Home
Воскресенье 20.07.2025 06:47

Слава працы

Только достоверные новости Копыльщины

Архив материалов за 2010-2023 года - Слава працы | Копыль Online

Дата создания

-

Категория

58

Выбар прафесіі

30.08.2012
Сектар занятасці насельніцтва правёў традыцыйны “Дзень прафарыентацыі” для беспрацоўных грамадзян, у тым ліку і для выпускнікоў школ, якія не вызначыліся з выбарам прафесіі. Па выніках сустрэчы пачалося фарміраванне групы па спецыяльнасці вадзіцель катэгорыі “С”, трактарыст для навучання ў Капыльскім прафтэхкаледжы. Акрамя таго, як паведаміў начальнік сектара занятасці Іван Бабко, ёсць жадаючыя атрымаць прафесіі цырульніка, повара-кандытара, аператара ПЭВМ і інш. Усім ім будзе аказана садзейнічанне, на навучанне будуць выдзелены сродкі сектара занятасці. Сяргей КОЗЕЛ  
32

Тэма дня

29.08.2012
Мерапрыемствы па навядзенні парадку на зямлі і добраўпарадкаванні населеных пунктаў штотыдзень абмяркоўваюцца і кантралююцца як раённым Саветам дэпутатаў, так і райвыканкамам. Як адзначыла старшыня райсавета дэпутатаў Марыя Сандрозд, вядуцца работы па ўсіх запланаваных напрамках, а некаторыя поўнасцю выкананы. Так, для зносу пустуючых дамоў былі выдзелены 42 млн рублёў бюджэтных сродкаў, якія цалкам асвоены. Праведзены работы на тэрыторыі Блеўчыцкага, Бучацінскага, Семежаўскага, Доктаравіцкага сельсаветаў. Сёлета не паступае нараканняў з боку насельніцтва па добраўпарадкаванні могілак. На дадзены момант на 12 з іх устаноўлены новыя бетонныя агароджы. Асабліва вызначаецца Капыльскі сельвыканкам, дзе з дапамогай насельніцтва абгароджана пяць могілкаў. Як падкрэсліла Марыя Сандрозд, за сем месяцаў гэтага года на тэрыторыі раёна рэкультываваны сем міні-палігонаў цвёрдых бытавых адходаў (усяго на дадзены момант – ужо звыш 40). Добра наладжана сістэма па абкошванні тэрыторый населеных пунктаў як сіламі сельвыканкамаў, так і насельніцтвам, якое імкнецца падтрымліваць парадак на сваіх сядзібах. З мэтай стымулявання праведзены конкурсы на лепшае ветэранскае, маладзёжнае падвор’е, у верасні пройдуць – на лепшую вуліцу, населены пункт. Значным штуршком для добраўпарадкавання з’яўляюцца і святы вёсак. У гэтым годзе яны ўжо праведзены ў Вялікараёўскім (в. Канатопы), Доктаравіцкім (аг. Н. Доктаравічы), Пацейкаўскім (в. Траянава), Цімкавіцкім (аг. Цімкавічы). У астатніх – запланаваны на верасень–кастрычнік. З планавых мерапрыемстваў застаецца на кантролі работа з пустуючай зямлёй. За вясенні перыяд больш чым 200 га было перададзена сельгаспрадпрыемствам. Інвентарызацыя і перадача ідзе і цяпер. Працягваецца работа па абустройстве безгаспадарных сядзіб. Яна праводзіцца на падставе новага Указа №100 Прэзідэнта Рэспублікі Беларусь, згодна з якім домаўладанне, якім не карыстаюцца на працягу трох гадоў, прызнаецца пустуючым. — Звяртаюся да жыхароў Капыльшчыны з просьбай быць акуратнымі з вывазам смецця, раслінных рэшткаў, — адзначае Марыя Сандрозд. – Часовае складзіраванне павінна быць узгоднена са старшынямі сельвыканкамаў. Трэба памятаць, што вываз на закрытыя міні-палігоны забаронены, гэтак жа, як і ўтварэнне несанкцыянаваных звалак. А напярэдадні зімы яшчэ неабходна абкасіць сядзібы, адрамантаваць агароджы, фасады дамоў, словам, надаць вёскам прывабны выгляд. Сяргей КОЗЕЛ  
39

