У мэтах добраўпарадкавання і прывядзення ў належны стан населеных пунктаў, тэрыторый горада і раёна раённы выканаўчы камітэт прыняў рашэнне аб правядзенні 22 кастрычніка раённага суботніка на працоўных месцах або арганізацыі работы па добраўпарадкаванні.
Кіраўнікам прадпрыемстваў, арганізацый, устаноў усіх форм уласнасці, індывідуальным прадпрымальнікам неабходна арганізаваць пералічэнне грашовых сродкаў у добраахвотным парадку ў аб’ёмах, роўных дзённаму заработку, на мэтавы рахунак Капыльскага раённага выканаўчага камітэта. Усе заробленыя на суботніку сродкі плануецца накіраваць на ўмацаванне матэрыяльна-тэхнічнай базы УАЗ “Капыльская ЦРБ”.
Кантроль за выкананнем рашэння ўскладзены на намеснікаў старшыні райвыканкама па напрамках дзейнасці.
То, что нужно своевременно оплачивать за использованную электроэнергию (до 25 числа каждого месяца), знают все ее потребители, ведь после этой даты начисляется пеня в размере 0,3% за каждый просроченный день. А вот умеем ли мы пользоваться электроэнергией так, чтобы она не била, как говорится, по карману?
Думаю, что с октября многие еще больше задумаются над экономией, ведь постановлением Совета Министров Республики Беларусь №138 от 4 февраля 2011 года именно с 1 октября повышаются тарифы на электроэнергию.
Как сообщила редакции инженер Копыльского участка Энергосбыт Жанна Биончик, за 1 кВт/ч электрической энергии в жилых домах (квартирах) придется заплатить 222,9 рублей, а там, где установлены электрические плиты – 189,3 руб.
Электрическая энергия для нужд отопления и горячего водоснабжения с присоединенной мощностью оборудования более 5 кВт в период минимальных нагрузок (с 23.00 до 6.00) составит 222,9 рублей за 1 кВТ/ч, в остальное время суток – 668,7 рублей.
Мария ШЕИНА
Очевидная истина, что электрический ток, если не соблюдать меры безопасности, представляет угрозу жизни и здоровью человека. Подвергнуться ей можно, находясь в охранной зоне воздушной линии электропередачи. Вот лишь некоторые инциденты со смертельным исходом.
Анатолий Захаров, водитель ЧУП «Забудова-автотранс» в Минском районе, выполнял работы по вывозке грунта. Выгрузив его самовольно в карьере в охранной зоне ВЛ 10 кВ и начав движение с поднятым кузовом, оборвал провода. Выпрыгивая из кабины, прикоснулся к автомашине, которая находилась под напряжением, и был смертельно поражен электрическим током. Водитель автомобильного парка №14 г. Ивацевичи Леонид Гоган, выгрузив асфальт на месте производства дорожных работ, отъехал в сторону, установил автомобиль под проводами ВЛ 10 кВ и начал поднимать кузов для того, чтобы очистить его от остатков асфальта. Поднятый кузов коснулся провода ВЛ 10 кВ, водитель при выходе из кабины автомобиля попал под напряжение и был смертельно поражен электрическим током.
Охранная зона – это участок земли, ограниченный параллельными прямыми, отстоящими от проекции крайних проводов на поверхность земли, начиная с 2 м до 40 м, в зависимости от напряжения (0,38кВ - 750кВ) для воздушных линий, а для кабельных линий в виде земельного участка, ограниченного вертикальными плоскостями, отстоящими по обе стороны линий на расстоянии 1 м. За нарушение правил охраны электриче- ских сетей предусмотрена административная ответственность по статье 20.3 кодекса об административных правонарушениях.
Николай ЛАЗОВСКИЙ,
начальник Копыльской районной инспекции «Энергонадзор»
Не засталася ўбаку ад святкавання Дня маці і моладзь. Падчас абедзеннага перапынку актывісты райкама ГА “БРСМ” пры падтрымцы раённай арганізацыі РГА “Белая Русь” на вуліцах горада, працоўных месцах віншавалі жанчын з гэтай падзеяй. Асноўная мэта хуткаплыннай маладзёжнай акцыі ўсё ж была дасягнута - цудоўныя ўсмешкі на тварах матуль і іх удзячнасць за нечаканыя і прыемныя віншаванні.
