На прамую тэлефонную лінію і прыём грамадзян да старшыні Салігорскага міжраённага камітэта дзяржаўнага кантролю Сяргея Прахорчыка звярнуліся 11 жыхароў горада і раёна.
Напрыклад, Ганну Кашубу з вул. Мінскай, 7, што ў Капылі, хвалюе затапленне прысядзібнага ўчастка. Кіраўніцтву Капыльскай ЖКГ даручана на працягу сакавіка–красавіка правесці неабходныя земляныя работы па недапушчэнні затаплення дваровай тэрыторыі.
Жыхары жыллёвага кааператыва па вул. Цімкавіцкай, 1 “Е”, у мінулым годзе засяліліся ў свае кватэры і атрымалі няпрошаных “суседзяў” – жукоў, якія пачалі вылазіць з-пад падлогі. Сітуацыю на месцы павінен вывучыць генеральны падрадчык (рамонтна-будаўнічае ўпраўленне) і будзе прынята адпаведнае рашэнне.
Упраўленнем райсельгасхарчу і райсаветам дэпутатаў будзе правераны зварот Міхаіла Рака з аг. Пясочнае наконт законнасці адчужэння зямельных участкаў у палях севазвароту сельгасарганізацый, а менавіта ў РСУП “С “Прамень”.
Падзеі двухгадовай даўнасці наконт уцяплення цеплатрасы ў Капылі ўспомніў у сваім звароце жыхар г. Капыля Віктар Дашкевіч. Але, як аказалася пасля сумеснага выезду са службай ЖКГ да ўзгаданага месца, цеплатраса знаходзіцца ў нармальным стане. А вось узнятая Віктарам Віктаравічам праблема наконт абслугоўвання аўтамагазінамі ў нашым раёне мае месца. На жаль, не заўсёды прапаноўваецца неабходны асартымент, рэалізоўваюцца пратэрмінаваныя прадукты. Дарэчы, звярнула на гэта ўвагу і Валянціна Савельева з в. Рыматаўшчына, асабліва калі прыязджае “падменная” аўталаўка. Таксама Валянціна Васільеўна закранула пытанне аб выдзяленні тэхнікі для апрацоўкі прысядзібных участкаў.
Капылянін Уладзімір Швайбовіч узняў праблему спілоўвання дрэў паабапал дарог. Адказ аб правільнасці і законнасці такіх работ павінна даць раённая інспекцыя прыродных рэсурсаў і аховы навакольнага асяроддзя.
Наконт звароту Марыны Рыбак з г. Капыля старшынёй МКДК рэкамендавана ў аддзеле адукацыі правесці нараду аб недапушчэнні збору грошай у навучальных установах.
Па астатніх пытаннях дадзены неабходныя кансультацыі або вырашаны яны на месцы.
Сяргей КОЗЕЛ
На працягу сакавіка на Міншчыне праходзіць абласная міжведамасная прафілактычная акцыя “Мір у сям’і – грамадства без насілля”.
Яна заклікана забяспечыць прыцягненне грамадскасці да праблемы насілля, выяўлення сямейнага недабрабыту, злачынстваў у адносінах да непаўналетніх, проціпраўных дзеянняў у сферы сямейна-бытавых адносін. Асновай акцыі з’яўляецца аказанне сацыяльнай, псіхалагічнай, юрыдычнай дапамогі і падтрымка жанчын і дзяцей, якія пацярпелі ад дамашняга насілля, асвета насельніцтва. Таксама мерапрыемствы акцыі накіраваны на стабілізацыю аператыўнай абстаноўкі ў падлеткавым асяроддзі, выяўленне прычын і ўмоў, якія садзейнічаюць здзяйсненню правапарушэнняў падлеткамі.
Арганізатарам і каардынатарам акцыі з’яўляецца камісія па справах непаўналетніх. Яна праводзіцца ў цесным узаемадзеянні ўсіх зацікаўленых служб і ведамстваў, а таксама грамадскіх арганізацый. Падчас акцыі пройдуць рэйды па сем’ях, што патрабуюць асаблівай увагі, будуць распаўсюджвацца прафілактычныя памяткі, лістоўкі, буклеты, адбудуцца сустрэчы вучняў і бацькоў са свяшчэннікамі, бацькоўскія сходы, класныя гадзіны, круглыя сталы і іншыя прафілактычныя мерапрыемствы.
Сяргей КОЗЕЛ
Как хочется, чтобы все семьи были благополучными, а родители и дети — счастливыми. Но в жизни порой случается все наоборот. И очень важно, чтобы в этот момент рядом оказались люди, способные оказать необходимую помощь, дать нужную информацию или просто дельный совет.
Именно такие люди присутствовали на заседании координационного центра, которое состоялось на базе ГУО «Смоличский учебно-педагогический комплекс детский сад – средняя школа». Это специалисты отдела образования, председатель КДН, и.о. прокурора Копыльского района, начальник ГАИ, представитель инспекции природных ресурсов и охраны окружающей среды, работник СПЦ. Между участниками заседания состоялся живой, активный диалог.
