Кiраўнiк.
Шлях да пасады дырэктара ААТ “Скабін” Віктара Канстанцінавіча Станкевіча не быў лёгкім. Увесь час ён здабываў веды, вопыт, каб потым стаць сапраўдным кіраўніком. У сельскай гаспадарцы Капыльскага раёна Віктар Канстанцінавіч з 1975 года. Спачатку працаваў у саўгасе “Лясное”, потым – у “Доктара-вічах”, у калгасе “Піянер”. На працягу ўсёй працы шанцавала з людзьмі (так адзначыў сам Віктар Канстанцінавіч), з настаўнікамі, сярод якіх зараз узгадвае Мікалая Юльевіча Емельянчыка, Анатоля Мікалаевіча Буцько, Уладзіміра Паўлавіча Дземянкова. Шмат гадоў адпрацаваў разам з Аляксандрам Рыгоравічам Макарчуком.
[caption id="attachment_22814" align="aligncenter" width="443" caption="Віктар Станкевіч"]
[/caption]
Чаму я пачала аповед менавіта з асобы кіраўніка? А таму, што характар работы, яе напрамак задае Лідар. Вось і першае, што я ўбачыла каля будынка канторы, была не вельмі чыстая машына дырэктара гаспадаркі (вядома, цэлы дзень у дарозе!), раз-пораз раздаваліся званкі сотавага тэлефона (розныя пытанні вырашаць даводзіцца), праменіліся прыветлівыя добрыя ўсмешкі вяскоўцаў (гэта ж наш Дырэктар!).
Вынiкi i планы на заўтра
– Зараз мы адны з лідараў па вытворчасці малака, – гаворыць мой суразмоўца. – Выконваем планы. Добрыя поспехі і ў мясной жывёлагадоўлі: прывагі склалі 900 г. Вырашылі пабудаваць адкормачнік. Маем грошы. Калі гаварыць аб збожжавых: тут дапамагае маладосць, маю на ўвазе маладых спецыялістаў. Дзякуючы галоўнаму аграному Івану Грыбку
(Той сядзіць побач і сціпла ўсміхаецца) мы выйшлі на 62,1 ц/га. Для нас гэта рэкордны паказчык ураджайнасці. Вал склаў 7000 тон. Поўнасцю забяспечылі патрэбнасць у кармах. Дарэчы, вытворчасць кармоў – адна з галоўных задач. Зараз расшырылі плошчу, таму і нарыхтавалі сенажу на 1000 тон болей, чым летась. Асноўныя культуры, якія мы вырошчваем – пшаніца азімая, ячмень. Пашырылі пасевы трыцікале.
Займаемся вырошчваннем бульбы. Сёлета атрымалі па 300 ц/га. Пабудавалі гаспадарчым спосабам сховішча на 1000 тон. У бягучым годзе былі цяжкасці з рэалізацыяй бульбы. Аднак мы пачалі прадаваць яе з 13 ліпеня, таму і выйшла па больш высокім кошце.
[caption id="attachment_22816" align="aligncenter" width="443" caption="Іван Грыбок, Ігар Рай"]
[/caption]
Сёлета парадавала нас кукуруза, кармавыя караняплоды, рапс.
(Гаворка старшыні ўрыўкавая, па-дзелавому грунтоўная). Але гэта ёсць ва ўсіх. А вось па вытворчасці льну мы адзіныя ў раёне!
(Гаворыць сціпла, але з гонарам). Маем добрыя вынікі. Тры гады назад былі лепшымі ў рэспубліцы. Насенне здаём на насенную станцыю ў Гарадзею. Валакно – на Слуцкі льнозавод. Паказчыкі якасці нашага льну высокія. Дзякуючы таму, што дзяржава павялічыла закупачныя цэны, змаглі значна папоўніць бюджэт гаспадаркі.