Собираем детей в школу

29.08.2012
Копыльским райисполкомом принято решение №1016 от 27.07.2012 г. «О выделении материальной помощи». В соответствии с ним по 200 000 рублей на каждого учащегося получат семьи, воспитывающие троих и более детей, обучающихся в учреждениях общего среднего и специального образования. Всего такую помощь получат 86 семей, в которых воспитывается 275 детей-школьников. С 13 по 17 августа в ГУ «Копыльский ТЦСОН» проведена благотворительная акция «Первый раз в первый класс» для детей-инвалидов (гуманитарную помощь получили 4 ребенка). Прошла акция «Рука помощи-1» для детей, находящихся в ГУО «СПЦ Копыльского района» (парикмахерскими услугами бесплатно воспользовались 13 детей). С 6 по 24 августа центром проводилась акция «Подготовка к школе» по сбору канцелярских принадлежностей для детей из малообеспеченных и неблагополучных семей. С 27 по 31 августа пройдут акции: «Здравствуй, школа!» для детей-инвалидов, которые являются учащимися школ Копыльского района; «Рука помощи-2» - оказание парикмахерских услуг многодетным семьям и «Рука помощи-3» - оказание парикмахерских услуг семьям, где дети находятся в социально-опасном положении, на базе домов социальных услуг Копыльского района. Валентина  МИХАЙЛОВСКАЯ, специалист по социальной работе отделения срочного социального обслуживания ГУ «Копыльский ТЦСОН»  
42

Горячая линия

29.08.2012
В Комитете государственного контроля Минской области 30 августа 2012 г. по телефону (8-017) 284-12-41 будет проводиться горячая линия с населением на тему: «Актуальные вопросы повышения эффективности закупа яблок (плодов) и проблемы сдатчиков в Минской области». В указанный день граждане с 10.00 до 13.00 могут сообщить об имеющихся проблемах при сдаче сельскохозяйственной продукции и плодов, а также внести предложения по повышению эффективности работы заготовительной отрасли.  
53

Каб родная хата была багата

29.08.2012
Святочныя мерапрыемствы праходзілі на цэнтральнай плошчы горада, дзе разгарнуўся першы ў гэтым годзе сельскагаспадарчы кірмаш. Тут жа, на адкрытай эстраднай пляцоўцы, ушаноўвалі герояў жніва. [caption id="attachment_21017" align="aligncenter" width="443" caption="А. Жданеня, І. Кісляк, А. Макарчук"][/caption] З пачуццём гордасці за вынікі сваёй працы рыхтаваліся да свята вяскоўцы. А радавацца ёсць чаму. Сёлета Капыльшчына зрабіла важкі ўклад у агульны каравай дзяржавы: было намалочана звыш 168 тысяч тон збажыны, што на 21 тысячу тон больш, чым у мінулым го- дзе; атрымана рэкордная для раёна ўраджайнасць — 46,7 цэнтнера з кожнага гектара нівы. Чатыры камбайнавыя экіпажы намалацілі больш за дзве тысячы тон зерня, а экіпажаў-тысячнікаў было аж 74. Асаблівай пашаны ўдастоіліся хлебаробы ААТ “Семежава” і “Скабін”, дзе на круг намалочана больш за 60 ц/га. Вельмі рэзультатыўнай была праца і ў ААТ “Піянер-Агра”, ф-ле “Лакнея”, ААТ “Старыца-Агра”, “Капыльскае”, у якіх ураджайнасць перавысіла 50 ц/га, значна пераўзышлі свой мінулагодні рэзультат хлебаробы СГФ “Крыніца” і іншых гаспадарак. Пераможцы спаборніцтва (іх спіс быў надрукаваны ў мінулым нумары “СП”. — М. С.) былі ўзнагароджаны граматамі і грашовымі прэміямі. [caption id="attachment_21018" align="aligncenter" width="443" caption=" А. Ермак (злева) узнагароджвае А. Емельяновіча"][/caption]

Шчырую ўдзячнасць хлебаробам за самаадданую працу выказаў у сваёй  прамове старшыня райвыканкама Анатоль Жданеня. Сугучным па настроі было і выступленне першага намесніка старшыні райвыканкама начальніка ўпраўлення райсельгасхарчу Ірыны Кісляк. Аднак Ірына Мікалаеўна адзначыла, што хлебаробы Капыльшчыны маюць яшчэ нямала рэзерваў, каб мець яшчэ больш высокія рэзультаты, і над іх рэалізацыяй неабходна пачынаць працаваць ужо зараз.

