17.10.2024
У мінулую сераду старшыня Мінскага абласнога выканаўчага камітэта Сямён Шапіра разам з памочнікам Прэзідэнта Рэспублікі Беларусь – галоўным інспектарам па Мінскай вобласці Мікалаем Корбутам наведаў Капыльскі раён. У рамках такіх выездаў адбываецца больш блізкае знаёмства з кіруючымі кадрамі, спецыфікай дзейнасці і развіцця рэгіёнаў.
Паколькі наш раён у першую чаргу сельскагаспадарчы, то асноўная ўвага была нададзена аграпрамысловаму сектару. На сустрэчы прысутнічалі старшыня райвыканкама Анатоль Жданеня, яго першы намеснік начальнік упраўлення райсельгасхарчу Ірына Кісляк і кіраўнікі ўсіх сельгаспрадпрыемстваў.
На кожнага з прадстаўленых кіраўнікоў сельгаспрадпрыемстваў былі падрыхтаваны даведкі з указаннем у іх асноўных эканамічных паказчыкаў гаспадарак за апошнія пяць гадоў, сёлетніх дасягненняў ці недапрацовак, у адпаведнасці з якімі і задаваліся пытанні, выслухоўваліся прапановы па паляпшэнні сітуацыі.
— Мы — адна каманда, можна сказаць, адна сям’я, — распачаў сустрэчу Сямён Шапіра. — І мы ўсе павінны добра ўсведамляць патрабаванне Прэзідэнта Рэспублікі Беларусь Аляксандра Лукашэнкі на ІV Усебеларускім народным сходзе наконт штогадовага павелічэння на 10% аб’ёму вытворчасці. На жаль, на Капыльшчыне назіраецца адставанне па некаторых паказчыках. Асабліва катастрафічна падаюць надоі малака: вы атрымліваеце 4200 кг ад адной каровы, менш чым у сярэднім па вобласці, гэта не дапушчальна для вас. Калі накорміце жывёлу высакаякасным кормам, захаваўшы ўсе тэхналогіі, напоіце ўдоваль і своечасова, то і атрымаеце неабходную прадукцыю.
Сямён Барысавіч неаднаразова звяртаўся да прыкладу работы Гродзенскай вобласці, якую ён узначальваў да прызначэння старшынёй у Мінскую. Там няма кіраўнікоў гаспадарак, заатэхнікаў, загадчыкаў фермаў, якія б не маглі самастойна, з дапамогай камп’ютара, скласці рацыён кармлення, прааналізаваць патрэбнасць у корме, дабаўках з улікам фізіялагічнага стану, узросту жывёлы. Таму губернатар нагадаў элементарныя правілы кармлення, эканамічныя і зоаветэрынарныя нормы ўтрымання статка. А таксама параіў часцей звяртацца да вывучэння адпаведнай літаратуры і рэкамендацый навукоўцаў, шукаць нешта новае і абменьвацца вопытам.
— Прыемна адзначыць, што амаль усе кіраўнікі сельгаспрадпрыемстваў на Капыльшчыне — мясцовыя, многіх з іх ведаю асабіста, — заўважыў памочнік Прэзідэнта Рэспублікі Беларусь — галоўны інспектар па Мінскай вобласці Мікалай Корбут (дарэчы, Мікалай Мікалаевіч родам з в. Вужа Доктаравіцкага сельсавета). — Не па чутках ведаю праблему, што ў гэтым раёне ўсё менш становіцца людзей, якія працуюць у сельскай гаспадарцы. А некаторыя кіраўнікі, мабыць, ужо апусцілі рукі ад безвыходнасці: чакаюць, калі ж ім выдзеляць грошы. Але ж Капыльшчына, як і раней, павінна іх зарабіць сама. Я адказваю перад Прэзідэнтам за стан спраў на Міншчыне, а за Капыльскі раён, як свой родны, нясу маральную адказнасць. Таму прашу не падводзіць, а даказаць, што вы можаце выканаць пастаўленыя задачы.
Сяргей КОЗЕЛ
В целях повышения эффективности работы органов внутренних дел по профилактике пьянства, в том числе в молодежной среде, принятия дополнительных мер по противодействию нарушениям антиалкогольного законодательства действуют номера телефонных линий «Пьянству - нет!» УВД Миноблисполкома: (8-017) 207-67-02, 229-05-90, а также Копыльского РОВД: 55-5-28, 55-5-53, 55-1-47.
У аўторак, 18 лютага 2014 года, з 10 да 12 гадзін адбу-дзецца прамая лінія з дырэктарам Капыльскай РАС РДГА “Беларускае таварыства паляўнічых і рыбаловаў” Уладзімірам Антонавічам РЫМАШЭЎСКІМ.
Усе пытанні ў вызначаны час задавайце па нумары 55-9-80.