Сяргей ЛАЗОЎСКІ
НА ЗДЫМКУ: падчас маладзёжнай акцыі.
Фота аўтара
[/caption]
Не адступілі ад гэтай добрай традыцыі і сёлета. Загадчыца аддзела ЗАГС Кацярына Жгун і спецыяліст аддзела Ірына Ігнатчык наведаліся 14 кастрычніка ў бальніцу, каб выказаць самыя шчырыя пажаданні маладым матулям і немаўляткам. З удзячнасцю за ўвагу іх сустракалі сем маладых жанчын. У цэнтры ўвагі былі, вядома ж, і іх малыя — дзве дзяўчынкі і пяць хлопчыкаў. Для некага, як напрыклад, для Алены Раіцкай з Капыля, гэта першае і вельмі жаданае дзіцятка, а хуткага вяртання дамоў, у Дусаеўшчыну, Іны Пінчук і яе маленькага сыночка чакаюць муж Юрый і паўтарагадовая дачка.
[caption id="attachment_13756" align="aligncenter" width="443" caption="Кацярына Жгун вітае са святам Анжаліку Беняш з Капыля"]
[/caption]
Маргарыта САКОВІЧ
Фота аўтара
Прыватнае вытворчае ўнітарнае прадпрыемства «Капыльскі кааппрам» нават у няпростых эканамічных умовах знаходзіць магчымасць не толькі стабільна працаваць, вырабляючы якасную і канкурэнтаздольную прадукцыю, але і цвёрда ісці наперад, асвойваючы новыя рынкі збыту, а таксама новыя віды нехарчовых і харчовых тавараў.
Як доказ гэтаму - сярэбраны медаль за батон «Нежный» рэспубліканскага агляду якасці хлебабулачных і кандытарскіх вырабаў «Ласунак-2011», які праводзіўся ў рамках 7-й міжнароднай спецыялізаванай выставы «Хлебная і кандытарская справа».
На конкурсе былі прадстаўленыя лепшыя ўзоры кандытарскіх і хлебабулачных вырабаў спецыялізаваных прадпрыемстваў. Што ж спрыяла гэтаму поспеху і як развіваецца прадпрыемства ў цэлым, даведаліся на месцы, пазнаёміўшыся з вытворчасцю.
«Мадэрнізацыю хлебнага цэха мы пачалі летась. Для гэтага закупілі новыя італьянскія печ і расстойную шафу. На самой
[caption id="attachment_13748" align="alignright" width="216" caption="Брыгадзір-кандытар Іна Калядка з «прызёрам» рэспубліканскай выставы"]
[/caption]
выставе «Ласунак-2011» прадстаўлялі тры розныя ўзоры сваіх вырабаў. І прыемна, што адзін з іх адзначаны сярэбраным медалём, — тлумачыць кіраўнік прадпрыемства Віктар Смусянок. — Справа ў тым, што да гэтага ў нас было старое абсталяванне і ў некаторай ступені мелі нараканні з боку пакупнікоў на якасць менавіта белабулачных вырабаў. І калі за гэты год назіраецца некаторае паніжэнне па рэалізацыі чорнага хлеба, то ўвогуле па хлебабулачных вырабах мы маем дадатную дынаміку да ўзроўню мінулага года. А дасягнута гэта, я лічу, дзякуючы якасці вырабляемай прадукцыі. Таму ў праекце — замена ўсёй лініі па выпечцы хлеба».
Шмат у чым, дзякуючы менавіта стаўцы на якасць хлеба, выпечанага на прадпрыемстве, ён карыстаецца попытам не толькі ў капылян, але і ў іншых гарадах. Але, як гаворыцца, не хлебам адзіным жыве кааппрам. Пераабсталяванне, можна сказаць, ахапіла ўсе вытворчыя ўчасткі прадпрыемства. Напрыклад, цэх па апрацоўцы рыбы і морапрадуктаў таксама выйшаў на новы ўзровень. Для падрыхтоўкі рыбы халоднага вэнджання раней была набыта і зманціравана тэрмадымакамера, што дазволіла значна павялічыць асартымент і аб’ёмы выпускаемай прадукцыі, якая пастаўляецца Белзнешрыбгандлем і аптовымі базамі Белкаапсаюза.