Своечасова і якасна правялі сяўбу азімых культур. І ўжо сёння маладыя ўсходы радуюць вока. Але не будзем раней тэрміну загадваць! Завершаны па плане ўздым зябліва. Адшукалі грошы для набыцця фосфарных, азотных і калійных угнаенняў. Унеслі арганіку на палеткі. Праведзена ачыстка выгульных двароў на фермах. У свой час абнавілі машынна-трактарны парк. Зараз стаіць задача: закупіць новы комплекс для нарыхтоўкі кармоў КВК-800, апырсквальнік для хімічнай апрацоўкі пасеваў, на МТФ “Перац” пабудаваць новы даільна-малочны блок, узводзіць новыя склады.
[caption id="attachment_22817" align="aligncenter" width="443" caption="Віктар Станкевіч, Сяргей Камкоў"]
[/caption]
Зараз вядзецца рэканструкцыя на МТФ “Скабін”. Гэта робіцца для таго, каб павялічыць пагалоўе, надоі, аблегчыць працу для людзей.
Людзi
– Ведаеце, такія вынікі не прыходзяць самі па сабе, – зазначае дырэктар ААТ “Скабін”. – У нас згуртаваны калектыў, які налічвае 190 чалавек. Калі гаварыць пра механізатараў, то яны выдатна выконваюць свае абавязкі. З гонарам магу назваць лепшых: на вырошчванні бульбы – Івана Салаша, на ўборцы збожжавых – Аляксандра Грынкевіча, Івана Лук’яновіча.
Адзначу працу Аляксея Маліноўскага – інжынера па сельскагаспадарчых машынах, нарыхтоўшчыкаў кармоў Аляксандра Музыкі і Дзмітрыя Салодкага, на вырошчванні зернавых Ігара Рая, Сяргея Язвінскага. Вельмі старанна працуе на пагрузчыку Віктар Макаўчык.
А вось на вырошчванні льну вызначыліся ветэран працы Мікалай Карпяленя, Анатоль Карпук. У жывёлагадоўлю вяртаюцца былыя працаўнікі: Марыя Дзямчук, Вераніка Баліцкая, Вольга Лібар. Выдатна працуюць на МТФ “Скабін” Алена Ткачук, Вольга Бохан. А на ферме “Кель” усё трымаецца на Зоі Карпялені.
[caption id="attachment_22819" align="aligncenter" width="443" caption="Ідзе рэканструкцыя на МТФ “Скабін”"]
[/caption]
Сярод спецыялістаў не магу не адзначыць галоўнага інжынера Міхаіла Жэбета, галоўнага заатэхніка Уладзіміра Шэўчыка, галоўнага ветэрынарнага ўрача Наталлю Шалковіч.
(У кабінет уваходзіць спецыяліст з дакументамі на подпіс кіраўніка). Вось і намеснік па ідэалагічнай рабоце Сяргей Камкоў, – усміхаецца Віктар Канстанцінавіч. – Ён дапамагае знаходзіць адказы на сучасныя пытанні. Нашаму калектыву пад сілу вырашаць розныя праблемы!
Вельмі ўдзячныя мы ветэранам гаспадаркі, не забываем іх. Яны, дарэчы, і зараз паказваюць добрыя вынікі. Калі пройдзе ветэран-механізатар на трактары, дык такая роўная баразна атрымліваецца – нібы струна! Тых, хто на пенсіі, забяспечваем збожжам, сенам, саломай для вядзення хатняй гаспадаркі. Дапамагаем узараць агарод або сабраць бульбу.
– Віктар Канстанцінавіч, Вы казалі, што ў гаспадарцы шмат маладых спецыялістаў. А што робіцца для таго, каб іх утрымаць? – дапытваюся я.
– Што галоўнае для чалавека? Каб было жыллё і добрая зарплата. Вось і мы маладых спецыялістаў утрымліваем жыллём, заробкамі. Усе забяспечаны дамамі ў аграгарадку. Дарэчы, зарплата на ўзроўні лепшых гаспадарак раёна. Нашы работнікі ў вольны час, дзякуючы прафсаюзу, маюць магчымасць наведваць фізкультурна-аздараўленчы комплекс у Капылі.