Никогда ранее родители вместе со своими детьми не участвовали в такого рода мероприятиях. Освещались вопросы и обсуждались проблемы, наиболее волнующие родителей именно нашего учреждения образования. Безусловно, такие встречи нужны и важны. Не всегда можно найти время и средства обратиться за той или иной консультацией по волнующим вопросам. Родители и дети, присутствовавшие на встрече, почерпнули для себя много полезного и интересного, задумались над недостатками своего поведения, своими ошибками. Насколько встреча была результативной, покажет время. Все участники не только получили информацию, но и смогли понять, что есть люди, которые всегда окажут им поддержку в любой сложной жизненной ситуации.
Наталья Кондратеня,
учитель начальных классов
[/caption]
Першым на маршруце быў Музей гісторыі Добраахвотнага таварыства садзейнічання арміі, авіяцыі і флоту Беларусі, які размяшчаецца па вуліцы Маскоўскай, 6. Мне асабіста даводзілася бываць у гэтай установе і думалася, што пра ўсе залы, асобы і падзеі, пра якія тут расказваецца, ужо чуў… Але экскурсія намесніка дырэктара Рэспубліканскага Дома ДТСААФ Мікалая Шаўчэнкі была настолькі грунтоўнай, выразнай і, адначасова, цікавай і даступнай, што міжволі ўсім прысутным хацелася паслухаць яе да канца. Удзельнікі нашай групы даведаліся, што музей быў адкрыты амаль тры дзесяцігоддзі таму – 12 кастрычніка 1982 года. Больш за дзве тысячы экспанатаў распавядаюць аб гісторыі абароннага таварыства Беларусі. У першай зале прадстаўлены матэрыялы па стварэнні абаронна-патрыятычных арганізацый, іх дзейнасці ў даваенны перыяд і ў гады Вялікай Айчыннай вайны. У другой экспануюцца матэрыялы аб рабоце таварыства ў пасляваенны час. Ужо ў трэцяй зале можна даведацца аб удзеле ДТСААФ у падрыхтоўцы спецыялістаў для Узброеных Сіл, іншых воінскіх фарміраванняў і для народнай гаспадаркі. І ў чацвёртай удзельнікі мерапрыемства пазнаёміліся з дасягненнямі спартсменаў арганізацыі на спаборніцтвах розных узроўняў, а таксама з развіццём тэхнічных і авіяцыйных відаў спорту. Экспазіцыя музея пакрысе набывае сучасны, больш прывабны выгляд, кожная з залаў папаўняецца новымі экспанатамі. Цяпер таксама вядуцца работы па афармленні ў музеі асобнай залы – “Спартыўны гонар ДТСААФ”, дзе наведвальнікі змогуць даведацца пра лепшых спартсменаў абароннага таварыства. У зале будуць усталяваны і новыя мадэлі спартыўнай тэхнікі.
[caption id="attachment_17010" align="aligncenter" width="295" caption="У кабіне верталёта Мі-24П – Яўген Жыдкоў"]
[/caption]
Не маглі абмінуць удзельнікі паездкі святога і добравядомага месца сталіцы – Вострава Мужнасці і смутку (Вострава слёз), дзе знахо-дзіцца мемарыял «Рэспубліканскі помнік воінам-інтэрнацыяналістам». Аляксандр Касінскі паведаміў юнакам пра ваенныя па-дзеі 1979–1989 гг. на тэрыторыі Афганістана, пра беларускіх хлопцаў, што прымалі ўдзел у канфлікце, і іх сяброў, памяць пра якіх будзе жыць вечна. Да памятнага месца вучні ўсклалі карзіну кветак.
Знаёмства з экспанатамі музея авіяцыі, які размешчаны ў пасёлку Баравая пад Мінскам, для будучых абаронцаў Айчыны было не менш цікавым. Школьнікі не толькі паслухалі аповед пра розныя мадэлі верталётаў і самалётаў (усяго каля 30 адзінак), але змаглі пасядзець у кабіне пілота вінтакрылага Мі-24П, легендарных двухкрылага “кукурузніка” Ан-2 і авіялайнера ТУ-134. На жаль, нізкая тэмпература надвор’я не спрыяла больш дэталёваму абследаванню авіяцыйнай тэхнікі…
[caption id="attachment_17011" align="aligncenter" width="443" caption="Ля экспазіцыі, прысвечанай Лаўскаму бою"]
[/caption]
Заключным прыпынкам стаў музей Вялікай Айчыннай вайны. Большасць прысутных ужо была ў сценах гэтай культурнай установы. Тым не менш, юнакі ўважліва слухалі аповед экскурсавода аб гераічных і трагічных падзеях 1941–1945 гадоў. Напрыканцы ўдзельнікі паездкі зазірнулі ў залу, дзе частку экспазіцыі займае добравядомая капылянам падзея – Лаўскі бой. Сфатаграфавацца ля аднайменнай карціны Міхаіла Савіцкага стала справай гонару.
Сяргей ЛАЗОЎСКІ
Фота аўтара