Прадукцыю каўбаснага цэха, а гэта больш за дзясятак найменняў паўфабрыкатаў, больш за два дзясяткі смачных каўбас і вэнджаніны, добра ведаюць і любяць не толькі на Капыльшчыне, але і ў Мінску, Маладзечне, Салігорску, іншых гарадах вобласці. Каб забяспечыць аб’ёмы, кааппрам цесна супрацоўнічае практычна з ўсімі сельскагаспадарчымі прад- прыемствамі раёна, якія пастаўляюць якасную сыравіну. Самы буйны з іх (25 - 30% пастаўлянай сыравіны — С. Л.) — адкрытае акцыянернае таварыства «Капыльскае». Супрацоўнічае кааппрам таксама і з іншымі рэгіёнамі Міншчыны.
[caption id="attachment_13749" align="aligncenter" width="443" caption="Фармоўшчык каўбасных вырабаў Наталля Бабарэка ў складзе гатовай прадукцыі"]
[/caption]
«Сваю прадукцыю, прыкладна працэнтаў на 50, мы рэалізуем у нас у раёне, астатняя частка расходзіцца практычна па ўсіх рэгіёнах вобласці, — канстатуе Віктар Смусянок. — Цяпер нас таксама запрашаюць у гг. Мінск, Салігорск, удзельнічаем і ў нашых восеньскіх суботніх кірмашах. Нядаўна прадстаўлялі сваю прадукцыю на кірмашы ў Маскве. І хацелася б такі вопыт працягваць, паколькі гэта новыя сувязі, пашырэнне рынкаў збыту. Тым больш, што беларускія тавары ў расіян карыстаюцца попытам».
[caption id="attachment_13750" align="aligncenter" width="443" caption="Святлана Ісакава, Святлана Сечка, Галіна Віслаус, Святлана Рымашэўская, Наталля Лісіца, Іна Калядка, Лілія Лагодзіч і Валянціна Ахрамовіч - змена, якая выпякала на выставу батон «Нежный»"]
[/caption]
Засвоеная тры гады назад вытворчасць цвікоў, дзе, да таго ж, былі створаны дадаткова два працоўныя месцы, за гэты перыяд толькі пацвердзіла, што рашэнне было прынята правільнае. Гэта прадукцыя на прылаўках магазінаў доўга не залежваецца!
[caption id="attachment_13751" align="aligncenter" width="443" caption="Апрацоўшчык рыбы і морапрадуктаў Валянціна Бойка"]
[/caption]
Па выніках за 9 месяцаў бягучага года калектыў прадпрыемства, у якім налічваецца 85 чалавек, спрацаваў стабільна. Толькі за мінулы месяц ПВУП «Капыльскі кааппрам» выйшаў з прыбыткам у 15 мільёнаў рублёў. Да таго ж, маюцца і ўласныя абаротныя сродкі — больш за 300 млн. Аналізуючы ўсю работу, як аб’ёмы, так і фінансавае становішча, на прадпрыемстве прыходзяць да высновы, што тэпмы да ўзроўню мінулага года не будуць зніжаны. Для гэтага ёсць усе перадумовы.
Сяргей ЛАЗОЎСКІ
Фота аўтара
(па стане на 18 кастрычніка 2011 года)
Рыхтуецца зябліва
Адной з найважнейшых сельскагаспадарчых работ у гэтым перыядзе з’яўляецца падрыхтоўка зябліва. З запланаваных 30 915 га заарана 15 752 га, што складае 51 %. Найбольш паспяхова ідуць справы ў СГФ “Крыніца” — 81 %, ААТ “Старыца-Агра” — 76 %, ААТ “Семежава” — 64 %, ЗАТ “Жыліхава” і ф-ле “В. Раёўка” — па 61 %. Пакуль не прыступіў да работы Слуцкі льнозавод, які арандуе землі пад лён на тэрыторыі нашага раёна.
