Вооружившись лопатами и ведрами, активисты Копыльской районной организации общественного объединения «Белорусский союз женщин» совместно с волонтерами отделения обеспечения дневного пребывания граждан пожилого возраста Копыльского ТЦСОН приступили к посадке деревьев.
Белые сады — звучит красиво и загадочно! Основная особенность заключается в том, что данный участок будет украшен цветущими растениями одной цветовой гаммы — белой. И этому есть ряд веских причин. Во-первых, белый цвет всегда привлекал внимание людей, потому что хорошо сочетается с любым цветом, подчеркивает парадность и торжественность. Во-вторых, этот цвет дарит умиротворение и гармонию. А еще он символизирует чистоту и свежесть, поэтому часто используется в ландшафтном дизайне.
По словам председателя Копыльской районной организации общественного объединения «Белорусский союз женщин», директора Копыльского ТЦСОН Светланы Малиновской, люди стараются сохранить и украсить свою малую родину, и они также внесли свой вклад в озеленение и благоустройство территории своего учреждения. В ближайшее время эти растения порадуют посетителей территориального центра своими белыми цветами, придавая им радостное и позитивное настроение.
Татьяна БОХАН 
20 красавіка (вялікая субота) — св. Імша Вігілія ў 21.00 (з сабой узяць свечку), пасля св. Імшы адбу-дзецца ўсяночная адарацыя да 06.00
Таксама адбудзецца асвячэнне страў на велікодны стол:
г. Капыль, касцёл св. Пятра і Паўла — у 12.00, 13.00, 14.00, 15.00 і 16.00, а таксама пасля св. Імшы а 21.00
в. Печураны — у 9.00
в. Выня — у 9.30
в. Думічы — у 10.15
в. Чарнагубава — у 11.00
21 красавіка св. Імша Рэзурэкцыя ў 06.00, напрыканцы якой адбудзецца асвячэнне страў на велікодны стол. 
З Пастырскага паслання арцыбіскупа Тадэвуша Кандрусевіча на Вялікдзень 2019
«Весяліся і зямля, апрамененая ўзнёслым бляскам, бо асвяціў цябе промень спрадвечнага Валадара. Цэлы свет няхай адчуе, што вызваліўся ад цемры».
(З пасхальнага гімна Exsultet)
Гэтымі словамі велічнага пасхальнага гімна Exsultet («Узрадуйцеся») Касцёл у вігілію Пасхі абвяшчае свету радасць гэтай адзінай у гісторыі чалавецтва ночы, якая «была годнаю ведаць час і гадзіну, у якую Хрыстус паўстаў з мёртвых» (Exsultet).
Пасля трагедыі Вялікай пятніцы, калі здавалася, што «каралеўства цемры» перамагло, надышла ноч, якая папярэджвае «трэці дзень», у які Хрыстус уваскрэс.
Урачыстасць Уваскрэсення Хрыста з’яўляецца добрай нагодай для таго, каб паразважаць як над таямніцай паўстання Езуса з мёртвых, так і над неабходнасцю духоўнага адраджэння нас і нашага грамадства.
Браты і сёстры!
Сардэчна віншую ўсіх вас з радасным і збаўчым святам Уваскрэсення Хрыста! Віншую тых хрысціян, якія сёння таксама святкуюць гэтае свята свят! Віншую братоў і сясцёр праваслаўных, якія праз тыдзень будуць святкаваць Пасху! Віншую ўсіх людзей добрай волі! Дзялюся з усімі вамі радасцю ўваскрэсення Хрыста. Веру, што ўваскрэслы Хрыстус дапаможа нам годна адказаць на выклікі часу. Гэта Ён сёння нам кажа: «Будзьце адважнымі: Я перамог свет» (Ян 16, 33).
Ад пустой магілы Хрыста з надзеяй і адвагай пойдзем у будучыню, бо з намі ўваскрэслы Езус. А калі Ён з намі, то хто супраць нас? (пар. Рым 8, 31)
Гэтыя свае велікодныя пажаданні ўмацоўваю благаслаўленнем у імя Айца, † і Сына, і Святога Духа. Амэн.
Арцыбіскуп Тадэвуш Кандрусевіч Мітрапаліт Мінска-Магілёўскі
Паважаныя парафіяне і жыхары г. Капыля, дарагія браты і сёстры, усе, хто верыць у Хрыста Уваскрэслага!
