СПЕЦВЫПУСК, посвященный 50-летнему юбилею СХФ “Криница” ОАО “Минскремстрой”.
Асноўныя, так бы мовіць, здабытчыкі фінансаў у зімовы час – жывёлаводы. У гаспадарцы тры малочнатаварныя фермы, свінаферма, тут займаюцца і вырошчваннем цялят. Па меры магчымасці кіраўніцтва сельгаспрадпрыемства з дапамогай інвестараў пастаралася палепшыць умовы працы жывёлаводаў, былі ўкладзены сродкі ў абсталяванне пакояў адпачынку, душавых, заменены транспарцёры для гноевыдалення і нахільныя транспарцёры. Для паляпшэння пагалоўя пайшлі па шляху закупу высокапрадукцыйнай жывёлы. Так, у 2005—2006 гады ў Ленінградскай вобласці было набыта 26 галоў элітных цялушак, у СВК “Ванелевічы” – 40 галоў. 
Дасканала арганізаваць любы тэхналагічны і вытворчы працэс немагчыма без спецыялістаў, якія для кожнага кіраўніка з’яўляюца надзейнай апорай. Менавіта гэтыя словы, паводле меркавання дырэктара сельгасфіліяла “Крыніца” ААТ “Мінскрамбуд” Аляксандра Кажуры, вельмі дакладна характарызуюць дзейнасць яго памочнікаў. Ён высока ацаніў ветработнікаў Ігара і Алены Пятрэнкаў, галоўнага заатэхніка Марыны Баран, заатэхніка-селекцыянера Станіслава Каспяровіча, галоўнага інжынера Івана Варвашэвіча, выконваючай абавязкі галоўнага агранома Наталлі Кандыбовіч, загадчыцы склада Веранікі Клюйко (яна ж з’яўляецца старшынёй прафкама), брыгадзіра вытворчага ўчастка №1 раслінаводства Любові Трыгубовіч, галоўнага эканаміста Валянціны Станкевіч, работнікаў бухгалтэрыі на чале з Наталляй Рымашэўскай, інспектара аддзела кадраў Наталлі Каспяровіч, спецыяліста дыспетчарскай службы Марыны Пратасевіч, вядучага інжынера-электрыка Алега Лазоўскага. 
СПЕЦВЫПУСК, посвященный 50-летнему юбилею СХФ “Криница” ОАО “Минскремстрой”.
У кожнай гаспадарцы найбольш запатрабаваныя менавіта механізатарскія і вадзіцельскія кадры: на іх плённай працы трымаецца раслінаводства, не абысціся без дапамогі чалавека за рулём і жывёлаводам. “Добрасумленныя, адказныя, працавітыя” – гэтыя тры словы характарызуюць прафесійныя якасці Анатоля Гуткоўскага, Анатоля Кандыбовіча, Уладзіміра Логмана.
Асноўная задача Анатоля Адамавіча Гуткоўскага (здымак 1) – пасадка, догляд і ўборка бульбы. Дзякуючы яго клапатлівым рукам, стараннасці і майстэрству гаспадарцы ўдалося выйсці на шлях пастаяннага павышэння ўраджайнасці бульбы, паляпшэння культуры земляробства. Летась было накапана па 187 ц/га, ад рэалізацыі амаль 1000 тон атрымалі звыш 290 млн рублёў прыбытку.
На сваім вялікагрузным МАЗе Анатоль Кандыбовіч (здымак 2) жаданы “госць” на кожным участку работ: адвозка зялёнай масы падчас корманарыхтоўкі, перавозка збожжа падчас уборачнай, дастаўка на ферму сенажу. Ды хіба ж мала спраў знойдзецца для ўмелых рук вадзіцеля і яго надзейнага памочніка аўтамабіля. У гаспадарцы Анатоль Станіслававіч працуе амаль 25 гадоў, і ўвесь час толькі добрымі словамі характарызавалася яго дзейнасць.
Паводле слоў кіраўніка сельгаспрадпрыемства, да Уладзіміра Логмана (здымак 3) найбольш пасуе эпітэт “віртуоз сваёй справы”. Ён працуе на “Амкадоры”, і які б участак работы яму не даручалі, любую справу Уладзімір Мікалаевіч выконвае на выдатна. “Часам нават дзіву даешся, як па-майстэрску ён упраўляецца з такой складанай і не самай маленькай машынай”, — адзначае Аляксандр Кажура. 
Сваю першую ўзнагароду Зоя Емяльянаўна Салановіч атрымала яшчэ ў 1957 годзе, калі дзесяцікласніцай, як член звяна па вырошчванні махоркі ў калгасе “Новы будаўнік” у в. Садавічы, была запрошана на ВДНГ, дзе атрымала медаль. Затым была вучоба ў Пінскім сельскагаспадарчым тэхнікуме, Горацкай акадэміі, праца на розных пасадах, у тым ліку і галоўным спецыялістам, вялікая прапагандысцкая работа. Зоя Емяльянаўна з’яўлялася сакратаром парткама ў сваёй гаспадарцы, працоўны стаж у якой пачаў адлічвацца з 1965 года.
