Бібліятэкар Грозаўскай сельскай бібліятэкі Таццяна Нераненя правяла для юных чытачоў пазнавальна-гульнявую віктарыну «Мая Беларусь» (на здымку), якая была накіравана на выхаванне патрыятызму і любові да роднага краю. Дадаткова арганізавалі прафілактычную гульню-вікта-рыну «Тэрыторыя здароўя», дзе дзеці прадэманстравалі свае веды пра карысныя звычкі і правілы бяспекі.
Так называлася незвычайнае мерапрыемства, прымеркаванае да года беларускай жанчыны, якое правялі ў Скабінскім клубе-бібліятэцы. На сустрэчы сабраліся прадстаўніцы прыгожага полу розных узростаў – ад юных дзяўчат да вопытных захавальніц хатняга ачага. Госці былі ў захапленні ад дэфіле яркіх касцюмаў (на здымку), а пасля лірычнай часткі грымнула дыскатэка: тут гучалі і вальсы, і заліхвацкая «Лявоніха», і сучасныя рытмы.
У парку Моладзі супрацоўнікі Ванелевіцкага ЦКіД працягваюць арганізоўваць для дзяцей яркія летнія мерапрыемствы (на здымку). Юныя ўдзельнікі ўжо далучыліся да гульнявой праграмы «Лета сонейкам сагрэта» і конкурсна-гульнявой праграмы «Фарбы-непаседы» з удзелам казачных герояў – Лісы Алісы і Ката Базіліа. Тэматычныя сустрэчы дапамагаюць дзецям цікава і з карысцю праводзіць канікулы, развіваюць творчыя здольнасці, фантазію, камунікатыўныя навыкі і дораць шмат станоўчых эмоцый.
У в. Філіпавічы сумеснымі намаганнямі работнікаў Капыльскага РЭС і мясцовых жыхароў спілаваны два аварыйныя дрэвы (на здымку). Выкананыя работы дазволілі павысіць бяспеку жыхароў і прадухіліць магчымыя аварыйныя сітуацыі.
Маштабныя работы па абкошванні абочын дарог, тэрыторый уздоўж платоў і месц агульнага карыстання разгарнуліся ў аграгарадку Старыца, а таксама ў вёсках Андросаўшчына, Русакі, Бадзяжы, Калінаўка і Слабада-Кучынка. Да навядзення парадку падключыліся супрацоўнікі адміністрацыі сельвыканкама, прад-стаўнікі арганізацый, размешчаных на тэрыторыі, жыхары прыватнага сектара. Сумесныя намаганні дазваляюць ўтрымліваць населеныя пункты ў чысціні, забяспечваць пажарную бяспеку ў гарачы перыяд і падтрымліваць эстэтычны выгляд вуліц.
Прывядзенне ў парадак памятных месцаў Блеўчыцкага сельсавета да Дня Незалежнасці – асноўная частка работы як знак павагі да загінулых у гады Вялікай Айчыннай вайны. Праводзіцца добраўпарадкаванне тэрыторый каля помнікаў, ускладанне кветак і абнаўленне памятных таблічак.
У рабоце пасяджэння грамадскага пункта аховы правапарадку прыняў удзел пракурор Капыльскага раёна Віталь Афанасенка (на здымку). На парадак дня былі вынесены пытанні пра паводзіны грамадзян, якія знахо-дзяцца ў зоне сацыяльнай рызыкі. Камісія разгледзела матэрыялы ў дачыненні да 11 чалавек, якія раней прыцягвалі ўвагу праваахоўных органаў. На такіх грамадзян былі выдадзены ахоўныя прадпісанні з-за хатняга гвалту. Акрамя таго, праверкі выявілі ў іх яшчэ і схільнасць да алкагалізму, а іх домаўладанні ўяўляюць пагрозу з пункту гле-джання пажарнай бяспекі.
У Дзень усенароднай памяці ахвяр Вялікай Айчыннай вайны і генацыду беларускага народа ў аг. Цімкавічы адбылася жалобная цырымонія. Настаяцель прыхода храма свяціцеля Мікалая Цудатворца протаіерэй Міхаіл Мардвінаў здзейсніў памінальную літыю па загінулых (на здымку). Пасля набажэнства прысутныя ўшанавалі памяць хвілінай маўчання, затым прагучаў звон. У мерапрыемстве прынялі ўдзел прадстаўнікі Цімкавіцкага сельвыканкама, педагогі і навучэнцы мясцовай школы, работнікі ААТ «Капыльскае», а таксама жыхары аграгарадка.
Вядуцца работы па рэалізацыі Указа № 116 «Аб адчужэнні жылых дамоў у сельскай мясцовасці і ўдасканаленні работы з пустуючымі дамамі». Ад старых пабудоў вызвалена звыш двух гектараў плошчаў у вёсках Бабавенка, Ржаўка, Печураны, Дарагавіца.
На тэрыторыі сельсавета працягваюцца работы па зносе старых пабудоў і падрыхтоўцы зямель для далейшага выкарыстання. Так, знеслі і захавалі дзве пабудовы ў Рымашах (на здымку), адну – у Думічах. Акрамя гэтага, участкі, на якіх стаялі дамы, раскарчавалі і расчысцілі.
