В прошлую пятницу в зоне отдыха проходили соревнования сандружины (14 человек) из ОАО «Копыльское» и 6 санзвеньев (по 4 человека) медицинских сил гражданской обороны района.
Звенья выставили КУП «Копыльское ЖКХ», ОАО «Копыльский маслосырзавод», отдел образования Копыльского райисполкома, ОАО «Копыльский райагросервис», ЧУП «Копыльский кооппром». Впервые приняло участие санзвено из ОАО «Старица-Агро».
В этот день участники соревнования, а это около 40 человек, демонстрировали навыки действий по команде «Газы», умение оказывать первую медицинскую помощь «пострадавшим», транспортировать «раненых» из очагов ядерного заражения, в условиях применения противника химического и бактериологического оружия, умение проводить частичную дегазацию и дезактивацию.
В результате острой и напряженной борьбы первое место по традиции завоевало санзвено отдела образования (командир Надежда Сыса), второе у представителей Копыльского райагросервиса и третье - у бойцов санзвена ЧУП «Копыльский кооппром».
Владимир СКРИПИНСКИЙ
У Капыльскай дзіцячай школе мастацтваў адбыўся раённы конкурс дзіцячага малюнка “Родныя мае мясціны. Як мая душа рвецца туды!..», прысвечаны 110-й гадавіне з дня нараджэння Кузьмы Чорнага і 65-годдзю Перамогі ў Вялікай Айчыннай вайне.
Як паведаміла выкладчык гэтай навучальнай установы Святлана Сямашка, у конкурсе ўзялі ўдзел навучэнцы Капыльскай і Цімкавіцкай ДШМ, агульнаадукацыйных школ горада і раёна, а таксама выхаванцы раённага Цэнтра дзіцячай творчасці. На выставу было прапанавана больш за 80 работ, выкананых у розных відах тэхнікі: гуаш, графіка, акварэль.
— Арганізатары гэтага мерапрыемства, — расказала Святлана Станіславаўна, — ставілі перад сабой задачу павысіць узровень інтарэсу хлопчыкаў і дзяўчынак да асобы беларускага празаіка і драматурга Кузьмы Чорнага. Па вялікім рахунку, мы гэтага дабіліся, паколькі перш, чым распачаць работу над малюнкам, кожны з юных мастакоў з цікавасцю чытаў аповесці і апавяданні пісьменніка.
Больш за тры тыдні работы ўдзельнікаў конкурсу дэманстраваліся ў раённым краязнаўчым музеі, дзе з імі маглі пазнаёміцца ўсе жадаючыя. Мяркуецца, што ў будучым яны зоймуць дастойнае месца ў Літаратурным музеі К. Чорнага.
Як і ў кожным спаборніцтве, вызначыліся пераможцы. Першае месца журы прысудзіла Інзе Пятроўскай (работа “Маленькая жанчына”), Уладзіславу Каваліу (“Буры”) і Сяргею Панасчыку (“Як Талаш напужаў воўка”) — выхаванцам выкладчыка Капыльскай ДШМ С. К. Швайбовіч. Другое падзялілі Марыя Була (“На пыльнай дарозе”) і Зарына Пархімовіч (“Матчына бласлаўленне”), якія таксама займаюцца ў Святланы Канстанцінаўны. На трэцяй пазіцыіі апынуліся Вікторыя Коршук з работай “Насцечка” (Капыльская ДШМ, выкладчык Г. А. Нічыпаровіч) і Таццяна Давідовіч (Цімкавіцкая ДШМ, выкладчык К. М. Барысевіч). Прыз глядацкіх сімпатый атрымалі вучаніцы Быстрыцкай СШ Валерыя Давідоўская і Іна Шаравар. Усе пераможцы і прызёры будуць узнагароджаны дыпломамі і памятнымі падарункамі ў дзень святкавання юбілею К. Чорнага — 19 чэрвеня ў аг. Цімкавічы.
Маргарыта САКОВІЧ
10 чэрвеня пасля рэканструкцыі ўрачыста адкрыўся магазін “Журавіна”. Пераўвасабленне гандлёвай кропкі адбылося ўсяго за нейкі тыдзень.
Як адзначыла дырэктар ПВУП “Капыльскі каапхарч” Людміла Курпан, на рамонт і рэканструкцыю, закупку гандлёвага і хала- дзільнага абсталявання было зрасходавана 130 мільёнаў рублёў.
