Home

Слава працы

Только достоверные новости Копыльщины

info

info

Справы вясковыя па стане на 28 верасня 2012 г.

11.07.2025
Сяўба заканчваецца Гаспадаркамі раёна пасеяна 21 810 га азімых, што складае 89% да запланаванага. Ужо выканалі заданне ААТ “Піянер-Агра”, “Семежава”, “Праснакі”, сельгасфіліялы “Крыніца” і “Руднае”. Ідзе ўборка буракоў У раёне накапана 72 824 тоны цукровых буракоў пры сярэдняй ураджайнасці 350,3 ц/га. Рэалізавана 60 634 тоны салодкіх караняплодаў. Самую высокую ўраджайнасць гэта культура паказвае ў ААТ “Піянер-Агра” (454 ц/га), “Семежава” (450 ц/га), “Прагрэс 2010” (400 ц/га). На бульбяных палетках Найбольшая ўраджайнасць бульбы сёлета ў ААТ “Старыца-Агра” (330 ц/га) і “Семежава” (314 ц/га), у сярэднім па раёне атрымліваецца па 267 цэнтнераў на круг. Бульбяныя палеткі ўжо ўбраны на 64,7%. Кукуруза — на сілас і зерне Усяго сабрана 6538 тон кукурузы на сілас і зялёны корм і 2352 тоны — на зерне. Дарэчы, апошняй справай займаюцца пакуль толькі 9 гаспадарак. Нарыхтавана 124 826 тон сіласу, што складае 54% да запланаванага. Падрыхтавала Маргарыта САКОВІЧ  

Сумная дата Вялікіх Прусаў

11.07.2025
26 верасня споўнілася 70 гадоў з дня трагедыі вёскі Вялікія Прусы Вялікараёўскага сельсавета, калі ў 1942 годзе на працягу двух дзён нямецка-фашысцкія захопнікі знішчылі амаль усіх жыхароў гэтага населенага пункта. Жалобны мітынг, прымеркаваны да сумнай даты, адбыўся на месцы пахавання мірных жыхароў. Ушанаваць памяць землякоў прыехалі сведкі тых па- дзей, прадстаўнікі Вялікараёўскага сельвыканкама, аддзела ідэалагічнай работы, аддзела па справах моладзі райвыканкама, Капыльскай РАС ДТСААФ, піянеры — вучні Цімкавіцкай сярэдняй школы, мясцовыя жыхары. [caption id="attachment_21730" align="aligncenter" width="295" caption="Соф’я Іванаўна Нераненя"][/caption] Мерапрыемства пачалося з паніхіды па бязвінна загінуўшых, якую правёў настаяцель храма Свяціцеля Мікалая Цудатворцы аг. Цімкавічы іерэй Міхаіл Мардвінаў (здымак 1). Пра падзеі двух чорных дзён у гісторыі Вялікіх Прусаў узгадала сведка трагедыі Соф’я Іванаўна Нераненя.  Мінулі дзесяцігоддзі, але кожную хвіліну верасня 1942 года яна не забудзе ніколі. Тады Соф’і Іванаўне і двум яе братам наканавана было выратавацца… Цяпер яна жыве ў Гродне, але ні паважаны ўзрост, ні нават значная адлегласць не сталі для яе перашкодай, каб ушанаваць памяць сваіх землякоў. Трагедыя ваеннага ліхалецця не абышла і сям’ю Уладзіміра Жылко. У тыя дні тут загінулі яго бабулі і дзядулі. Перажыванні Уладзіміра Трафімавіча знайшлі месца ў вершаваных радках, прысвечаных гэтай падзеі, якія аўтар са слязьмі на вачах прачытаў прысутным. Адносіны да вайны выказалі ў вершах і піянеры Цімкавіцкай СШ. Ураджэнка в. Вялікія Прусы, а цяпер — жыхарка г. Ліда, Ніна Паўлаўна Гуліцкая таксама паведаміла вельмі цікавыя факты з гісторыі. Калі пачалася вайна, у Прусах было тры камуністы. Адзін з іх пайшоў на фронт разам з рэгулярнымі часцямі Чырвонай Арміі, а двух другіх па наводцы мясцовых паліцаяў немцы арыштавалі. Пра іх далейшы лёс ніхто нічога не ведае. Адным з камуністаў была жанчына, у якой было шасцёра дзяцей. Усе яны засталіся жыць, і ўжо пасля вайны старэйшы сын, афіцэр Ваенна-Марскога флоту, даў клятву, што знойдзе таго ката, што прадаў немцам іх маці. Ён стрымаў сваё слова, хоць і было патрачана на гэта нямала часу… Напрыканцы мітынгу прысутныя ўшанавалі памяць ахвяр фашызму хвілінай маўчання , усклалі вянкі і жывыя кветкі да помніка загінуўшым  мірным жыхарам. Сяргей ЛАЗОЎСКІ Фота аўтара  