Высокая адзнака працы капыльскіх аграрыяў прагучала ў словах намесніка старшыні Мінскага абласнога выканаўчага камітэта Аляксандра Ермака. “Міншчына і сёлета пацвердзіла сваё высокае званне — жытніцы нашай краіны, — адзначыў Аляксандр Валер’янавіч. — У сталічнай вобласці намалочана звыш 2 млн 200 тыс. тон збожжа пры сярэдняй ураджайнасці 41,6 ц/га. Аднак гэтыя рэзультаты павінны быць больш важкімі, і працаваць нам трэба не дзеля лічбаў, а для таго, каб вынікі нашай дзейнасці прыносілі і задавальненне, і добрыя прыбыткі. Каб родная хата была багата!” Аляксандр Ермак уручыў Граматы Мінаблвыканкама і грашовыя прэміі Уладзіміру Дземянкову, дырэктару КСУП “Доктаравічы”, Аляксандру Емельяновічу, вадзіцелю КСУП “С “Лясное”, Юрыю Зяньковічу, намесніку дырэктара ААТ “Семежава” па раслінаводстве, Сяргею Кандраценку, галоўнаму інжынеру ААТ “Піянер-Агра”, Мікалаю Скамароху, старшаму камбайнеру ААТ “Семежава”. [caption id="attachment_21019" align="aligncenter" width="443" caption="Іграюць “Капыляне”"][/caption] Сярод ганаровых гасцей была і дэлегацыя Цэнтральнага раёна сталіцы. Першы намеснік кіраўніка раённай Адміністрацыі Ганна Мацельская выказала шчырую ўдзячнасць вяскоўцам ад імя ўсіх гараджан і ўручыла каштоўныя падарункі Аляксандру Турбану, дырэктару ААТ “Ціміразеўскі”, Міхаілу Кудзёлку, камбайнеру ААТ “Праснакі”, Івану Зяневічу, вадзіцелю ААТ “Суворава-Агра”. Сардэчна павіншаваў усіх са святам “Дажынкі-2012” старшыня Капыльскага раённага савета Аграпрамысловага Саюза дырэктар КСУП “С “Лясное” Леанід Станіслаўчык і ўручыў прэміі за старанную працу кіраўнікам сельгаспрадпрыемстваў раёна Валерыю Тароцьку (ААТ “Прагрэс 2010”), Леаніду Петрушэню (ф-л “В. Раёўка”), Уладзіміру Сцяпуру (СГФ “Руднае”). [caption id="attachment_21020" align="aligncenter" width="443" caption="На кірмашы"][/caption] З прывітальным словам да ўдзельнікаў свята звярнуўся старшыня Клецкага раённага выканаўчага камітэта Анатоль Бойка, які, дарэчы, з’яўляецца адным з кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь пятага склікання ад Капыльскай выбарчай акругі №66. Анатоль Сцяпанавіч адзначыў, што ў многім клецкія хлебаробы бяруць арыенцір у сваёй працы на капылян. Пажадаў усім працаўнікам раёна далейшых поспехаў і асабістых даброт. [caption id="attachment_21021" align="aligncenter" width="443" caption="На кірмашы"][/caption]

Цудоўным дапаўненнем да ўсіх шчырых слоў, выказаных у гэты дзень у адрас хлебаробаў, стала выступленне капыльскіх артыстаў. Сваёй творчасцю ўдзельнікаў свята радавалі народныя калектывы: ансамбль народнай песні “Спадчына”, ансамбль народнай музыкі “Капыляне”, жаночы вакальны ансамбль РЦК пад кіраўніцтвам Таццяны Хілько. [caption id="attachment_21023" align="aligncenter" width="324" caption="На падворку ААТ “Семежава”"][/caption] А тым часам на плошчы ішоў святочны кірмаш. Магчыма, на гэты раз ён меў больш дэкаратыўнае адценне, паколькі практычна кожнае сельгаспрадпрыемства прапанавала да ўвагі ўдзельнікаў і гасцей свята імправізаванае сялянскае падвор’е, аформленае з вялікай фантазіяй. Тым не менш, гараджане мелі магчымасць набыць і збажыну, і агародніну, і садавіну, і нават парасят. А самае галоўнае — падзялілі з вяскоўцамі вялікае свята, якое падводзіць вынікі напружанай працы і дае зарад бадзёрасці і аптымізму на будучае.