- Амаль па ўсіх групах тавараў пашыраны асартымент, - адзначыла Людміла Георгіеўна. – У пераліку з’явілася больш уласнай прадукцыі каапхарчу. Акрамя звыклых тавараў цяпер тут можна набыць свежазамарожаную агародніну, разнастайныя салаты, паўфабрыкаты, некаторыя спадарожныя прамысловыя тавары і інш. Дадаткова была абсталявана барная стойка, каб наведвальнікі змаглі выпіць кубачак чаю ці кавы, паласавацца марожаным. Магазін будзе працаваць па прынцыпе самаабслугоўвання, што для пакупнікоў даволі зручна. Дзякуючы гэтым новаўв дзенням плануем атрымаць добры тавараабарот. Калі раней ён складаў 80 - 90 млн руб., то цяпер плануецца павялічыць яго ўдвая. Гэтаму, лічу, будзе спрыяць і выгаднае месцазнаходжанне гандлёвай кропкі. У магазіне працуе зладжаны і вопытны калектыў, які ўзначальвае Іна Круглік. Але для якаснага і хуткага абслугоўвання пакупнікоў штат прадаўцоў плануем павялічыць.
У другой палове чэрвеня будзе праведзены рамонт фасада будынка, які стане сапраўдным упрыгажэннем горада. Дарэчы, па словах Людмілы Курпан, акрамя новага аблічча магазін у хуткім часе атрымае і новую назву - “Кулінарыя”.
Сяргей ЛАЗОЎСКІ
НА ЗДЫМКАХ: 1. Урачыстае адкрыццё магазіна. Сімвалічную стужку пераразае старшыня праўлення райспажыўтаварыства Святлана Паляшчук (у цэнтры); 2. Аб- слугоўвае кліента Наталля Каляда.
Фота аўтара
Абласны семінар ідэалагічных работнікаў адбыўся на мінулым тыдні на базе Капыльскага раёна. Яго ўдзельнікі пабывалі ў некаторых арганізацыях і прадпрыемствах, дзе пазнаёміліся з сістэмай ідэалагічнай работы, якая там практыкуецца.
А пачалося мерапрыемства з круглага стала. Падчас яго госці пазнаёміліся з сацыяльна-эканамічнай характарыстыкай раёна, якую далі старшыня раённага Савета дэпутатаў Марыя Сандрозд і намеснік старшыні райвыканкама начальнік аддзела эканомікі Ала Раманоўская. Ад начальніка адзела ідэалагічнай работы Людмілы Камковай даведаліся пра арганізацыю ідэалагічнай работы ў працоўных калектывах Капыльшчыны. Акрамя таго да іх увагі была прапанавана інфармацыя пра работу па фарміраванні здаровага ладу жыцця, ідэалагічным выхаванні моладзі, дзейнасці рэдакцыі раённай газеты “Слава працы”.
Не сакрэт, што адным з асноўных напрамкаў работы кожнай музейнай установы па сацыялізацыі асобы з’яўляецца грамадзянска-патрыятычнае выхаванне. Як гэты прынцып рэалізуецца ў Капыльскім раённым краязнаўчым музеі, удзельнікі мерапрыемства змаглі даведацца з вуснаў старшага навуковага супрацоўніка Таццяны Варанцовай, з дапамогай якой яны здзейснілі экскурс у далёкае мінулае нашага гарадка, падымаючыся па віртуальных прыступках, зрабілі прыпынкі і ў мястэчку канца ХІХ стагоддзя, і ў Капылі ваенных гадоў, даведаўшыся, як нашы землякі кавалі перамогу на франтах Вялікай Айчыннай вайны, у падполлі і партызанскіх атрадах. З вялікай цікавасцю госці слухалі расказ Таццяны Аляксандраўны пра музейныя ўрокі, што даўно ўвайшлі ў практыку гэтай установы.
Пра сучасныя падыходы ў арганізацыі ідэалагічнай работы ішла гутарка падчас наведвання ДЛГУ “Капыльскі лясгас”, дзе ўдзельнікаў мерапрыемства гасцінна сустракалі галоўны ляснічы Уладзімір Васількоў і намеснік дырэктара лясгаса па ідэалагічнай рабоце Уладзімір Рымашэўскі.
Не менш запамінальным стала наведванне гімназіі № 1 г. Капыля, дзе адбылася сустрэча з дырэктарам Зінаідай Прыміч. Пасля музычнага прывітання ў выкананні юных гімназістаў удзельнікі семінара пазнаёміліся з кабінетам ідэалагічнай работы ўстановы, наведалі галерэю мастацтваў “Капыльская радзімая зямля”, бібліятэку, некаторыя вучэбныя кабінеты.
Не абышлі арганізатары мерапрыемства і сельскагаспадарчую галіну. Па ўсім было відаць, што і для яго ўдзельнікаў наведванне ААТ “Старыца-Агра” было вельмі цікавым, паколькі прагучала вельмі шмат пытанняў да дырэктара гаспадаркі Уладзіміра Рудакоўскага. Наведванне комплексу па адкорме буйной рагатай жывёлы, дома механізатара машынна-трактарнага парку і знаёмства з умовамі для працы і быту механізатараў і жывёлаводаў дало падставу зрабіць вывад: у адкрытым акцыянерным таварыстве вельмі многае робіцца для забеспячэння высокай якасці вытворчасці і наогул жыцця на вёсцы.
