[/caption]
Прафесію педагога яна абрала невыпадкова. Вось ужо звыш дваццаці гадоў Алена Вячаславаўна дае першую пуцёўку ў жыццё сваім выхаванцам. Яна ўдзячна свайму калектыву, сваім калегам за ўзаемаразуменне, падтрымку. У сваю чаргу яны адзначаюць яе высокае прафесійнае майстэрства, арганізатарскія здольнасці. Педагог вышэйшай кваліфікацыі працуе па праграме “Пралеска”, давялося ёй асвойваць і методыку Зайцава. З кожным днём яна ўдасканальваецца, чэрпае інфармацыю з метадычнай літаратуры, інтэрнэту. А самае галоўнае, лічыць Алена Вячаславаўна, — гэта эмоцыі дзяцей, іх шчырыя вочкі.
Сяргей КОЗЕЛ
Фота Сяргея ЛАЗОЎСКАГА
[/caption]
А еще, как подчеркнула в разговоре Валентина Степановна, необходимо быть тонким психологом, т. к. закройщику приходится постоянно контактировать с заказчиками, а последние, как и покупатели, — всегда правы. Приветливость, навыки делового общения помогают ей лучше выполнять свои обязанности, а опыт работы, помноженный на старательность, неизменно дает хорошие результаты.
Владимир СКРИПИНСКИЙ Фото Сергея ЛАЗОВСКОГО
[/caption]
Больш за 45 гадоў свайго жыцця аддаў сельскай гаспадарцы Анатоль Васільевіч Круглякоў. Ёсць у яго паслужным спісе праца аграномам-агароднінаводам, галоўным інжынерам і дырэктарам трэста агароднінных саўгасаў, начальнікам глаўка ў міністэрстве, дырэктарам Інстытута агароднінаводства і бульбаводства, дацэнтам кафедры ў інстытуце павышэння кваліфікацыі работнікаў сельскай гаспадаркі. Але цяга да зямлі, да творчай і стваральнай працы на ёй нарадзіла рашэнне і пасля выхаду на заслужаны адпачынак не развітвацца з любімай справай. Так 15 мая 1997 года ў в. Агароднікі Капыльскага раёна з’явілася фермерская гаспадарка, дзе Анатоль Васільевіч ажыццявіў свой намер вырошчваць насенную бульбу і агародніну — тое, чаму ён прысвяціў усё жыццё. Пачыналі з плошчы ў 50 га, сёння гаспадарка ўжо мае ў сваім распараджэнні 230 га.
Маргарыта САКОВІЧ
Фота аўтара
[/caption]
На Капыльскі масласырзавод Ірына Аляксандраўна ўладкавалася сыраробам у 1986 годзе. За доўгія гады плённай працы заслужыла аўтарытэт і давер як сваіх калег, так і кіраўніцтва прадпрыемства. Апошнія два гады займае пасаду сырароба-майстра.
Яе рабочы дзень пачынаецца вельмі рана. Паколькі сырцэх працуе ў тры змены, неабходна зрабіць абход, вызначыць, ці ёсць якія-небудзь праблемы на вытворчасці. А калі ёсць — аператыўна прыняць меры па іх ухіленні. Побач з Ірынай Бурак працуюць і вопытныя работнікі, і шмат моладзі, якая заўсёды прыслухоўваецца да парад прызнанага майстра.
Добрай школай для Ірыны Аляксандраўны стала паездка ў 2011 годзе ў Галандыю, дзе яна пазнаёмілася з тэхналогіяй варкі знакамітых сыроў. «Крыху іншае абсталяванне, кампаненты, сыравіна, а ўсе працэсы — класічныя для вытворчасці сыроў», — адзначае майстар-сырароб.
Сяргей ЛАЗОЎСКІ
Фота аўтара