Маргарыта САКОВІЧ Фота Сяргея ЛАЗОЎСКАГА    
51

Сустрэнемся ў “Ратамцы”

28.08.2012
База дзіцячага адпачынку “Ратамка” гасцінна прымала дзяцей з Капыльшчыны. Тут працаваў летні лагер кругласутачнага знаходжання турыстычнага профілю “Сто дарог”. Аддзелам адукацыі райвыканкама і ДУА “Капыльскі раённы цэнтр дзіцячага адпачынку і краязнаўства” было арганізавана гэта цікавае і пазнавальнае мерапрыемства для дзяцей школьнага ўзросту. Усяго адпачывалі 84 навучэнцы з розных школ нашага раёна. Працавалі ў дзіцячым лагеры работнікі з розных устаноў адукацыі Капыльшчыны –  дырэктар лагера – Сяргей Мялешка, старшы выхавальнік – Ала Бабко, дзякуючы якой праходзілі выхаваўчыя мерапрыемствы на высокім узроўні. Адпачынак праводзіўся ў дзве змены па дзевяць дзён, першая – для школьнікаў-спартсменаў, другая – для астатніх дзяцей, якія падалі заяўкі на адпачынак. Кожны дзень не заставаўся без увагі арганізатараў – праводзіліся цікавыя мерапрыемствы і экскурсіі. Дзеці наведвалі забаўляльныя месцы горада Мінска – пабывалі ў кінатэатры “Цэнтральны”, дзе гля-дзелі фільмы ў фармаце 3D, у Мінскім дэльфінарыі сталі сведкамі прыгожага шоу з дэльфінамі. Таксама вельмі прыемна было пабываць у адзіным у Беларусі сучасным парку забаў “Dreamland”, дзе мелі магчымасць добра адпачыць і пакатацца на атракцыёнах. Асабліва спадабалася плаванне на цеплаходзе “Вілія” па Мінскім моры, што застанецца ў памяці надоўга. Акрамя адпачынку ў сталіцы школьнікі наведалі і горад Заслаўе, дзе ім давялося пабываць у музеі міфалогіі лесу,  пакаталіся на конях у Ратамцы. Таксама атрады прымалі ўдзел у турзлёце разам са сваімі выхавальнікамі. Акрамя мерапрыемстваў з выездам, для дзяцей праводзіліся конкурсы ў лагеры – “Містэр і Місіс лагера”, “Дзень Нептуна”, “Дзень самакіравання” і інш. Хлопчыкі і дзяўчынкі, якія знаходзіліся падчас першай змены (а гэта ўдзельнікі абласных і рэспубліканскіх спаборніцтваў),  мелі магчымасць актыўна патрэніравацца з выездам у сталіцу на лыжа-ролерных трасах. У наступным годзе арганізатары плануюць таксама правесці такі ж адпачынак турыстычнага профілю на базе “Ратамкі”. Павел Шэін  
47

Навіны раёна адным абзацам (CMigrator copy 25)