Сведкі пасхальнай радасці Касцёла! Жадаю ўсім вам святла Уваскрэслага Пана. Хрыстус Уваскрэс! Сапраўды ўваскрэс! Алелюя! Няхай жыццё ў еднасці з Тым, хто можа перамяніць слабасць у перамогу, прыніжанасць у хвалу і смерць у жыццё, будзе крыніцаю ўзрастання ў веры і святасці. Няхай радасць і спакой — гэтыя дары Уваскрэслага — дададуць сілы і будуць крыніцаю сведчання аб жыцці ў веры. Няхай Марыя, якая была пад крыжам разам са сваім Сынам, а цяпер знаходзіцца з Ім у нябеснай хвале, будзе нашай правадніцай на шляху веры і даверу да Добрага Пана. Няхай на гэты час велікодных свят Бог адорыць нас спакоем, радасцю і міласэрнасцю.
Ксёндз Андрэй КАЛЯДКА,
пробашч парафіі святых Пятра і Паўла
▪ Галоўны аграном Віталь Купрыянчык (справа) з механізатарам Аляксандрам Буйкевічам аглядаюць новую сеялку перад выхадам у поле[/caption]
Па-першае, як адзначае першы намеснік начальніка ўпраўлення па сельскай гаспадарцы і харчаванні райвыканкама Наталля Ведзень, шматгадовыя травы — каштоўная крыніца бялку. Без яго немагчыма забяспечыць дойны статак паўнацэнным кормам. Па-другое, яны з’яўляюцца добрымі папярэднікамі для іншых культур. Найбольш каштоўныя бабовыя шматгадовыя травы (канюшына, люцэрна). Каштоўнасць іх заключаецца ў тым, што гэтыя культуры назапашваюць азот, які забяспечвае нармальнае азотнае харчаванне наступных культур па меры раскладання арганічных рэшткаў, не вымываецца з глебы; таксама яны пакідаюць у глебе і ў падворыўных пластах вялікую колькасць арганічнага рэчыва, спрыяюць павышэнню ўтрымання перагною. Канюшына аднагадовага карыстання можа пакідаць у глебе да 50-60 ц/га раслінных рэшткаў у выглядзе сухога рэчыва. Акрамя таго шматгадовыя травы чысцяць палеткі ад пустазелля, шкоднікаў і хвароб.
«У гэтым годзе ў раёне трэба пасеяць 3290 га траў на раллі і 4840 га перазалужыць, — расказала Наталля Ведзень. — Праведзеная нядаўна інвентарызацыя лугавых угоддзяў і шматгадовых траў паказала, што ідзе тэндэнцыя да павелічэння плошчаў шматгадовых траў на раллі і змяншэння ўгоддзяў, якія выкарыстоўваюцца пяць і больш гадоў. У мінулым годзе падсеяна і перазалужана 7000 га, на гэты год запланавана больш чым на 8000 га».
Па разліках спецыялістаў, для таго, каб жывёла атрымлівала неабходную колькасць бялку, трэба, каб прыходзілася 0,4 га люцэрны на адну карову. У 2020 годзе пры такіх тэмпах раён павінен выйсці на гэты паказчык. Ён ужо дасягнуты ў ААТ «Семежава», «Старыца-Агра», ЗАТ «Жыліхава».
Аграрыі раёна ўшчыльную падышлі да адводу і закладкі ўласных насеннікаў. Калі ў 2016 годзе было атрымана толькі 76 т насення шматгадовых траў, у 2017 — 106, 2018 — 154, то ў 2019 маецца 188 т. Такім чынам, ёсць чым сеяць і перазалужаць.
Вельмі важнай лічаць справу сяўбы шматгадовых траў у сельгасфіліяле «Руднае». Тут нядаўна для гэтых мэт набыта спецыяльная сеялка СПУ-6 з анкернымі сашнікамі. Як расказаў галоўны аграном сельгаспрадпрыемства Віталь Купрыянчык, агрэгат за адзін праход выконвае дзве тэхналагічныя аперацыі: падсеў траў і баранаванне яравых культур.
