Пасадзіць дрэўцы запрасілі маладыя сем'і — Памяцько, Станкевічаў, Пархамовічаў, Тарасевічаў і Зарамбоўскіх. І, па словах непасрэдных удзельнікаў, яны ўнеслі свой уклад у азеляненне і добраўпарадкаванне тэрыторыі роднага горада: пасадзілі вечназялёную іглічную расліну — тую, якая азначае «дрэва жыцця».
Сям'я Памяцько прыняла ўдзел у акцыі ў поўным складзе.
— Вядома, што чалавеку неабходна пабудаваць дом, нарадзіць сына і пасадзіць дрэва, — адзначыла Святлана Памяцько. — У нашым жа выпадку кватэра ёсць, выхоўваем дваіх сыноў, цяпер закладваем алею сямейных дрэў. Гэта месца, куды мы зможам потым прыходзіць усе разам. І наш старэйшы сынуля Давід таксама будзе ганарыцца, што ў сваім маленькім узросце дапамагаў тату і маме пасадзіць гэтае дрэва.
Маладая сямейная пара Дзмітрыя і Станіславы Пархамовічаў з ЗАТ «Жыліхава», якая звязала сябе вузамі шлюбу ў студзені бягучага года, ганарыцца, што менавіта ім выпала магчымасць закласці алею сямейных дрэў.
— Кожны з нас змог пасадзіць сваё дрэва шчасця, — дзеліцца галава сямейства Дзмітрый. — Гэта не першае зялёнае насаджэнне, якое давялося высаджваць. Аднак асабліва сімвалічна адчуць сваё дачыненне да стварэння такога знакавага месца, якое закладваецца ў падтрымку сямейных каштоўнасцей. І гэта правільна, бо сям'я — самае галоўнае, што ў нас ёсць. І пакуль дзетак у нас няма, усё яшчэ наперадзе (смяецца — Аўт.), але гэтыя дрэўцы парадуюць не адно пакаленне дзяцей, а сама алея стане яшчэ адным упрыгажэннем горада.
Пад кожным маладым дрэўцам размешчана таблічка, дзе напісана прозвішча сям'і, якая яго пасадзіла. Удзельнікам на памяць начальнік аддзела ЗАГС Вікторыя Траяновіч уручыла сертыфікат (на здымку) аб гэтай падзеі, згодна з якім яны абавязваюцца даглядаць сваё дрэва і адзначаць з ім усе свае святы. А агульнае фота на памяць занатавала добрую справу маладых сем'яў праз магчымасць зрабіць горад яшчэ больш прыгожым.
Таццяна БОХАН 
Сонечным, але зусім не па-веснавому халодным ранкам кіраўнікі раёна, арганізацый і прадпрыемстваў (на здымку) паказалі годны прыклад. На перакрыжаванні вуліц Русанкі і Савецкая, у напрамку на аграгарадок Пацейкі, была пасаджана Алея памяці з маладзенькіх ліп. 75 дрэўцаў як падзяка за 75 мірных гадоў.
[caption id="attachment_75854" align="aligncenter" width="580"]
■ У пасадцы дрэў прынялі ўдзел старшыня райвыканкама Анатоль Ліневіч і старшыня райсавета дэпутатаў Ірына Кісляк[/caption]
— Упэўнены, што такім чынам мы выказваем падзяку нашым дзядам, якія цаной свайго жыцця падарылі нам 75 гадоў пад мірным небам, — адзначыў старшыня райвыканкама Анатоль Ліневіч, які як сапраўдны лідар у ліку першых прыняў удзел у акцыі. — Пасадзіўшы маладыя дрэўцы, мы ўшаноўваем памяць нашых гераічных продкаў. Аднак пасадзіць ліпу — гэта, як кажуць, паўсправы. Трэба і даглядаць за ёй. Таму прыходзьце сюды з дзеткамі і ўнукамі, назірайце, як растуць вашы дрэўцы, калі трэба — палівайце.
Кожны з кіраўнікоў пасадзіў сваю ўласную (ды не адну) ліпу, старанна прысыпаўшы яе зямлёю і паліўшы вадзічкай. Калі прыйдзе час, дрэўцы ўпрыгожацца жоўта-белымі кветачкамі і насыцяць паветра крыху саладкаватым водарам.
