[/caption]
Як паведаміў галоўны інжынер філіяла Мікалай Сіцкі, у гаспадарцы маецца 27 трактароў, з якіх ужо 24 хоць сёння гатовы выйсці ў поле. “На гэты момант вядзём рамонт тэхнікі для суцэльнай апрацоўкі глебы і пасяўных агрэгатаў”, - адзначае Мікалай Аляксандравіч. – Плугі, можна сказаць, адрамантаваны поўнасцю. Адзін культыватар яшчэ неабходна давесці да толку. Пасяўныя агрэгаты для сяўбы збожжавых гатовыя на 100%. Для нарыхтоўкі сена і сенажу маюцца два комплексы, адзін з іх патрабуе невялікага рамонту”.
У мехмайстэрні сельскагаспадарчага філіяла спорна ішла работа. “Цяпер вядзём рамонт культыватара КПС-6, наладжваем камбінаваныя глебаапрацоўчыя агрэгаты АКШ-6, АКШ-7,2. Таксама працягваем наладжваць трактары МТЗ-82 і МТЗ-80, – тлумачыць загадчык мехмайстэрні Уладзімір Лагішынец. – Неабходныя запчасткі дзе прыкупляем, а дзе і вырабляем уласнымі сіламі. Тэхніка для вядзення веснавых палявых работ будзе гатова. Пасля прыступім да бягучага рамонту кукурузнай сеялкі”.
[caption id="attachment_15309" align="aligncenter" width="443" caption="Уладзімір Лагішынец і Іван Беразун"]
[/caption]
Механізатар Мікалай Насевіч і слесар Юрый Галушка вялі рамонт МТЗ-82. “Трактар старэнькі, паляцела каробка. Таксама мяняем падшыпнікі, зношаныя ўтулкі, - расказвае Мікалай Уладзіміравіч. – Да гэтага адзін рамантаваў, а сёння вось далі памочніка”. З веданнем справы вёў наладку АКШ Уладзімір Захарэвіч.
Мікалай Сіцкі адзначыў, што вялікую дапамогу ў рамонце сельгастэхнікі аказвае і адміністрацыя ААТ “Капыльскі райаграсэрвіс”, і абласное аб’яднанне. “Хачу сказаць, што з нашага боку да іх ніякіх прэтэнзій няма. Калі звяртаемся, заўсёды з разуменнем адносяцца. Дзе ёсць якая капейка – выдзяляюць на запасныя часткі, дапамагаюць з больш складаным рамонтам”.
Пакуль дазваляе надвор’е і маразы не скавалі зямлю, гаспадарка вядзе і ворыва. Тут па-майстэрску спраўляецца Ігар Цвілевіч, які працуе на МТЗ-3022. “Год таму атрымаў гэту новую тэхніку, таму і рамонт пакуль не патрабуецца. У рабоце не падводзіць”, – тлумачыць малады механізатар.
Такім чынам, гатоўнасць парку з улікам трактароў, якім не патрэбен рамонт, знаходзіцца на высокім узроўні, і да вясенняй пасяўной 2012 года гаспадарка падыдзе, як кажуць, у поўнай баявой.
Сяргей ЛАЗОЎСКІ
Фота аўтара
САМАЕ ЗАПАМІНАЛЬНАЕ Працоўны калектыў дашкольнага цэнтра развіцця дзіцяці “Сонейка” годна вытрымаў франтальную праверку ўпраўлення адукацыі аблвыканкама і атрымаў высокую ацэнку сваёй працы. Усім гасцям пад кіраўніцтвам начальніка абласнога ўпраўлення адукацыі вельмі спадабалася наша дашкольная адукацыйная ўстанова, умовы, створаныя для ўсебаковага развіцця дзяцей.
АБНАДЗЕЙВАЕ У наступным годзе плануецца правесці рэканструкцыю басейна ў дашкольным цэнтры, што дасць магчымасць навучаць дзяцей плаванню з ранняга ўзросту, умацоўваць іх здароўе, знізіць колькасць захворванняў, стварыць здароўезберагальнае асяроддзе, каб забяспечыць паўнацэннае псіхафізічнае развіццё дзіцяці.