– Ці дапамагаюць вам школьнікі?
– А як жа! Дапамагаюць навучэнцы сярэдняй школы №3, для якой мы з’яўляемся базавай гаспадаркай. Летам яны працуюць на збожжатоку, восенню – на ўборцы бульбы. Аказваем школе спонсарскую дапамогу і мы.
Пытаюся пра самыя значныя вынікі асабіста для кіраўніка гаспадаркі.
[caption id="attachment_22820" align="aligncenter" width="443" caption="Віктар Макаўчык"]
[/caption]
– Асаблівыя вынікі для мяне? – крыху задумваецца Віктар Канстанцінавіч, а потым з упэўненасцю кажа: – Гэта згуртаваны калектыў! Рады, што ўдалося захаваць моцных працаўнікоў, якіх выхаваў і сабраў у каманду мой папярэднік Анатоль Буцько. Паўтаруся: высокія вынікі не прыходзяць самі. А каб іх дасягнуць – трэба, каб быў згуртаваны калектыў. Мы і пра вольны час клапоцімся: у Скабіне працуе клуб. Адбываецца шмат мерапрыемстваў, канцэртаў мастацкай самадзейнасці. І свята мы абавязкова будзем адзначаць у гаспадарцы: уручым грашовыя прэміі лепшым працаўнікам. Каб парадаваць механізатараў, мы запрасілі артыстаў з Капыльскага РЦК. А вечарам адбудуцца танцы з “жывой” музыкай. Запрашаем, калі ласка!
Пажаданнi ад кiраўнiка:
– У першую чаргу зычу моцнага здароўя працаўнікам і іх сем’ям. Поспехаў, творчых і працоўных перамог! Памнажайце тое багацце, якое дорыць нам наша родная беларуская зямля. А раённаму кіраўніцтву хочацца пажадаць таксама здароўя, цярпення, далейшых поспехаў. Каб мы паспяхова сапернічалі з іншымі раёнамі вобласці і рэспублікі.
Старонку падрыхтавала Дзіяна Ткачэнка
Фота аўтара
[/caption]
— Можна гаварыць пра поспехі толькі ў нейкіх асобных момантах, — упэўнены Аляксандр Рыгоравіч. — У цэлым жа заўжды хочацца большага. Рэзервы для росту ёсць заўсёды, асабліва ў сель-скай гаспадарцы. Для нас гэта перш за ўсё — жывёлагадоўля. Калі ў раслінаводстве ўжо выпрацаваны больш-менш тэхналагічна замкнуты цыкл, паколькі за кошт набыцця сучаснай тэхнікі, нейкіх элементаў тэхналогіі набліжаемся да максімуму, то ў жывёлагадоўчай галіне наперадзе яшчэ шмат работы. Думаю, што штуршком для гэтага паслужыць будаўніцтва новай малочнатаварнай фермы. Мы пра яе марылі даўно, паколькі з увядзеннем яе ў строй не толькі значна павялічыцца вытворчасць прадукцыі, палепшацца ўмовы ўтрымання жывёлы і працы людзей, якія яе даглядаюць. Радуе тое, што ў нас нібы развяжуцца рукі для далейшага вядзення рэканструкцыі жывёлагадоўчых памяшканняў. Наша пастаянная бяда ў тым, што пры значным павелічэнні колькасці буйной рагатай жывёлы — за апошнія 5-8 гадоў яе пабольшала на 400 галоў — мы цярпелі ад недахопу памяшканняў. Асабліва гэта адчувалася ў зімовы час, пры масавых ацёлах.