28.08.2012
СПАБОРНІЦТВА. Па выніках абласнога спаборніцтва сярод аддзелаў і ўстаноў адукацыі аддзел адукацыі Капыльскага райвыканкама заняў чацвёртае месца сярод 23 раёнаў Міншчыны. Сяўба. Гаспадаркамі Капыльшчыны пасеяна 6131 га азімага рапсу, што складае 95% да запланаванага. Пад сяўбу азімых культур падрыхтавана 14 171 га. Грэчка. Намалочана 429 тон грэчкі пры сярэдняй ураджайнасці 17,2 ц/га. Шэсць сельгаспрадпрыемстваў з 11 ужо закончылі ўборку гэтай культуры. ЧЭМПІЯНАТ. У 30-м чэмпіянаце свету лесарубаў, які адбыўся на базе алімпійскага спартыўнага цэнтра «Раўбічы», прынялі ўдзел і капыляне. Свае работы на выставе дэкаратыўна-прыкладнога мастацтва прадэманстравалі майстар раённага Цэнтра ткацтва Т. Волкава, удзельнікі народнага клуба майстроў РЦК “Скарбонка” (кіраўнік Г. Гурло) — А. Бельская, Н. Чаркас, М. Мароз, І. Васілевіч. З канцэртнай праграмай для гасцей і ўдзельнікаў свята выступіў народны ансамбль народнай песні “Спадчына” (кіраўнік В. Зарамбоўская). ФОРУМ. 25 жніўня ў г. Маладзечна прайшоў юбілейны (дзясяты) Рэспубліканскі экалагічны форум. Святочную атмасферу на свяце падтрымлівалі дзеячы мастацтваў Рэспублікі Беларусь і аматарскія калектывы Мінскай вобласці, сярод якіх была і наша рок-група “Замкавая гара” пад кіраўніцтвам А. Раеўскага. Прафілактыка. Заўтра ва ўстановах і арганізацыях раёна пройдзе адзіны Дзень прафілактыкі правапарушэнняў, злачынстваў, п’янства і алкагалізму, наркаманіі і таксікаманіі, прапаганды здаровага ладу жыцця. Падрыхтавалі М. САКОВІЧ, У. СКРЫПІНСКІ, Т. Бохан  
59

Получаешь доход — уплати налоги

28.08.2012
В современных условиях многие из граждан стремятся найти дополнительный источник дохода. Государство принимает конкретные шаги по созданию благоприятных условий для осуществления отдельных видов деятельности и уплаты по ним налогов. Статьей 295 Особенной части Налогового кодекса Республики  Беларусь для физических лиц предусмотрена возможность оказывать определенный перечень услуг (работ) только с уплатой единого налога без обязательной регистрации в качестве индивидуального предпринимателя. К таким услугам относятся: оказание услуг по выращиванию сельскохозяйственной продукции; оказание услуг по дроблению зерна; выпас скота; репетиторство (консультативные услуги по отдельным учебным предметам (предметам), учебным дисциплинам (дисциплинам), образовательным областям, темам, в том числе помощь в подготовке к централизованному тестированию); чистка и уборка жилых помещений; уход за взрослыми и детьми; услуги, выполняемые домашними работниками: стирка и глаженье постельного белья и других вещей; выгул домашних животных и уход за ними; закупка продуктов, приготовление пищи, мытье посуды; внесение платы из средств обслуживаемого лица за пользование жилым помещением и коммунальные услуги; музыкальное обслуживание свадеб, юбилеев и прочих торжественных мероприятий; деятельность независимых актеров, конферансье, музыкантов; предоставление услуг тамадой; фотосъемка, изготовление фотографий; реализация котят и щенков при условии содержания домашнего животного (кошки, собаки); услуги по содержанию, уходу и дрессировке домашних животных, кроме сельскохозяйственных животных; предоставление секретарских услуг и услуг по переводу; предоставление услуг, оказываемых при помощи автоматов для измерения веса, роста; ремонт и переделка трикотажных, меховых, швейных изделий и головных уборов. Ставки единого налога утверждены решением Минского областного Совета депутатов №145 от 1 февраля 2012 г. Физические лица до начала осуществления видов деятельности подают в налоговый орган по месту жительства заявление с указанием видов деятельности, которые они предполагают осуществлять, а также периода осуществления деятельности. Осуществление предпринимательской деятельности без государственной  регистрации и без уплаты единого налога влечет наложение на виновника административного штрафа до 100 базовых величин с конфискацией (или без) предметов административного правонарушения (транспортных средств, оборудования, инструментов и т. д.), а также дохода, полученного в результате такой деятельности. Елена КИСЕЛЕВА, заместитель начальника отдела контроля за налогообложением индивидуальных предпринимателей и физических лиц  
70

