Галоўная мэта рэйду – папярэдзіць пажары ў побыце. Ратавальнікі і работнікі сельсавета праверылі стан печаў і электрапрыбораў, нагадалі жыхарам правілы бяспекі. А самым неабароненым катэгорыям грамадзян бясплатна ўсталявалі аўтаномныя пажарныя апавяшчальнікі, якія дапамогуць выратаваць жыццё ў выпадку надзвычайнай сітуацыі.
На варце правапарадку
У Доктаравіцкім сельсавеце прайшло выязное пасяджэнне савета грамадскага пункта аховы правапарадку. У мерапрыемстве прыняў удзел пракурор Капыльскага раёна Віталь Афанасенка.
У ходзе пасяджэння былі разгледжаны пытанні, якія датычацца стану правапарадку на тэрыторыі сельсавета, эфектыўнасці работы суб’ектаў прафілактыкі, а таксама ўзаемадзеяння з насельніцтвам па папярэджанні правапарушэнняў. Асаблівую ўвагу ўдзельнікі надалі пытанням п’янства, сямейна-бытавых канфліктаў і кантролю за асобамі, схільнымі да здзяйснення супрацьпраўных дзеянняў.
Час наводзіць чысціню
Вясна – гэта не толькі час абуджэння прыроды, але і традыцыйная пара суботнікаў. Адзін з іх правялі работнікі сельвыканкама. Іх намаганнямі быў наведзены парадак на тэрыторыі, прылеглай да адміністрацыйнага будынка.
Акрамя таго, на тэрыторыі сельсавета прыступілі да работ па добраўпарадкаванні воінскіх пахаванняў.
Комментарии