Выхаванцы летняга аздараўленчага лагера пры Ванелевіцкай СШ сталі ўдзельнікамі інфармацыйнага дайджэста «Жанчыны Беларусі ў гады Вялікай Айчыннай вайны». Дзеці даведаліся пра гераічны шлях беларускіх жанчын, якія самааддана змагаліся за свабоду сваёй краіны.
У парку аг. Семежава праведзены работы па абрэзцы галін дрэў. Гэта дазволіла павысіць бяспеку наведвальнікаў, а таксама надаць дрэвам больш акуратны і дагледжаны выгляд.
У аг. Ванелевічы да-дзены старт маштабнай працы па навядзенні парадку на закінутых тэрыторыях – прыступілі да зносу старых і пустуючых дамоў, якія доўгія гады псавалі аблічча населенага пункта і ўяўлялі небяспеку для жыхароў.
На тэрыторыі Доктаравіцкага сельсавета прайшла акцыя «За бяспеку разам». Спецыялісты сельвыканкама і Капыльскага РАНС наведалі домаўладанні адзінокіх пенсіянераў і інвалідаў.