— Мая працоўная дзейнасць была цесна звязана з усімі ўзлётамі і падзеннямі, якія перажывала гаспадарка, — успамінае Зоя Емяльянаўна Салановіч. – Усім давялося прыкласці нямала сіл і ведаў, каб дабіцца такіх высокіх вынікаў, як, напрыклад, прызнанне фермы ў в. Харытонаўка племянной, што дало магчымасць прадаваць цёлак як племянных. Калі хто разбіраецца ў гэтай справе, то можа пацвердзіць, якая гэта карпатлівая праца: толькі на апісанне адной цялушкі неабходна было запоўніць 68 граф.
Была ў нашай гаспадарцы і Герой Сацыялістычнай Працы – свінарка Алімпіяда Адамаўна Трыгубовіч. І зараз жыве ў в. Харытонаўка яшчэ адна наша перадавая свінарка – Алена Фёдараўна Трыгубовіч, якая ўзнагароджана ордэнам Леніна (ёй ужо 92 гады). Я маю медаль “За працоўную адзнаку”, мноства грамат, дыпломаў розных узроўняў. Час праляцеў вельмі хутка. Было цяжка, але цікава. Адным словам, ёсць пра што ўспомніць. 
Міхаіл Сяргеевіч Рымашэўскі ў гаспадарцы з першага дня яе заснавання. Працаваў трактарыстам, брыгадзірам трактарнай брыгады, механікам, загадваў гаражом, быў галоўным інжынерам. На пенсію выйшаў у 1994 годзе, але і зараз працягвае шчыраваць на карысць роднай гаспадаркі: займаецца сваёй самай любімай справай – даглядае пчол, якіх у СГФ “Крыніца” 30 сем’яў.
— Раней у Слабада-Кучынцы і бліжэйшых вёсках быў калгас — “Зара свабоды”, — успамінае ветэран. — Аднак калгаснае жыццё мела і такі адмоўны бок, як немагчымасць атрымліваць за сваю працу грошы, а толькі працадні, якія неяк кампенсаваліся ў канцы года. Таму вялікае імкненне стаць рабочымі саўгаса было зразумелым. У лістах з такой просьбай ставілі свае подпісы ўсе. І жаданне вяскоўцаў было пачута. У канцы 50-х гадоў узнік саўгас “Лясное”, у які сабралі ўсе гаспадаркі ад Рымашоў да Бора. Праз год (у 1961-м) яго падзялілі на два саўгасы: “Лясное” і “Крыніца”. У 1965 годзе з “Крыніцы” выдзеліўся і саўгас “Прамень”. Першым дырэктарам гаспадаркі быў Міхаіл Іванавіч Лятун – франтавік, афіцэр, настаўнік па адукацыі.
Вядома ж, выніковасць працы на той час была далёкай ад сённяшняй. Збожжавых атрымлівалі па 7 ц/га, новаспечаны саўгас меў толькі два МТЗ і тры гусенічныя трактары. Правялі меліярацыю, пачалі займацца выпускам травяной вітаміннай мукі, якую вазілі ў Клецк на камбікормавы завод. Цяпер, вядома ж, многае змянілася. З’явілася новая сучасная тэхніка, значна выраслі ўраджаі. Можна было б і дома застацца, але не сядзіцца. Вельмі ж люблю пчолак, душой і сэрцам побач з імі адпачываю. Летась 250 кг мёду на склад здаў. З задавальненнем яго ў нас купляюць. І мне радасць, і гаспадарцы прыбытак.
“Міхаіл Сяргеевіч з усёй душой адносіцца да сваёй справы, — расказвае кіраўнік сельгаспрадпрыемства Аляксандр Кажура. – І цікавіцца не толькі пчоламі. Не раз дапамагаў слушнай парадай – яго жыццёвы вопыт і глыбокія веды даюць поўную падставу рабіць гэта. Мне здаецца, што ў гэтага чалавека няма ні-якіх адмоўных рысаў. Ён проста выпраменьвае такую станоўчую энергію, што міжволі побач з ім хочацца стаць больш спагадлівым і разважлівым”. 
Аляксандр Часлававіч Кажура з’яўляецца, практычна, равеснікам прадпрыемства, якое ўзначальвае: менавіта сёння, ён адзначае свой 51-ы дзень нараджэння. Працоўную дзейнасць пачынаў трактарыстам, пасля закончыў Беларускі інстытут механізацыі сельскай гаспадаркі па спецыяльнасці “інжынер-механік”. У Капыльскі раён пераехаў у 1987 годзе, дзе і працаваў на розных пасадах. СГФ “Крыніца” ўзначальвае з верасня 2006 года.