Ідзе хімпраполка
Хімпраполка азімых культур праведзена на 52 % плошчаў. Блізкія да завяршэння задання ЗАТ “Жыліхава” (93 %) і ф-л “Лакнея” (87 %), толькі-толькі распачалі гэту справу ў МАУП “Доктара-вічы” (8 %) і РСУП “С “Прамень” (9 %).
Убіраюцца караняплоды
Выкапана 3745 га цукровых буракоў з 5646 неабходных, накапана 152 311 тон пры сярэдняй ураджайнасці 407 ц/га, вывезена 127 700 тон. Найбольш урадзіла гэта культура ў ААТ “Капыль-скае” — 490 ц/га, ААТ “Старыца-Агра” — 485 ц/га. Самую высокую ўра-джайнасць кармавых буракоў атрымалі ў ААТ “Піянер-Агра” — 820 ц/га, ААТ “Прагрэс-2010” — 604 ц/га.
Кукуруза на зерне
Гаспадаркамі раёна намалочана 23 411 тон кукурузнага зерня. Найбольш рэзультатыўна спрацавалі земляробы ААТ “Прагрэс-2010”, дзе ўраджайнасць гэтай культуры склала 133 ц/га, у ААТ “Старыца-Агра” — 130 ц/га, ф-ле “Лакнея” — 127 ц/га.
Клопаты пра другі хлеб
Бульба ў раёне ўбрана на 98 % плошчаў. Накапана 31 070 тон, рэалізавана 13 695 тон, засыпана на захоўванне 8000 тон, у тым ліку на насенне — 4683 тоны.
Паводле інфармацыі ўпраўлення райсельгасхарчу падрыхтавала Маргарыта САКОВІЧ
Капыляне ганарацца сваімі слыннымі дочкамі і сынамі. Наш знакаміты зямляк Рэнальд Іванавіч Кныш – гонар айчыннага спорту і, як не дзіўна, з’яўляецца ганаровым грамадзянінам амерыканскага горада Чыкага, ды і нашага беларускага Гродна. З’яўляецца настаўнікам алімпійскіх чэмпіёнаў Вольгі Корбут і Алены Валчэцкай. Акрамя гэтага, Рэнальд Іванавіч піша вершы і вершаваныя раманы, з’яўляецца членам Саюза пісьменнікаў Беларусі. Менавіта сёлета, у верасні, герой спорту і таленавіты літаратар адзначыў сваё 80-годдзе.
Нарадзіўся Рэн у Капылі на цяперашняй вуліцы Трактарнай, зараз на гэтым месцы стаіць будынак рэдакцыі “Слава працы”. Дарэчы, яго родная цётка Алена Ціханаўна Кандыбовіч (Шкірыч) стаяла ля вытокаў нараджэння нашай райгазеты, і таму стваральнік спартыўных зорак і для нас, газетчыкаў, у чымсьці блізкі і родны.
Яго тата Іван Пятровіч і маці Любоў Ціханаўна працавалі ў райцэнтры настаўнікамі. Неўзабаве старэйшаму Кнышу прапанавалі ўзначаліць школу ў вёсцы Старая Рудня Жлобінскага раёна, і сям’я апынулася на новым месцы. Хутка пачалася жудасная вайна, і бацька пайшоў абараняць Радзіму. Рэнальд тады закончыў другі клас, а сястра Зарэма – чацвёрты. Неяк Кнышам удалося вырвацца з варожага пекла, і яны трапілі на Арэнбургшчыну. Але мясцовае насельніцтва – казакі – бежанцаў не любілі. Цяжка жылося Кнышам, часта галадалі. Маці днём настаўнічала, а ноччу круціла малацілку на таку і зарабляла 9 кілаграмаў збожжа за месяц. На такім харчы цяжка было выжыць.
— Мне было тады 12 гадоў, і каб нам не памерці з голаду, я выходзіў раненька ў стэп і ставіў лоўчыя петлі на суслікаў, чакаў, калі звяркі павылазяць з норак. А тым часам у галаве нараджаліся вершаваныя радкі. Адзін вершык быў нават апублікаваны ў “Пионерской правде”, — расказваў Рэнальд Іванавіч.