РАДУЕ Наш горад расце, прыгажэе, з’яўляюцца новыя мікрараёны, праводзіцца рэканструкцыя тратуараў, па якіх прыемна прагуляцца ў вячэрні час. Ствараюцца новыя прадпрыемствы і працоўныя месцы, а гэта азначае, што моладзь не будзе выязджаць з Капыля.
ХВАЛЮЕ Хацелася б, каб наша рэспубліка квітнела, хутчэй дасягнула эканамічнай стабільнасці, умацавала свае па-зіцыі на еўрапейскім кантыненце. А як жанчыну, як гаспадыню, хвалюе рост цэн, асабліва на прадукты харчавання, бо хочацца, каб навагодні стол быў багатым — з ікрой і іншымі морапрадуктамі, якія рэкамендуюцца для сустрэчы 2012 года ў кожнай сям’і.
НАСЦЯРОЖВАЕ На жаль, яшчэ многа дзяцей – сацыяльных сірот, праблемных сем’яў. Створаны сацыяльны прытулак для дзяцей і ў нашым горадзе, і ён не пустуе. Пры жывых бацьках дзяцей выхоўвае дзяржава і прыёмныя сем’і.
ЖАДАЮ Напярэдадні Нараджэння Хрыстова і Новага года ў першую чаргу жадаю ўсім моцнага здароўя. Няхай 2012 год будзе напоўнены святлом міру, дабрыні і шчасця. Радасці і аптымізму ўсім, фінансавага дабрабыту і ажыццяўлення жаданняў! Навагодняга настрою і вясёлых святаў!
Запісаў Сяргей КОЗЕЛ
В условиях социально ориентированной экономики на одно из первых мест выдвигается задача осуществления системного подхода к вопросам торгового и бытового обслуживания малообеспеченных граждан, ветеранов ВОВ, ветеранов боевых действий на территории других государств с тем, чтобы каждый из них ощутил заботу государства и получил конкретную помощь.
Так, Минским облисполкомом принято решение №1660 от 1 декабря 2011 года «О некоторых мерах социальной поддержки отдельных категорий граждан». В решении определены: перечень социально уязвимых категорий граждан для получения льгот на торговое и бытовое обслуживания (дети-инвалиды до 18 лет; лица из числа детей-сирот и детей, оставшихся без попечения родителей; многодетные семьи (3 и более детей); ветераны Великой Отечественной войны и лица, пострадавшие от последствий войн; инвалиды боевых действий в Афганистане и на территории других государств из числа воинов-интернационалистов; инвалиды 1 и 2 группы; одинокие пенсионеры, получающие трудовую пенсию ниже бюджета прожиточного минимума); рекомендуемый ассортимент продовольственных (18 групп, рекомендуемая скидка 5%) и непродовольственных (23 группы, рекомендуемая скидка 10%) товаров, а также перечень бытовых услуг (6 видов, рекомендуемая скидка 5%) для предоставления скидок.
В настоящее время райгорисполкомами определены 194 торговых объекта и 425 объектов бытового обслуживания, которые будут обеспечивать организацию торгового и бытового обслуживания социально уязвимых категорий граждан.
Подробную информацию о местонахождении социальных магазинов, условиях предоставления и размерах скидок можно получить в отделах торговли и услуг, социальных службах местных исполнительных и распорядительных органов.
Актуальныя пытанні развіцця цэнтральнага рэгіёна краіны былі абмеркаваны на прэс-канферэнцыі са старшынёй Мінскага аблвыканкама Барысам Батурам, якая адбылася 19 снежня. На працягу гадзіны Барыс Васільевіч адказваў на пытанні прадстаўнікоў
дзяржаўных і недзяржаўных сродкаў масавай інфармацыі нашай вобласці, а таксама вядучых рэспубліканскіх тэлеканалаў, радыёстанцый, газет і інфармацыйных агенстваў.
