За Жаннай Вячаславаўнай ужо даўно замацавалася рэпутацыя дасведчанага, уважлівага і спагадлівага медыка. Без малога 30 гадоў узначальвае яна ФАП (працуе тут з дня яго адкрыцця). Увесь гэты час у яе атрымліваецца і падыход знайсці да кожнага, хто знаходзіцца на абслугоўванні яе ўчастка (а гэта больш за 700 чалавек), і будынак з прылеглай тэрыторыяй ва ўзорным парадку захоўваць. Тут кіраўніцтва мясцовага сельгаспрадпрыемства заўсёды ідзе насустрач, аказваючы ўсебаковую дапамогу). 
Калектыў працуе над ажыццяўленнем рэспубліканскіх і міжнародных праектаў. Гэта дазваляе музею заявіць пра сябе на больш высокім узроўні і дае магчымасць ствараць цікавыя выставачныя праекты. У Год малой радзімы раённы краязнаўчы музей сумесна з рэдакцыяй газеты «Слава працы» распрацаваў новы турыстычны праект «Капыльшчына турыстычная». Ён прадугледжвае падарожжы па гора-дзе Капылі і ўсім раёне, у аддаленыя куткі для знаёмства з яго культурай, побытам, славутасцямі, традыцыямі, прыродай. 
Віталь Дзмітрыевіч сочыць за безаварыйным і бесперабойным газазабеспячэннем спажыўцоў. Да таго ж ён захапляецца спортам: у кабінеце Віталя Холада шмат кубкаў, атрыманых камандай прадпрыемства на самых разнастайных спартыўных турнірах. Валейбол, футбол, гіры — спаборніцтвы па гэтых відах спорту не абыходзяцца без яго ўдзелу.
Дарэчы, Віталь Холад — шматдзетны бацька: у кастрычніку 2018 года на свет з’явілася дачушка Юлечка, трэцяе дзіцятка ў сям’і. Таму Холады атрымалі добрую падтрымку ад дзяржавы — аформілі так званы «сямейны капітал».
Акрамя работы і сям’і ёсць у Віталя Холада любімае захапленне: рыбалка, а дакладней — зімовая рыбалка. І тут Віталь адзначыўся добрым вынікам. У 2017 годзе на спаборніцтвах па спартыўнай рыбалцы сярод філіялаў Мінскаблгазу заняў ІІІ месца і атрымаў кубак у форме рыбкі. Такое хобі раздзяляе сын Жэнька. 
З будучай прафесіяй вызначыўся адразу: з дзяцінства займаўся гандболам у спартыўнай школе, таму іншыя прафесіі мала цікавілі. У свой час скончыў Акадэмію фізічнага выхавання і спорту Рэспублікі Беларусь. Сёння ў ДЮСШ Капыльскай РПА БПС работнікаў АПК Аляксандр Іванавіч працуе з трыма гандбольнымі групамі дзяўчат і юнакоў розных узростаў. Яго падыход у рабоце вызначаецца прафесіяналізмам, паўнатой ведаў сучасных методык падрыхтоўкі юных гандбалістаў. Таму ў актыве выхаванцаў — шматлікія перамогі і прызавыя месцы ў розных спаборніцтвах рознага ўзроўню. 
Да цяжкай працы Аляксандру Канстанцінавічу не прывыкаць. Родам ён з вёскі, таму ўмее і дрэвы садзіць, і траву касіць, і дровы калоць. У дарожную сферу прыйшоў працаваць дваццаць гадоў таму пасля службы ў арміі. І адразу ж праявіў сябе як добрасумленны і працавіты работнік. Аляксандру Канстанцінавічу прыходзіцца працаваць на свежым паветры круглы год і ў любое надвор'е: узімку — мароз і снег, вясной і восенню — гразь і дождж, летам — спёка і сонца. Да некамфортных умоў прывык, успрымае іх як належнае. Разам з калегамі займаюцца ўстаноўкай бардзюрнага каменя, кладкай тратуарнай пліткі, робяць як ямачны, так і капітальны рамонт асфальтавага пакрыцця на дарогах, спілоўваюць засохлыя дрэвы і інш. Увогуле, дзякуючы іх працы гарадскія і раённыя дарогі выглядаюць дагледжанымі. 
Паважаныя землякі! Дарагія ветэраны!
Прыміце шчырыя віншаванні з Днём абаронцаў Айчыны і Узброеных Сіл Рэспублікі Беларусь!
Самае каштоўнае, што ёсць у нашым жыцці, — гэта мір, спакой і стабільнасць. Менавіта таму гэта свята мае асаблівае значэнне.
У гэты дзень прынята віншаваць не толькі ваенных, ветэранаў, але і ўсіх мужчын, якім ёсць каго і што абараняць: сваю Радзіму, сваю справу, свой дом, сваіх блізкіх, сваё будучае. Хачу павіншаваць і нашых дзяцей, хлопчыкаў, у кожным з якіх ужо закладзена тая стойкасць, тая адданасць і тая сіла духу, якія не толькі робяць з хлопчыка мужчыну, але і ствараюць з яго сапраўднага абаронцу Айчыны.
Шчыра жадаю вам надзейнага тылу, мірнага неба над галавой. Няхай жыццё будзе шчаслівым, здароўе — моцным, энергія — невычэрпнай, а кожны дзень — светлым і радасным.