Сапраўды, ён адораны літаратурным талентам. Вершыкі, як птушкі, вылятаюць з яго галавы, ды і мастацкія здольнасці не адняць, умела валодае пэндзлем. Як лічыць мой герой, ён мог стаць выдатным паэтам, аднак прысвяціў сябе спорту. Дзякуючы яму, пабываў у розных краінах свету. Пазнаёміўся з прэзідэнтам ЗША Ніксанам і атрымаў ад яго падарункі. Яму ціснуў руку нават прэм’ер-міністр Велікабрытаніі Хіт.
Шлях у спорт пачаўся пасля школы ад нялёгкіх абставін. Бацька, ветэран вайны, хоць і працаваў загадчыкам гарана, а маці выкладчыцай педінстытута – жылося бедна, і Рэнальд вырашыў часова заняцца трэнерскай работай, а таму закінуў пакуль паэзію і можна сказаць надоўга. Што дзіўна, наш зямляк стаў першым беларускім трэнерам па спартыўнай гімнастыцы!
З прыходам Кныша ў Гродзенскі спартыўны клуб спартыўная работа ўзнялася на высокі ўзровень. Ён выпрацаваў свой стыль у гімнастыцы і да кожнага спартсмена прымяняў творчы індывідуальны падыход. Праз паўтара года Гродзенская вобласць з апошняга месца вырвалася на першае. Гродзенскія дзяўчынкі з гімнастычнымі задаткамі марылі трапіць да Кныша. Ён ніколі не пакрыкваў на сваіх выхаванцаў, але патрабаваў немагчымага. Таму невыпадкова яго вучаніцы Тамара Аляксеева і Алена Валчэцкая паспяхова выступаюць на першынстве былога Саюза. Затым Валчэцкая стане алімпійскай чэмпіёнкай і пяціразовай – СССР, а вось Аляксеева з-за траўмы выбыла з гімнастыкі і стала пазней выдатным трэнерам.
Тамара Аляксеева ў адным з інтэрв’ю з цеплынёй паведамляла пра свайго настаўніка:
— У Рэнальда Іванавіча ўсе былі закаханы, бо ён заўсёды быў падцягнуты, стройны і добразычлівы. Пасля траўмы я стала трэнерам, і мы працавалі разам. Такіх, як ён, у нас на Беларусі адзінкі. Ён літаральна зрабіў рэвалюцыю ў гімнастыцы...
У крытычны момант з’явілася Вольга Корбут, якую Кныш крок за крокам набліжаў да спартыўных вышынь. Пазней яна скажа, што дзякуючы нашаму трэнеру-земляку яна стала самай лепшай гімнасткай свету і атрымала чатыры залатыя і два сярэбраныя алімпійскія медалі.
Кныш ведаў, як навучыць будучых алімпійскіх зорак, бо ён умеў правільна працаваць з імі.
Пра Кныша створаны два дакументальныя фільмы. Першы ў 1993 годзе зняў рэжысёр Уладзімір Ісат. Ён адзін з першых расказаў пра нашага земляка, пра яго няпросты і загадкавы лёс. Сцэнарый напісала Галіна Злабенка. І вось хутка выйдзе на экран фільм “Цярновыя вянкі” Сяргея Лук’янчыкава.
Цікава, што яго напрацоўкі па тэорыі і методыцы выхавання будучых чэмпіёнаў папулярныя ў свеце. Рэнальд Іванавіч цяпер поўны сіл і задору. З-пад яго пяра выйшаў аўтабіяграфічны раман, выпушчана некалькі іншых кніжак, а ў планах іх будзе яшчэ болей. Дарэчы, шмат сваіх твораў ён перадаў у цэнтральную раённую бібліятэку. Жадаем юбіляру, каб мары яго збываліся.