У гутарцы з журналістамі старшыня Мінаблвыканкама адзначыў, што ў цэлым у бягучым годзе ў сталічнай вобласці назіраецца станоўчая дынаміка развіцця, хаця не ўсе прагнозныя паказчыкі будуць выкананы. Аднак, неабходна адзначыць, што тэмпы росту валавога рэгіянальнага прадукта Міншчыны вышэй за рэспубліканскі паказчык. Чакаецца, што асноўны паказчык — валавы рэгіянальны прадукт — узрасце на 7 % пры плане росту не менш, чым на 9 %, аб’ём сельскагаспадарчай вытворчасці — на 5,6—6 % пры плане на 7—8 %. Будзе пабудавана 1,1 млн кв.м жылля супраць 1,3 млн кв.м па прагнозе.
“На вынікі паўплывалі аб’ектыўныя фактары, аднак практычна ўсе якасныя паказчыкі (рэнтабельнасць продажу, энерга-зберажэнне і інш.) будуць выкананы. У новы год вобласць уваходзіць са станоўчымі тэндэнцыямі”, — падкрэсліў Барыс Батура. Сёння Міншчына валодае значным патэнцыялам і павінна як след выкарыстоўваць яго, павышаць аб’ёмы выпускаемай прадукцыі як у прамысловасці, так і ў сельскай гаспадарцы. Для гэтага ёсць усе магчымасці. “У бягучым годзе ў эканоміку Мінскай вобласці было прыцягнута 96 млн долараў прамых інвестыцый, — паведаміў Барыс Васільевіч. — У 2012-м плануецца значна павялічыць гэты паказчык — да $187 млн. У Міншчыны вялікі патэнцыял у гэтым плане — сюды актыўна ідуць інвестары”. У вобласці рэалізуецца 16 лагістычных праектаў з 24 рэспубліканскіх, што павінна станоўча адбіцца на папаўненні бюджэту, павелічэнні грузапатокаў.
У ліку асноўных прыярытэтаў сацыяльна-эканамічнага развіцця рэгіёна, далейшае нарошч-ванне экспарту. Гэта стане магчымым як за кошт асваення новых рынкаў збыту, так і пераарыентацыі таварных патокаў з унутранага на знешнія рынкі. Неабходна больш актыўна працаваць над змяненнем структуры экспарту шляхам скарачэння долі сыравінных прадуктаў і павелічэння паставак навуковаёмістай, інавацыйнай прадукцыі, тэхнічна складаных вырабаў, упэўнены Барыс Батура.
Комплексны падыход дазволіць выканаць сур’ёзную задачу — плануецца, што ў 2012 го-дзе дадатнае сальда знешняга гандлю Міншчыны павінна дасягнуць 3 млрд долараў.
Была закранута тэма малога і сярэдняга бізнесу. Паводле слоў старшыні Мінаблвыканкама, напаўненне бюджэту ад гэтых двух напрамкаў у бягучым годзе склала амаль 33 %, а гэта — 1,5 трлн рублёў. Аднак і прадпрымальнікі адчуваюць падтрымку дзяржавы: толькі за два апошнія гады ім выдзелена 1,4 млрд рублёў, што дазволіла расшырыць і правесці мадэрнізацыю вытворчасці, нарасціць аб’ёмы, а таксама стварыць новыя працоўныя месцы. У кожным раёне Мінскай вобласці будуць створаны цэнтры падтрымкі прадпрымальніцтва (большая частка іх ужо працуе), а пры Мінскім аблвыканкаме дзейнічае Савет па развіцці прадпрымальніцтва.
Сёння востра стаіць і такое пытанне, як імпартазамяшчэнне. Таму яго не маглі абысці журналісты. І менавіта да гэтай справы неабходна, па меркаванні кіраўніка Мінскай вобласці, больш актыўна прыцягваць прадпрымальнікаў. Праз уцягненне ў абарот дзяржаўнай маёмасці, якая не выкарыстоўваецца, продаж неэфектыўных прадпрыемстваў новым уласнікам можна дабіцца значных рэзультатаў. У бягучым годзе такім чынам ужо задзейнічана каля 170 аб’ектаў, палова з якіх выстаўлялася на аўкцыён за адну базавую велічыню і пад канкрэтныя інвестпраекты.