[caption id="attachment_22833" align="aligncenter" width="443" caption="Ад першага слупа - да сучаснага комплексу"]
[/caption]
Новая малочнатаварная ферма, паводле слоў дырэктара сельгаспрадпрыемства, уступіць у строй на працягу месяца. Яе будаўніцтва, як і ход рэканструкцыі жывёлагадоўчых аб’ектаў у астатніх гаспадарках, пастаянна было на кантролі ў кіраўніцтва раёна. Кожны тыдзень на аб’екце збіраліся адказныя спецыялісты на чале з кіраўніком раёна Анатолем Жданенем, каб прааналізаваць зробленае, дапамагчы ў вырашэнні праблем, якія ўзнікаюць. На некаторых такіх планёрках давялося пабываць і аўтару гэтых радкоў. Самым, бадай, хвалюючым для дырэктара сельгаспрадпрыемства, ды і для ўсіх прысутных таксама, быў момант, калі ўстанаўліваўся першы слуп будучага кароўніка. З заміраннем сэрца сачыў Макарчук за тым, як кран апускае, а рабочыя замацоўваюць жалезабетонную канструкцыю. А цяпер на ўзгорку за Ванелевічамі вырас сучасны комплекс з двума кароўнікамі і даільна-малочным блокам, усім неабходным для яго жыццядзейнасці абсталяваннем.
Усяго тут будзе ўтрымлівацца больш за 700 галоў жывёлы, у тым ліку 600 — дойнага статка. Апошні будзе фарміравацца з першацёлак. Як расказаў Аляксандр Макарчук, ужо маецца 300 цялушак, а за тры-чатыры месяцы сваімі сіламі спадзяюцца яшчэ сотню сабраць. З уводам новага жывёлагадоўчага аб’екта можна будзе закрыць МТФ у Перавозе, дзе будынкі знаходзяцца ў аварыйным стане, а кароў расфарміраваць па астатніх фермах. Тым самым будзе магчымасць выбраць першацёлак для запаўнення новай МТФ.
Паспяхова абараніўшы праграму па мадэрнізацыі фермаў, у ААТ “Піянер-Агра” дакладна вызначыліся са стратэгіяй на будучае. Плануецца, што ў 2013 годзе будзе распрацавана праектна-каштарысная дакументацыя на будаўніцтва яшчэ аднаго даільна-малочнага блока, і тым самым уся малочная жывёлагадоўля будзе сканцэнтравана на дзвюх буйных фермах. Ёсць планы і на МТФ “Саўкова”, будынкі якой таксама будуць рэканструяваны.
Добра ведаючы, што жывёле акрамя спрыяльных умоў утрымання патрэбна збалансаванае кармленне, кіраўнік ана-лізуе магчымасці для паляпшэння спраў і ў гэтым кірунку.
— Мы плануем набыць буйнагабарытны прэс для нарыхтоўкі сенажу, — дзеліцца Аляксандр Макарчук. — Такая практыка ўжо існуе ў іншых гаспадарках і цалкам сябе апраўдала. Традыцыйна мы нарыхтоўваем сянаж толькі з люцэрны, якая дае па чатыры ўкосы. Калі з першага і другога корм атрымліваецца добры, з двух апошніх застаецца шмат адходаў. Набыўшы прэс, мы зможам нарыхтоўваць высакаякасны сянаж, у якім будзе захоўвацца на 30% больш карысных рэчываў. Акрамя таго, зможам выкарыстоўваць яго пры нарыхтоўцы сена і саломы.
На традыцыйнае напярэдадні прафесійнага свята пытанне аб лепшых працаўніках гаспадаркі, кіраўнік таксама адказаў традыцыйна: “Я нікога асобна вылучаць не хачу. Лічу, што калі сельгаспрад-прыемства ў цэлым спрацавала нядрэнна, атрымаўшы ледзь не па ўсіх паказчыках прыбаўку, значыць у гэтым заслуга ўсяго калектыву: і спецыялістаў, і механізатараў, і вадзіцеляў, і жывёлаводаў. Усім ім шчыры дзякуй за іх старанні. Галоўнае, што ёсць станоўчая дынаміка ў развіцці. Мы бачым мэту і ўсё робім для яе дасягнення.