— Наша гаспадарка прайшла дастаткова складаны шлях, — расказвае Аляксандр Кажура. — Будучы залічанай у пачатку новага тысячагоддзя ў спіс “ляжачых” з надзеяй на лепшую будучыню ўспрыняла вестку аб далучэнні да сталічнай будаўнічай арганізацыі ААТ “Мінскрамбуд”. Гэта адбылося ў 2004 годзе. І з таго часу пачалося паступовае адраджэнне сельгаспрадпрыемства. Пачалі з жывёлагадоўчых памяшканняў: адрамантавалі фермы ў Карзунах, Харытонаўцы, аднавілі цялятнік у в. Сл.-Кучынка. На фермах пастараліся абустроіць быт працаўнікоў. Прайшоў капітальны рамонт у будынку дыспетчарскай, дзе з’явілася новая лазня, летась давялі да ладу мехмайстэрні, гараж. Кіраўніцтва Мінскрамбуда дапамагло ў абнаўленні машынна-трактарнага парку: набыта глебаапрацоўчая тэхніка, 5 камбайнаў, трактар МТЗ-3022 з наборам прычапных агрэгатаў, увесь шлейф тэхнікі для нарыхтоўкі кармоў. У в. Харытонаўка з’явілася новая збожжасушыльная гаспадарка з сучаснай высокапрадукцыйнай фінскай сушылкай, даведзены да ладу 5 сянажных траншэй. Пабудавана свінаферма (матачнік і цэх вырошчвання па тыпе “шведскага” стала). Летась пачалі ўзводзіць новую малочнатаварную ферму ў в. Слабада-Кучынка на 400 месцаў, дзе жывёла будзе знаходзіцца на бяспрывязным утрыманні, даіцца ў сучаснай даільнай зале. Плануем, што яна ўступіць у строй у кастрычніку бягучага года. Прыступаем да рэканструкцыі старога бульбасховішча на 1000 тон, будзе адрамантавана і вагавая гаспадарка з устаноўкай электронных вагаў.
Землі ў нас лёгкія, з балам 28-29. Лічу, найбольш паспяховай для нас летась была кукуруза на зерне, пад якую было адведзена 50 га. З гэтай плошчы мы атрымалі па 72,2 ц/га (да прыкладу, год таму – толькі па 32,5 ц/га). Ад рэалізацыі зерня мелі больш за 140 млн рублёў. Парадавалі нас і кармавыя караняплоды: накапалі па 660 ц/га, у год рэфармавання было толькі 386 ц/га. Добры вынік дала грэчка, плошчы пад якую мы павялічваем удвая. Наша гаспадарка ўвайшла ў пералік тых сельгаспрадпрыемстваў, якія будуць сёлета займацца вырошчваннем бульбы.
Паспяховае вядзенне жывёлагадоўлі немагчыма без добрай кармавой базы. У 2010 годзе мелі па 27 ц к. адз. на ўмоўную галаву жывёлы. Сёлета стаіць задача нарыхтаваць 5300 т сенажу, 6400 т сіласу, 543 т сена.
Цэнтральная сядзіба гаспадаркі не ўвайшла ў лік тых, якія могуць прэтэндаваць на статус аграгарадка. Таму стараемся ўсе работы праводзіць сваімі сіламі. За апошнія гады пабудавана 8 і набыта 5 дамоў сядзібнага тыпу, рэканструяваны пад 6-кватэрны васьмікватэрны дом. Сёлета будзе адрамантавана дарога, плануем заасфальтаваць мехдвор. Словам, стараемся ісці ў нагу з часам.
Сардэчна віншую ўвесь калектыў СГФ “Крыніца” ААТ “Мінскрамбуд”, нашых слаўных ветэранаў з 50-годдзем з дня ўтварэння гаспадаркі.
Жадаю ўсім моцнага здароўя, удачы, дабрабыту. Няхай задуманае — здзейсніцца, планы не разыходзяцца са справамі, дабрыня і лад заўсёды пануюць у кожнай сям’і. 
Ва ўпартай барацьбе каманда юнакоў у складзе Ягора Ляшчынскага, Дзмітрыя Мініча, Андрэя Чарнушэвіча, Яўгена Праказава, Улада Фалітара, Аляксандра Мяцельскага, Андрэя Лабко, Аляксандра Татура, Улада Мацюша (гімназія №1) і Паўла Цвірко (Лясноўская СШ) узяла верх над гандбалістамі Слуцкага, Мінскага і Нясвіжскага раёнаў. У іх – заслужанае першае месца.