Дзіяна ТКАЧЭНКА 
Зараз, калі пачалася традыцыйная кампанія па добраўпарадкаванні, многія з карыстальнікаў інтэрнэт-павуціння зноў распачалі гвалт: дрэвы ўсюды высеклі, вакол — амаль пустыня. На першы погляд, гэтыя грамадзяне маюць рацыю, але… Але гэта толькі на першы погляд. Скажыце, паважаныя, калі ў вас псуецца адзенне ці мэбля або выходзіць са строю тэхніка, што вы робіце? Па-першае, рамантуеце, аднак, калі не дапамагае майстар, прыходзіцца мяняць на новую. На жаль, дрэвы таксама «выходзяць са строю», яны, як і людзі, маюць свой узрост. Мы прывыклі бачыць старыя ліпы, таполі, бярозы, якія доўгі час раслі на вуліцах і не толькі. Як бы ні было цяжка развітвацца з імі, трэба ра-зумець: іх час адышоў, прыйшла пара абнавіць нашу малую радзіму. І вельмі прыемна, калі за гэту справу бяромся разам, талакой, па старадаўняй беларускай традыцыі.
Дзіяна ТКАЧЭНКА 
1[/caption]
Актыўная работа вялася на тэрыторыі каля адміністрацыйнага будынка райвыканкама. Там на распрацаваных па пэўнай схеме клумбах, па дакладна вызначаных лініях удзельнікі суботніка высаджвалі расаду кветак. Як патлумачыла начальнік аддзела ЖКГ, архітэктуры і будаўніцтва Капыльскага райвыканкама Марына Канончык, усяго тут высаджана каля 3000 бягоній, прадастаўленых КУП «Капыльская ЖКГ» (здымак 1). Акрамя бягоній, падчас суботніка розныя ўчасткі горада ўпрыгожылі каля 1000 рознакаляровых віёл.
[caption id="attachment_76107" align="aligncenter" width="580"]
2[/caption]
Спецыялісты упраўлення па адукацыі, спорце і турызме, фінансавага аддзела, упраўлення па працы, занятасці і сацыяльнай абароне райвыканкама і работнікі РБУ (здымак 2) займаліся добраўпарадкаваннем тэрыторыі паміж будынкам лясгаса і дзіцячай пляцоўкай.
[caption id="attachment_76108" align="aligncenter" width="580"]
3[/caption]
Побач, у дэндрапарку, наводзілі парадак работнікі Капыльскага лясгаса (здымак 3).
— У суботніку задзейнічаны ўвесь штат супрацоўнікаў арганізацыі — 290 чалавек. Яны размеркаваны па ўчастках, дзе выконваюць разнастайныя работы па добраўпарадкаванні. Сёння ж наводзіцца і парадак уздоўж аўтамабільных дарог, устанаўліваюцца аншлагі, перафарбоўваюцца шлагбаумы, — удакладніла намеснік дырэктара лясгаса Таццяна Канаплянік.
[caption id="attachment_76105" align="aligncenter" width="580"]
3[/caption]
Наводзілі парадак і на тэрыторыях устаноў адукацыі. Так, па-сапраўднаму сонечна, чыста, ярка і прыгожа стала на пляцоўках каля ДУА «Дашкольны цэнтр развіцця дзіцяці «Сонейка» г. Капыля». Тут у рамках суботніка высаджвалі клумбы, абнаўлялі ўласную «зялёную аптэку», фарбавалі бардзюры, спартыўнае абсталяванне, дэкаратыўныя элементы (здымак 4).
Аксана МІХАЙЛОЎСКАЯ 
Напомним об административной ответственности в отношении водителей, управляющих данными транспортными средствами, в отношении которых не выдано разрешение на допуск к участию в дорожном движении, согласно ч.5 ст.18.12 КоАП Республики Беларусь подвергается предупреждению или штрафу от 1 до 3 базовых величин; за повторное нарушение в течении года с момента наложения административного взыскания — штраф от 2 до 5 базовых величин; нарушение лицом, управляющим транспортным средством, правил перевозки пассажиров или грузов (ч.5 ст. 18.14 КоАП Республики Беларусь) — предупреждение или штраф в размере до 4 базовых величин; за повторное нарушение в течении года с момента наложения административного взыскания — штраф от 2 до 8 базовых величин. Должностные лица, ответственные за техническое состояние транспортных средств, будут привлекаться к административной ответственности по ст.18.24 КоАП Республики Беларусь в виде наложения штрафа от 4 до 6 базовых величин.
Виктор БОРИС,
Старший госавтоинспектор ОГАИ Копыльского РОВД,
майор милиции 