Маргарыта САКОВІЧ
НА ЗДЫМКАХ:1. Падчас наведвання музея; 2. Удзельнікі семінара.
Фота аўтара
З 8 па 11 чэрвеня Беларусь прымала ўдзельнікаў пятага Міжнароднага медыяфоруму “Партнёрства ў імя будучыні”. Больш за 100 журналістаў з 19 дзяржаў пабывалі ва ўсіх рэгіёнах краіны, на свае вочы ўбачылі, як жывуць беларусы, развіваюцца прамысловасць і сельская гаспадарка рэспублікі.
11 чэрвеня ў Нацыянальнай бібліятэцы адбылося пленарнае пасяджэнне. Праграма была падзелена на тры блокі, у якіх вяліся дыскусіі па наступных тэмах: “Інтэграцыя на постсавецкай прасторы. Праблемы і перспектывы сучаснага этапа саюзнага будаўніцтва”, “Беларусь у глабальных працэсах. Адкрытасць і мадэрнізацыя як фактары інавацыйнага развіцця краіны”, “Сродкі масавай інфармацыі як фактар кансалідацыі эканамічнай і гуманітарнай прасторы СНД”.
Прэзідэнт Беларусі Аляксандр Лукашэнка ў сваім прывітанні ўдзельнікам медыяфоруму адзначыў, што журналістаў нездарма называюць чацвёртай уладай. “Ад вашага прафесійнага майстэрства і таленту, а галоўнае, прынцыповасці і праўдзівасці, залежыць і развіццё цэлых дзяржаў, і дасягненне ўзаемаразумення паміж рознымі нацыямі і народамі”.
Ніхто з нас 20 гадоў назад і ў страшным сне не мог уявіць інфармацыйныя войны на абсягах некалі адзінай дзяржавы. Як адзначыў генеральны сакратар Міжнароднай канфедэрацыі журналісцкіх саюзаў Ашот Джазаян, дзе-нідзе журналістыка стала “сферай абслугоўвання”. Выконваючы палітычны заказ, СМІ не задумваюцца над той разбуральнай сілай, якую нясуць у сабе матэрыялы, што прыніжаюць і зневажаюць народ другой краіны. Асабліва крыўдна, калі гэтыя публікацыі і рэпартажы выходзяць з-пад пяра расійскіх журналістаў. Некалькі такіх яркіх прыкладаў прывёў у сваім выступленні галоўны рэдактар “СБ” Павел Якубовіч.
Сіла слова – магутная зброя. Карыстаючыся ім, не маючы выразных маральных унутраных абмежавальнікаў, можна не толькі развязаць войны, але і ўвагнаць увесь свет у эканамічны хаос, адзначыў глава Адміністрацыі Прэзідэнта Уладзімір Макей. “Сёння з асаблівай вастрынёй стаіць пытанне аб экалогіі інфармацыйнай прасторы. Свабода павінна быць не “ад”, а “для”, — лічыць ён. У якасці класічнага негатыўнага прыкладу ўплыву СМІ і лабіравання імі чужых інтарэсаў Уладзімір Макей прывёў сітуацыю са “свіным грыпам”, якога, па-сутнасці, і не было.
Цікавым было выступленне Анатоля Лысенкі, прэзідэнта Міжнароднай акадэміі тэлебачання і радыё, заслужанага дзеяча мастацтваў Расіі, які адзначыў, што “мы павінны дабівацца самага галоўнага – захавання ўсяго лепшага, што было, і развіваць гэта. І ў СНД, і ў іншых інтэграцыйных праектах няма гуманітарнага складальніка. А нам патрэбна такая праграма на дзяржаўным узроўні. Медыяфорум у Мінску – гэта частка, важная частка такой гуманітарнай праграмы”, — лічыць выступоўца.
Па выніках пленарнага пасяджэння ўдзельнікі медыяфоруму прынялі “Мінскую ініцыятыву”, у якой адзінадушна выказаліся рашуча змагацца з пераўтварэннем СМІ ў інструмент нагнятання напружанасці, раздзімання рознагалоссяў і канфліктаў, распаўсюджвання чутак, рыторыкі нацыянальнага эгаізму, а таксама за павышэнне адказнасці журналіста за рэзультат сваёй прафесійнай дзейнасці. Журналісцкае слова павінна садзейнічаць паступальнаму развіццю і працвітанню дзяржаў, культурнай шматвобразнасці свету і ўзаемаразуменню паміж народамі.
Таццяна РАІЦКАЯ