Прагучала на прэс-канферэнцыі і пытанне наконт атрымання зямельных участкаў пад індывідуальнае будаўніцтва. Як праінфармаваў прысутных Барыс Васільевіч, у Мінскай вобласці на чарзе па атрыманні зямельных участкаў стаіць 36,3 тысячы чалавек і больш за 23 тысячы з іх — у Мінскім раёне. “Зараз ідзе ўдакладненне сітуацыі, — адзначыў губернатар. — Сёлета 1,2 тысячы зямельных участкаў было адабрана ў грамадзян, якія без уважлівых прычын не прыступілі да асваення адведзеных ім плошчаў. Актыўна праводзіліся аўкцыёны — такім чынам ва ўласнасць для індывідуальнага будаўніцтва ў 2011 годзе прададзена 710 зямельных участкаў на суму 36,2 млрд рублёў.” Пра-інфармаваў Барыс Батура журналістаў аб будаўніцтве ў 2012 годзе ў гарадах Барысаве і Мала-дзечна двух арэндных дамоў па 60 кватэр кожны, мадэрнізацыі 350 жывёлагадоўчых аб’ектаў.
Актыўна прымяняюцца на Міншчыне і комплексныя меры сацыяльнай абароны насельніцтва. “Усе пераўтварэнні ў сацыяльна-эканамічным развіцці заўсёды павінны праводзіцца ў інтарэсах чалавека, — упэўнены старшыня Мінаблвыканкама. — Таму сацыяльная падтрымка тых груп насельніцтва, якія маюць у гэтым патрэбу, — надзвычай важная і адказная задача. На Міншчыне рэалізуецца комплекс адпаведных мер не толькі на абласным узроўні. У кожным рэгіёне ажыццяўляецца свая праграма з улікам тых ці іншых тэрытарыяльных асаблівасцей.
Ёсць меркаванне, што Барыс Батура — адзін з самых адкрытых чыноўнікаў. “Ці дапамагае губернатару такая адкрытасць і частыя сустрэчы з насельніцтвам вобласці ў вырашэнні пастаўленых задач?” — пацікавіліся журналісты. “Чым часцей бываеш на месцах, больш бачыш, гутарыш з людзьмі, тым больш граматнымі і канкрэтнымі будуць прынятыя рашэнні, — упэўнены Барыс Батура. Я ўсё жыццё так працую, па-іншаму не магу. І ад падначаленых патрабую адпаведных адносін да справы, бо не сакрэт, што на месцах можна вырашыць большасць з тых праблем, з якімі да чыноўнікаў звяртаюцца людзі. Неабходна ўнікнуць і дапамагчы чалавеку, а не пераадрасоўваць пытанне вышэй. Сітуацыя паступова мяняецца ў лепшы бок: у вобласці сёлета колькасць зваротаў у вышэйстаячыя інстанцыі зменшылася на 23 працэнты.”
Барыс Батура таксама адказаў на шэраг іншых пытанняў. Закрытых тэм на гэтай сустрэчы не было.
Маргарыта САКОВІЧ
ПАВАЖАНЫЯ ЗЕМЛЯКІ! Гэта вялікае свята напаўняе святлом і цяплом, усяляе ў душы надзею і любоў. Нараджэнне Хрыстова — гэта невычэрпная крыніца, якая ачышчае кожнага чалавека, дапамагае падтрымліваць у сем’ях атмасферу дабра і ўзаемаразумення, умацоўвае ўпэўненасць у будучым.
Няхай жа ніколі не пакідае вас добры настрой, моцным будзе здароўе, маральныя і фізічныя сілы для штодзённых спраў.
Раённы выканаўчы камітэт
Раённы Савет дэпутатаў