Лічбы і факты
Валавы збор збожжа ў бункернай вазе склаў 8354 тыс. тон (на 565 тон больш) пры сярэдняй ураджайнасці 57,6 ц/га (на 3,9 ц/га больш). Намалочана 935 тон рапсу (летась было 480 тон).
Накапана 14 300 тыс. тон цукровых буракоў (на 487 тон больш). Іх ураджайнасць у параўнанні з мінулым годам вырасла на 15,6 ц/га і склала 476 ц/га.
Па выніках работы за 10 месяцаў гаспадарка атрымала выручку ад рэалізацыі прадукцыі, работ і паслуг на суму 27 млрд 868 млн рублёў (за аналагічны перыяд 2011 года — 10 млрд 713 млн руб.). Чысты прыбытак склаў 3 млрд 465 млн руб. (летась — 1 млрд 980 млн руб.).
За 10 месяцаў бягучага года надоена ад адной каровы па 4423 кг (на 130 кг больш, чым у 2011 г.). Валавая вытворчасць малака склала 39 532 ц (на 2028 ц больш).
Сярэднясутачныя прывагі на вырошчванні буйной рагатай жывёлы — 590 г (плюс 39 г), на вырошчванні свіней — 277 г (плюс 55 г).
[/caption]
Але, як кажуць, якое семя — такое і племя. Таму немалаважнымі момантамі ў выкананні даведзеных заданняў па вытворчасці свініны з’яўляецца атрыманне і дарошчванне прыплоду, якімі займаюцца работнікі цэхаў №3 і №4. У невялікіх калектывах работа заўсёды ідзе спорна. Вопытныя спецыялісты з задавальненнем перадаюць свае навыкі моладзі, якая прыходзіць на комплекс. Сярод правафланговых — аператары Надзея Худэнка і Алена Касцецкая. Даглядаюць яны 117 свінаматак, ад якіх сёлета атрымана каля 7 тысяч парасят. Даведзены гадавы план перавыкананы імі ўжо на дадзены момант!
[caption id="attachment_22824" align="aligncenter" width="443" caption="Работнікі камбікормавага цэха (злева направа) Юрый Палякоў, Сяргей Кудзін, Ігар Комар (начальнік)."]
[/caption]
Як адзначылі спецыялісты свінакомплексу, дасягнуты поспех мае некалькі складаемых. Па-першае, сёлета назіраецца высокая захаванасць пагалоўя дзякуючы як самім аператарам, так і работнікам ветслужбы. Па-другое, дастаткова ўдалы адбор і падбор парасят, які ажыццяўлялі заатэхнічныя спецыялісты прадпрыемства. Па-трэцяе, выдатная кармавая база. Дарэчы, нарыхтоўкай камбікармоў займаецца ўласны цэх прадпрыемства, дзе вырабляюцца кармы як для маладняку, так і для свіней на адкорме, а таксама для ўсёй жывёлы, што ўтрымліваецца ў гаспадарцы. Але, безумоўна, галоўным складаемым поспеху з’яўляюцца ўсё ж такі людзі, якія кожны дзень з адказнасцю шчыруюць на сваіх працоўных месцах. Сярод лепшых работнікаў — Наталля Віткоўская, Вольга Пяцко, Галіна Сяленчык, Ніна Дубовік, Ала Сідоранка, Вера Баркоўская, Марына Дзебрынава.
Адначасова ачысціць увесь раён ад замётаў немагчыма, таму неабходна з разуменнем аднесціся да сітуацыі і пастарацца ўнесці сваю лепту ў агульную справу.
Пра ўсе надзвычайныя сітуацыі неабходна тэрмінова паведамляць на цэнтр аператыўнага кіравання Капыльскага РАНС па тэлефонах: 101 альбо 55-4-47.
Маргарыта САКОВІЧ
Фота Сяргея ЛАЗОЎСКАГА