Іван ІГНАТЧЫК,
член ГА «Беларускі саюз журналістаў»
Нягледзячы на праліўны дождж, аматары спорту з дзевяці сельскіх і чатырох гарадскіх каманд выйшлі-такі на старт. Жанчынам неабходна было пераадолець адзін, а мужчынам – два кіламетры дыстанцыі. Хутчэй за ўсіх 1000 метраў прабегла Святлана Палітыкіна (ААТ “Мажа-Агра”). Другой была Аляксандра Квач (ААТ “Скабін”), трэцяй на фінішы стала Святлана Сухаверхая (ААТ “Суворава-Агра”). У заліку сярод гарадскіх удзельніц першае месца прысуджана Наталлі Новікавай (філіял “Капыльскае РБУ” ААТ “Універсалрамбуд”), другое – Юліі Матузко (ААТ “Капыльскі МСЗ”) і трэцяе – Вікторыі Рудой (КУП “Капыльская ЖКГ”).
Выдатны вынік на два кіламетры паказаў абсалютны пераможца дня Максім Чухлей (ААТ “Мажа-Агра”), які патраціў 6 мінут і 53 секунды на пераадоленне дыстанцыі. Чатыры секунды саступіў лідару Віталь Жаўрыд (МАУП “Доктаравічы”), а Дзмітрый Грыгор’еў (ААТ “Суворава-Агра”) з вынікам 7 хвілін стаў трэцім. У гараджан перамогу святкаваў Дзмітрый Гурбан (Капыльскі РАНС), другое месца дасталося Сяргею Пікту (філіял “Капыльскае РБУ” ААТ “Універсалрамбуд”), трэцяе – Васілю Кляўчэню (Капыльскі РАНС).
У агульнакамандным заліку сярод сельскіх каманд месцы размеркаваліся наступным чынам: першае – у ААТ “Мажа-Агра”, другое - у МАУП “Доктаравічы”, трэцяе - у ААТ “Суворава-Агра”. Філіял “Капыльскае РБУ” ААТ “Універсалрамбуд” стаў лідарам сярод гарадскіх прадпрыемстваў і арганізацый, другі радок выніковай табліцы застаўся за Капыльскім РАНС, а трэці - за ААТ “Капыльскі МСЗ”.
Прамежкавымі лідарамі ў спартакіядзе пасля чатырох відаў праграмы ідуць: у сельскіх жыхароў – ААТ “Прагрэс-2010” (49), ААТ “Мажа-Агра”, СГФ “Грозава”, МАУП “Доктаравічы” (па 47 ачкоў); у гарадскіх КФК – КУП “Капыльская ЖКГ” (62), ААТ “Капыльскі МСЗ” (50), УАЗ “Капыльская ЦРБ”, Капыльскі РАНС (па 44 ачкі).
Наперадзе ў праграме спаборніцтваў яшчэ пяць відаў. Наступны, стральба з пнеўматычнай вінтоўкі, адбудзецца ў суботу, 22 кастрычніка.
Сяргей ЛАЗОЎСКІ
НА ЗДЫМКАХ: 1. Старт на 1000 метраў; 2. На дыстанцыі – сельскія аматары спорту; 3. Пераможцы кросу – каманды ААТ “Мажа-Агра” (злева) і філіяла “Капыльскае РБУ” ААТ “Універсалрамбуд”.
Фота аўтара
Паважаныя аматары аўтамабільнага спорту!
Запрашаем вас прыняць удзел у спаборніцтвах па фігурным кіраванні легкавым аўтамабілем, якія адбудуцца 30 кастрычніка 2011 г. на плошчы імя У. І. Леніна ў г. Капылі.
Пераможцаў чакаюць дыпломы, прызы, а таксама вадзіцельскія пасведчанні катэгорыі «В» пры наяўнасці катэгорыі «С», «Д», «Е», пасведчання трактарыста.
Да ўдзелу ў спаборніцтвах дапускаюцца усе жадаючыя з вадзіцельскімі пасведчаннямі «В», «С», «Д», «Е».
Удзельнікі выконваюць наступныя фігуры:
Габарытны дворык, змейку, дыяганальную паркоўку, бокс, калейную дошку...
Рэгістрацыя адбудзецца з 10.00 да 10.40 у дзень спаборніцтваў.
Пачатак у 11 гадзін. Даведкі па тэлефонах: 54-3-35, 54-4-64, 55-4-44.
Пры сабе мець пашпарт, медыцынскую даведку, вадзіцельскае пасведчанне.