Ад шчырага сэрца

28.08.2012
Сёння нярэдка можна пачуць: “Змяніўся не толькі свет, але і людзі”. Маўляў, чалавек стаў эгаістычным, раўнадушным. Але ўсё ж спагадлівых, добрых, чулых людзей значна больш, чым тых, хто жыве па прынцыпе: мая хата з краю… У гэтым мне давялося пераканацца, калі ў мой дом пастукалася бяда, дакладней сказаць на дачы ў в. Ванелевічы ўспыхнуў пажар. Падвяла, як высветлілася, электраправодка. Нездарма ў народзе кажуць, што пажар горш за злодзея. Не дай Бог перажыць гэта каму-небудзь. Не ведаю, як бы справіўся з гэтай бядой сам-насам, але ў такі цяжкі час мяне падтрымалі многія людзі: суседзі, вяскоўцы, таварышы па службе. Хто матэрыяльна, хто спагадлівым словам, справай. Хочацца выказаць шчырую ўдзячнасць усім, хто не застаўся раўнадушным да майго гора. Няхай Бог засцерагае вас ад усялякіх нягод, а бяда, гора абыходзяць ваш дом. Моцнага здароўя вам, шчасця і дабрабыту. Алег ВІСЛОВІЧ, г. Салігорск    
71

Цікавае падарожжа

28.08.2012
Лета для дзяцей і падлеткаў — цудоўная пара самых вялікіх канікул, новых знаёмстваў, сустрэч. Цікава бавіць вольны час можна летам, калі сябруеш з кнігай, з бібліятэкай. Для актыўных карыстальнікаў Русакоўскай бібліятэкі-клуба, Старыцкай сельскай бібліятэкі, членаў творчых аб’яднанняў клуба «Інтэлектуал» і «Каласок» была арганізавана творчая сустрэча-экскурсія ў Слабада-Кучынскую сельскую бібліятэку. Тут было праведзена знаёмства з сябрамі бібліятэкі, прадметамі быту вёскі пачатку XX стагоддзя. Затым наведалі музей Слабадакучынскай сярэдняй школы, дзе дырэктар школы Валянціна Паўлаўна Кандыбовіч правяла цікавую экскурсію і расказала пра станаўленне і развіццё гаспадаркі, школы. Далей маршрут працягваўся пад кіраўніцтвам Валянціны Барташэвіч, бібліятэкара Слабада-Кучынскай сельскай бібліятэкі ў в. Вялешына, у музей этнаграфіі і побыту. Удзельнікам экскурсіі спадабаўся музей сваім нацыянальным каларытам, яны адкрылі для сябе імя цікавага чалавека, знакамітага земляка Генадзя Галубовіча, дакрануліся яшчэ раз да эпохі і быту вёскі пачатку XX стагоддзя. На зваротным шляху быў экалагічны прыпынак ля крынічкі ў зоне адпачынку вёскі Свідзічы. Адбылася добрая гутарка аб убачаным, размова зайшла пра кнігі, якія дапамагаюць больш даведацца аб родным краі, прыродзе і знакамітых людзях. Бібліятэкары расказалі ўдзельнікам экскурсіі пра кнігі і часопісы, у якіх можна знайсці адказ на ўзнікшыя пытанні. Вельмі радуе тое, што дзеці ў Год кнігі шмат чытаюць. Таму мы яшчэ раз пераканаліся, што кніга адкажа на пытанні, падкажа, калі што незразумела. Аліна Ліннік, загадчыца Русакоўскай бібліятэкі-клуба; Галіна Гайшун, бібліятэкар Старыцкай бібліятэкі; Валянціна Барташэвіч, бібліятэкар Слабада-Кучынскай бібліятэкі  
59

Увага: прамая лінія (CMigrator copy 37)

28.08.2012
У чацвер, 30 жніўня, з 10 да 12 гадзін адбудзецца прамая лінія з начальнікам упраўлення па працы, занятасці і сацыяльнай абароне Капыльскага райвыканкама Валянцінай Сямёнаўнай КОЗІЧ і дырэктарам ДУ “Капыльскі тэрытарыяльны цэнтр сацыяльнага абслугоўвання насельніцтва” Святланай Станіславаўнай МАЛІНОЎСКАЙ. Калі ў вас ёсць пытанні, звязаныя з сацыяльнай абаронай, пенсіённым забеспячэннем, надомным абслугоўваннем насельніцтва, аказаннем адраснай сацыяльнай дапамогі і іншыя, тэлефануйце ў вызначаны час па нумарах: В. С. Козіч – 55-4-45, С. С. Маліноўская – 51-4-00.  
-- Выберите категорию --