААТ «Семежава» ўжо завершаны маштабны этап – укладка пешаходнай дарожкі і асноўнай пляцоўкі пад павільён (на здымку).
На тэрыторыі сельсавета працягваюцца сходы грамадзян. Жыхары вёсак Андросаўшчына, Русакі, Ба-дзяжы, Садкі, Харытонаўка, Карзуны, Слабада-Кучынка і Свідзічы абмеркавалі з прадстаўнікамі мясцовай улады надзённыя пытанні. У першую чаргу вяскоўцаў хвалюе добраўпарадкаванне: своечасовае скошванне травы, барацьба з нашэсцем сумніку (золотарника) (на здымку) і выдаленне аварыйных дрэў. Аднак галоўнай тэмай дыялогу стала бяспека грамадзян: правілы паводзін на вадаёмах, недапушчальнасць знаходжання дзяцей без нагляду і неабходнасць устаноўкі аўтаномных пажарных апавяшчальнікаў у жылых дамах.
У мясцовай бібліятэцы сумесна з Быстрыцкім СДК прайшло мерапрыемства, прысвечанае Году беларускай жанчыны, – выстава малюнкаў «Беларуская жанчына вачыма дзяцей» (на здымку). Юныя мастакі з вялікім натхненнем перадалі сваё бачанне праз вобразы мам, бабуль і тых жанчын, якія з’яўляюцца для іх прыкладам для пераймання.
Два пустуючыя дамы ў в. На-васёлкі больш не псуюць выгляд і не ствараюць пагрозы. Старыя пабудовы знесены (на здымку), тэрыторыі расчышчаны і выраўнены. На іх месцы цяпер пляцоўка, гатовая да новага выкарыстання.
Жыхары вёсак Смалічы і Малінова выйшлі на сходы грамадзян, каб абмеркаваць надзённыя праблемы ра-зам са старшынёй Бучацінскага сельвыканкама Святланай Сташанінай.
На палетку паміж вёскамі Траянава і Кудзінавічы для працаўнікоў ААТ «Прагрэс 2010» ладзілі «Зажынкі». У абрадзе прынялі ўдзел прадстаўнікі Капыльскага райвыканкама, духавенства, а таксама ветэраны сельскагаспадарчай вытворчасці (на здымку). Святочную праграму для хлебаробаў арганізавалі і правялі супрацоўнікі Капыльскага раённага цэнтра культуры.
Працягваюцца планавыя работы па зносе пустуючых дамоў. На дадзены момант цалкам знесена пяць аварыйных будынкаў у в. Рымашы. Таксама падрыхтаваны пакет дакументаў на захаванне яшчэ трох старых дамоў.
Бібліятэкар Грозаўскай сельскай бібліятэкі Таццяна Нераненя правяла для юных чытачоў пазнавальна-гульнявую віктарыну «Мая Беларусь» (на здымку), якая была накіравана на выхаванне патрыятызму і любові да роднага краю. Дадаткова арганізавалі прафілактычную гульню-вікта-рыну «Тэрыторыя здароўя», дзе дзеці прадэманстравалі свае веды пра карысныя звычкі і правілы бяспекі.
Так называлася незвычайнае мерапрыемства, прымеркаванае да года беларускай жанчыны, якое правялі ў Скабінскім клубе-бібліятэцы. На сустрэчы сабраліся прадстаўніцы прыгожага полу розных узростаў – ад юных дзяўчат да вопытных захавальніц хатняга ачага. Госці былі ў захапленні ад дэфіле яркіх касцюмаў (на здымку), а пасля лірычнай часткі грымнула дыскатэка: тут гучалі і вальсы, і заліхвацкая «Лявоніха», і сучасныя рытмы.
У парку Моладзі супрацоўнікі Ванелевіцкага ЦКіД працягваюць арганізоўваць для дзяцей яркія летнія мерапрыемствы (на здымку). Юныя ўдзельнікі ўжо далучыліся да гульнявой праграмы «Лета сонейкам сагрэта» і конкурсна-гульнявой праграмы «Фарбы-непаседы» з удзелам казачных герояў – Лісы Алісы і Ката Базіліа. Тэматычныя сустрэчы дапамагаюць дзецям цікава і з карысцю праводзіць канікулы, развіваюць творчыя здольнасці, фантазію, камунікатыўныя навыкі і дораць шмат станоўчых эмоцый.