Даверылі новы агрэгат механізатару са стажам амаль у чвэрць стагоддзя Аляксандру Буйкевічу. Аляксандр Леанідавіч на сваім МТЗ-1221 за дзень апрацоўвае каля 30-40 га.
Праз некалькі дзён у гаспадарцы пачнуць сеяць люцэрну, запланавана звыш 100 га.
Сяргей КОЗЕЛ 
■ Віталь Ракевіч з удзельнікамі семінара падчас наведвання МТФ «Камень»[/caption]
Семінар прайшоў пад кіраўніцтвам першага намесніка старшыні райвыканкама – начальніка ўпраўлення райсельгасхарчу Віталя Ракевіча з удзелам кіраўнікоў і галоўных зоаветспецыялістаў раёна. Былі наведаны дзве малочнатаварныя фермы гаспадаркі — «Камень» і «Асавец». Дырэктар сельгаспрадпрыемства Віталь Платун расказаў пра арганізацыю працэсу па вытворчасці малака і вырошчванне маладняку, падыходы да навядзення парадку на жывёлагадоўчых аб’ектах.
Адметна, што названыя фермы раней уваходзілі ў склад ААТ «Суворава-Агра», якое нейкі час таму было далучана да ААТ «Праснакі». Гэта аб’яднанне станоўча паўплывала на выніковасць працы малочнатаварных ферм. Да прыкладу, калі раней на МТФ «Камень» даілі па 2,5 кг ад каровы, то цяпер — не менш за 11. Як кажуць, каментарыі не патрэбны.
Паколькі тут доўгі час працавалі асобы, што дастаўляліся з ЛПП, гэта вельмі негатыўна адбілася на здароўі кароў. Цяпер, калі на ферму вярнуўся былы калектыў, карціна значна змянілася.
[caption id="attachment_75961" align="aligncenter" width="580"]
■ На МТФ «Асавец»[/caption]
На ферме працуе 34 чалавекі. Жывёлаводы тут выконваюць адразу некалькі функцый: яны начныя вартаўнікі, прыбіральшчыкі, качагары і непасрэдна жывёлаводы. Працаваць даводзіцца суткі праз суткі, але за гэта маюць вельмі добрыя грошы.
Наведзены парадак і з раздзяленнем статка. Напрыклад, запускных кароў перавялі ў асобны кароўнік і падзялілі на перыяды. Там жа ўтрымліваюцца і навацельныя каровы, якія дояцца ў бачкі, што дазволіла значна знізіць працэнт іх выбыцця.
Як расказаў Віталь Віктаравіч, апошнія дні вялікая ўвага надавалася навядзенню парадку на фермах. Лішняя прыфермская тэрыторыя была заарана, выгульныя двары пачышчаны, туды завезена салома, агароджа пафарбавана, заднія двары ачышчаны ад арганікі, дзе трэба — падсыпаны гравіем.
Даволі прывабная карціна адкрылася і на наступным наведаным аб’екце — МТФ «Асавец». Адметна, што на абедзвюх фермах увесь маладняк знаходзіцца ў індывідуальных доміках на вуліцы, і стаяць яны на самым відным месцы, нібы нагадваючы, што кожная карова пачынаецца з цяляці, таму ім патрэбна такая пільная ўвага.
Пленарнае пасяджэнне праходзіла ў малой зале райвыканкама, дзе да прысутных далучыўся старшыня раённага выканаўчага камітэта Анатоль Ліневіч.
У даступнай форме, з выкарыстаннем табліц, што адлюстроўваліся на вялікіх экранах, былі прааналізаваны вынікі работы жывёлаводаў раёна за першыя тры месяцы года. Кіраўнікам і галоўным зоаветспецыялістам гаспадарак, якія дапусцілі нізкія тэмпы работ па тых ці іншых пазіцыях, давялося трымаць адказ. Кіраўнік раёна строга пытаў за кожную недапрацоўку. Вялікая ўвага звярталася на шчыльнасць статкаў у гаспадарках, асабліва на выбыццё цялушак. Галоўным заатэхнікам гаспадарак, дзе гэта было дапушчана, аб’яўлены вымовы.
«Усё пачынаецца з парадку, — канстатаваў Анатоль Канстанцінавіч. — Калі ён будзе на фермах і прыфермскіх тэрыторыях, то ён будзе і ў тэхналогіі».
Маргарыта САКОВІЧ 