Охраняйтесь – по лицензии

11.07.2025
В настоящее время действующее законодательство предусматривает, что деятельность юридических лиц, связанная с охраной своего имущества, может осуществляться только после получения специального разрешения (лицензии). Наличие у юридического лица в штате работников, осуществляющих охрану имущества, либо наличие технических средств и систем охраны подлежит обязательному лицензированию. Лицензия выдается сроком на 5 лет. Руководители предприятий и организаций города Копыля и Копыльского района, которые не имеют на вышеуказанный вид деятельности специального разрешения (лицензии), при выявлении таковых как работниками МВД, так и налоговой инспекции, будут привлечены к административной ответственности. Лицензионными требованиями и условиями, предъявляемыми к соискателю лицензии, являются: наличие на балансе средств индивидуальной защиты, приборов, оборудования, необходимых для осуществления лицензируемой деятельности; наличие в штате не менее 3-х специалистов с необходимой в соответствии с законодательством квалификацией, прошедших оценку знаний в установленном МВД Республики Беларусь порядке, для которых работа у данного нанимателя является основным местом работы. Подробную информацию по вопросам организации охраны, а также лицензирования охранной деятельности, можно получить в Копыльском отделении Департамента охраны МВД Республики Беларусь по адресу: г. Копыль, пл. Ленина, 2 или по телефонам: 55-1-00, 55-7-99. Александр Катушонок, старший инспектор-инженер группы средств и систем охраны Копыльского отделения Департамента охраны МВД Республики Беларусь, майор милиции  

У Капылі адбыўся сельскагаспадарчы кірмаш

11.07.2025
На плошчы Леніна ў Капылі быў арганізаваны сельскагаспадарчы кірмаш – першы з восеньскіх кірмашоў, якія плануюць праводзіць кожную суботу. Жыхары горада і госці мелі магчымасць закупіць самую розную прадукцыю. Пакупнікі пад’язджалі на аса- бістым транспарце, прыходзілі з сеткамі, каб набыць бульбу, капусту, моркву, чырвоныя буракі, жыта, ячмень, пшаніцу і інш. На продаж былі выстаўлены нават парасяты. Пад музычнае суправаджэнне, прадстаўленае работнікамі РЦК, людзі хадзілі сярод грузавых аўтамабіляў і прычэпаў у выбары патрэбнага тавару. Пакупнікоў было дастаткова – ад моладзі да людзей сталага ўзросту. Павел ШЭІН Фота аўтара  

Справы вясковыя па стане на 2 кастрычніка 2012 г.

11.07.2025
Гаспадаркамі раёна ўбрана 73,5% бульбяных палеткаў. Накапана 22 387 тон пры сярэдняй ураджайнасці 274 ц/га. Рэалізавана 6307 тон, у тым ліку 429 тон — гораду Мінску. Ужо намалочана 4707 тон кукурузнага зерня, сама болей — 2845 тон — у ААТ “Старыца-Агра”. На 85% палеткаў гэта культура ўбрана на сілас і зялёны корм — пры сярэдняй ураджайнасці 271 ц/га сабрана 194 888 тон зялёнай масы. Ідзе ўборка цукровых буракоў. З неабходных 5667 гектараў салодкія караня-плоды выкапаны на 45,5% плошчаў. Самая высокая ўраджайнасць у ААТ “Семежава” — 565 ц/га, “Старыца-Агра” — 452 ц/га, “Піянер-Агра” — 447 ц/га,  па  421 цэнтнеры з кожнага гектара атрымліваюць у ЗАТ “Жыліхава”, па 400 ц — у ААТ “Прагрэс 2010”.  
Страница 479 из 1058