Крыху шанцавання не хапіла капыльскім дзяўчатам, каб падняцца на верхнюю прыступку п’едэстала гонару. Саступіўшы гаспадарам пляцоўкі, нашы гандбалісткі занялі другое месца. Гонар раёна адстойвалі Вікторыя Кісялёва, Юлія Ніжэвіч ( гімназія №1), Аліна Янушка, Алеся Хмялеўская, Настасся Якубовіч, Таццяна Стульба, Хрысціна Валчкевіч, (Лясноўская СШ) і Карына Канончык (СШ №3).
Застаецца дадаць, што падрыхтоўкай каманд займаліся трэнеры Уладзімір Хартановіч, Віталь Позняк і Сяргей Бельмач.
Сяргей ЛАЗОЎСКІ
НА ЗДЫМКУ: гандбольная каманда капыльскіх дзяўчат з трэнерамі С. Бельмачам і В.Познякам.
Фота Дзмітрыя Булы 
Соответствующий указ №72 "О некоторых вопросах регулирования цен (тарифов) в Республике Беларусь" 25 февраля подписал глава государства Александр Лукашенко, сообщили БЕЛТА в пресс-службе Президента.
Документ подписан в целях сокращения сферы государственного регулирования цен и тарифов.
"Указом предусматривается сохранение государственного регулирования цен (тарифов) на отдельные товары (работы, услуги), имеющие наиболее важное значение для обеспечения экономической безопасности страны, на продукцию организаций-монополистов, а также на социально значимые товары (услуги)", - проинформировали в пресс-службе.
Документом определен конкретный перечень товаров (работ, услуг), в отношении которых осуществляется государственное регулирование цен (тарифов), а также органы государственного управления, на которые возлагаются функции по их регулированию. Цены (тарифы) на товары (работы, услуги), не вошедшие в перечень регулируемых, будут формироваться субъектами предпринимательской деятельности самостоятельно с учетом конъюнктуры рынка.
С принятием указа отменяются предельные индексы изменения отпускных цен (тарифов) на товары (работы, услуги), производимые на территории республики, которые ранее устанавливались правительством. Соответственно отменяется регистрация этих цен (тарифов), отметили в пресс-службе.
Исключена необходимость представления экономических расчетов юридическими лицами и индивидуальными предпринимателями при определении уровня применяемых ими цен (тарифов), за исключением регулируемых. Отмена этих норм обусловила и необходимость изменения состава административных правонарушений в сфере ценообразования. В частности, указом установлено, что правонарушением не будет являться превышение индивидуальным предпринимателем или юридическим лицом установленных предельных индексов изменения отпускных цен (тарифов) на товары (работы, услуги) при их реализации без регистрации цен (тарифов).
Также не будет правонарушением реализация товаров (работ, услуг) с нарушением установленного порядка регистрации цен (тарифов), за исключением регулируемых, равно как и реализация товаров (работ, услуг) при отсутствии экономических расчетов, подтверждающих уровень применяемых цен (тарифов), за исключением регулируемых.
В соответствии с этими изменениями состава административных правонарушений в сфере ценообразования будут внесены соответствующие корректировки в Кодекс об административных правонарушениях и Процессуально-исполнительный кодекс об административных правонарушениях.
Указ вступает в силу с 1 марта 2011 года. 
Выхаванец ДЮСШ АФП Капыльскага райкама прафсаюза работнікаў АПК Дзмітрый Трыгубовіч (цяпер – навучэнец Наваполацкага дзяржаўнага вучылішча алімпій-скага рэзерву) (на здымку) на мінулым тыдні заваяваў “серабро” рэспубліканскіх спаборніцтваў па лыжных гонках сярод спецыяльных навучальных устаноў. Гэта – другі значны поспех юнага капыляніна ў лютым гэтага года. Яшчэ адно “серабро” ён здабыў на рэспубліканскай спартакіядзе па лыжных гонках сярод ДЮСШ. Сёння Дзмітрый вядзе барацьбу на снежных трасах у Раўбічах, дзе праходзіць першынство Рэспублікі Беларусь па лыжных гонках.
Сяргей ЛАЗОЎСКІ 
ЛИЧНЫЙ ПРИЕМ граждан и представителей юридических лиц членом Совета Республики Беларусь Национального собрания Республики Беларусь Михаилом Васильевичем КРИШТАПОВИЧЕМ состоится 1 марта 2011 г. с 10.00 до 13.00 в здании Копыльского райисполкома.
Справки по телефонам: (8-01770) 62-5-16, 62-5-24. 
- міжведамасная акцыя пад такой назвай аб’яўлена абласной камісіяй па справах непаўналетніх.
Правядзенне акцыі запланавана на перыяд з 1 сакавіка па 1 красавіка. З гэтай мэтай у раёне будзе створаны арганізацыйны камітэт і распрацаваны план мерапрыемстваў.
Сяргей КОЗЕЛ 