18 февраля 2014 года с 14.00 до 16.00 в кабинете председателя Бобовнянского сельского исполнительного комитета проведет прием граждан и юридических лиц депутат Палаты представителей Национального собрания Республики Беларусь Анатолий Степанович БОЙКО.
[/caption]
Дух здаровага саперніцтва ў сукупнасці з зарадам бадзёрасці, станоўчых эмоцый — такая атмасфера панавала на спартакіядзе прадпрыемстваў, арганізацый, устаноў, якая прайшла ў мінулыя выхадныя на фізкультурна-аздараўленчым комплексе горада Капыля. Заяўкі на ўдзел у першынстве сёлета падалі 20 каманд.
На цырымоніі адкрыцця ўдзельнікаў спартакіяды віталі намеснік старшыні райвыканкама Ала Раеўская, намеснік начальніка аддзела адукацыі, спорту і турызму Віктар Васілеўскі. Права ўзняць Дзяржаўны флаг Рэспублікі Беларусь было дадзена мінулагодняму чэмпіёну – камандзе жыллёва-камунальнай гаспадаркі.
Спаборніцтвы складаліся з чатырох відаў, дзе ўдзел прымалі па два прадстаўнікі (мужчына+жанчына) ад каманды: скакалка і падніманне гіры (месца выводзілася па суме за выступленні, адпаведна, жанчыны і мужчыны), штрафны кідок у баскетбольнае кольца, дартс і плаванне. А вось у пятай дысцыпліне, камбінаванай эстафеце, удзельнічала адразу чатыры чалавекі: тры мужчыны і жанчына.
Праз некалькі хвілін у спартыўнай зале паралельна стартавалі два віды — скачкі на скакалцы (жанчыны) і падніманне гіры (мужчыны), па выніках якіх каманды атрымлівалі першыя ачкі ў залік. Тандэм Наталлі Міхайлоўскай і Мікалая Валністага прынёс першую перамогу і максімальную колькасць ачкоў (30) аддзелу адукацыі, спорту і турызму. Другое месца было ў каманды тэрытарыяльнага цэнтра сацыяльнага абслугоўвання насельніцтва (25) і трэцяе — у аўтапарка №21 (23).
З цікавасцю балельшчыкі назіралі і за другім відам праграмы – штрафным кідком. Самымі ўдалымі тут аказаліся аматары
[caption id="attachment_33655" align="alignright" width="300" caption="Камбінаваная эстафета. На агнявым рубежы"]
[/caption]
баскетболу Юлія Грыгаровіч і Віктар Васілеўскі з аддзела адукацыі, спорту і турызму. Другое месца занялі прадстаўнікі Капыльскага лясгасу. Трэці вынік – у каманды ПМК-11.
На свежым паветры прайшла камбінаваная эстафета. Сёлета ўсе каманды паказвалі выдатную хуткасць на дыстанцыі. Але квартэт жыллёва-камунальнай гаспадаркі даказаў, што і ў гэтым годзе яны сабралі самых падрыхтаваных аматараў здаровага ладу жыцця. Вікторыя Рудая, Сяргей Місючэнка, Дзмітрый Фядотаў і Генадзь Задруцкі на «выдатна» справіліся са сваёй задачай, запісаўшы ў залік каманды 60 ачкоў (эстафета давала падвоеную колькасць ачкоў. — С. Л.).
У дартсе найбольшую суму ачкоў і перамогу камандзе цэнтральнай раённай бальніцы прынеслі Іна Шкірыч і Андрэй Прахарэнка. Другое месца заваявалі прадстаўнікі жыллёва-камунальнай гаспадаркі. Трэцяе месца засталося за дуэтам Капыльскага дзяржаўнага прафесійна-тэхнічнага каледжа.
[caption id="attachment_33656" align="alignleft" width="300" caption="Пераможца — каманды ЖКГ"]
[/caption]
Заключным відам стала плаванне. Тут не было роўных плыўцам з цэнтральнай раённай бальніцы. Перамогу камандзе прынеслі Барыс Талейка і Ганна Абрамчык. Камунальнікі аказаліся на другім месцы, а замкнуў тройку лідараў дуэт з ПМК-11.
Падвёўшы вынікі агульнакаманднага заліку, су- дзейская калегія вызначыла пераможцу і прызёраў спартыўнага першынства. Першае месца і кубак пераможцы зімовай спартакіяды дасталіся камандзе ЖКГ. На другую прыступку п’едэстала гонару ўзняліся прадстаўнікі аддзела адукацыі, спорту і турызму райвыканкама, а каманда Капыльскага дзяржаўнага прафесійна-тэхнічнага каледжа стала трэцяй.
Дарэчы, на спаборніцтвах выступала і дружына рэдакцыі газеты «Слава працы». У выніковым пратаколе каманда значылася ў «залатой» сярэдзіне, замкнуўшы дзясятку лепшых спартыўных калектываў.
Сяргей ЛАЗОЎСКІ
Фота аўтара
