Ужо не адзін год па ініцыятыве Капыльскага аддзела ЗАГС у Дзень маці самыя шчырыя віншаванні і невялікія падарункі ад райвыканкама атрымліваюць жанчыны, якія нарадзілі сваіх дзетак падчас Тыдня маці і знаходзяцца ў радзільным аддзяленні Капыльскай цэнтральнай раённай бальніцы.
[caption id="attachment_13755" align="aligncenter" width="443" caption="Алена Раіцкая і яе маленькая дачушка"]
[/caption]
Не адступілі ад гэтай добрай традыцыі і сёлета. Загадчыца аддзела ЗАГС Кацярына Жгун і спецыяліст аддзела Ірына Ігнатчык наведаліся 14 кастрычніка ў бальніцу, каб выказаць самыя шчырыя пажаданні маладым матулям і немаўляткам. З удзячнасцю за ўвагу іх сустракалі сем маладых жанчын. У цэнтры ўвагі былі, вядома ж, і іх малыя — дзве дзяўчынкі і пяць хлопчыкаў. Для некага, як напрыклад, для Алены Раіцкай з Капыля, гэта першае і вельмі жаданае дзіцятка, а хуткага вяртання дамоў, у Дусаеўшчыну, Іны Пінчук і яе маленькага сыночка чакаюць муж Юрый і паўтарагадовая дачка.
[caption id="attachment_13756" align="aligncenter" width="443" caption="Кацярына Жгун вітае са святам Анжаліку Беняш з Капыля"]
[/caption]
Маргарыта САКОВІЧ
Фота аўтара
Комментарии