Людміла НІЖЭВІЧ,
дэпутат Палаты прадстаўнікоў
Нацыянальнага сходу Рэспублікі Беларусь
Дарагія жыхары Капыльшчыны!
Сардэчна віншуем вас з Днём абаронцаў Айчыны і Узброеных Сіл Рэспублікі Беларусь!
Гэта свята стала па-сапраўднаму народным. Яно сімвалізуе пераемнасць патрыятычных традыцый, мужнасць і сілу духу людзей у пагонах, якія стаяць на варце міру і бяспекі Айчыны.
Сёлета, калі адзначаецца 75-годдзе вызвалення Беларусі ад нямецка-фашысцкіх захопнікаў, мы выказваем асаблівыя словы ўдзячнасці ветэранам Вялікай Айчыннай вайны, якія адстаялі свабоду і незалежнасць. Ваш подзвіг назаўсёды застанецца ў памяці нашчадкаў.
Шчыра віншуем ваеннаслужачых, іх родных, блізкіх і ўсіх тых, хто ў розныя гады прайшоў нялёгкую школу армейскай службы, са святам мужных людзей! Жадаем моцнага здароўя, шчасця, дабрабыту, поспехаў і мірнага неба над галавой.
Раённы выканаўчы камітэт
Раённы Савет дэпутатаў 
Так, на сёлетняй зімовай спартакіядзе работнікаў аграпрамысловага комплексу семежаўскія волаты паказалі клас у перацягванні каната. Не было роўных і прадстаўніцы гэтай арганізацыі ў басейне — у жаночым заплыве яна фінішавала першай. Апроч перамог у асобных відах спартыўнай праграмы, з году ў год калектыў сельгаспрадпрыемства ўваходзіць у тройку лідараў па выніках агульнакаманднага заліку.
Значныя дасягненні — вынік прыхільнасці да спорту і актыўнага правядзення часу. Прывычнай з’явай для семежаўцаў з’яўляюцца вячэрнія заняткі ў спартыўнай зале мясцовай школы. Пасля цяжкага працоўнага дня многія з іх выбіраюць не пасіўны адпачынак, а магчымасць зарадзіцца энергіяй падчас гульні ў баскетбол, міні-футбол ці валейбол. Некаторыя захапляюцца і сілавымі відамі спорту. 
Таму, упэўнена яго загадчык урач-тэрапеўт Аксана Мінчэня, за 2018 год і дасягнуты высокія паказчыкі па аказанні планавай і неадкладнай медыцынскай дапамогі насельніцтву раёна, выкананы нарматывы абароту, занятасці ложкаў, выкарыстаны ложкавы фонд. Стацыянарная дапамога аднолькава даступна як гарадскім жыхарам, так і вяскоўцам. Асноўная заслуга ў тых высокіх выніках, якія дасягнуты, саміх медыцынскіх работнікаў: урачоў, медсясцёр, санітарак. 
На гэтым здымку дэгустацыйная камісія ў складзе тэхналагічнай службы Капыльскага кааппрама на чале з дырэктарам прадпрыемства Тамарай Абрамовіч праводзіць першую дэгустацыю вопытнай партыі. Дарэчы, калектыў кааппрама сярод прамысловых прадпрыемстваў Капыльшчыны прызнаны пераможцам за значныя вынікі. Кааппрам забяспечыў тэмп росту рознічнага тавараабароту 108,2%. Чыстага прыбытку атрымана 160 млн рублёў, узровень рэнтабельнасці рэалізаванай прадукцыі склаў 6,8%. У параўнанні з мінулым годам па тэмпах росту вытворчасці працы і заработнай платы таксама забяспечаны рост паказчыкаў. Да таго ж прадукцыя прадпрыемства не аднойчы атрымлівала ўзнагароды па выніках розных аглядаў. У гэтым заслуга ўсяго калектыву. 
Акрамя таго дырэктар установы Таццяна Шаура і мастацкі кіраўнік Юлія Стрэлкіна працуюць з дзецьмі: арганізоўваюць з імі гурткі сольных спеваў, мастацкага чытання, праводзяць гульнявыя праграмы, канцэрты і віктарыны, для падлеткаў працуе клуб «Пунсовыя ветразі». На застаюцца без увагі і шматдзетныя сем’і. Асобнае месца займаюць канцэртная і выставачная дзейнасць па дэкаратыўна-прыкладным мастацтве, а таксама выставы-дэгустацыі клуба народнай кухні «Семяжовачка». 
У яго творчым калектыве займаюцца 16 чалавек, якіх ён вучыць не толькі ігры на любімых інструментах, але і быць сапраўднымі грамадзянамі сваёй краіны. Няма сумненняў, што выхаванцы Льва Міхайлавіча за гады працы ў аркестры здабываюць такія якасці характару, як настойлівасць, працавітасць, уменне даводзіць справу да канца, акрамя таго яны творчыя і тонкія асобы, здольныя ва ўсім бачыць прыгажосць.
Заняткі праходзяць і індывідуальна з кожным музыкантам, і з групамі выканаўцаў. Кожны твор адточваецца да дасканаласці. І ў гэтым Льву Міхайлавічу дапамагаюць яго калегі. А гледачы, якія з захапленнем слухаюць узорны эстрадны аркестр Капыльскай дзіцячай школы мастацтваў, не заўсёды ўяўляюць, якая напружаная праца стаіць за віртуозным выкананнем. 
