З мэтай заахвочвання працоўных калектываў і перадавікоў вытворчасці за поспехі і дасягненні ў выкананні паказчыкаў сацыяльна-эканамічнага развіцця раёна, павышэння эфектыўнасці вытворчасці, арганізацыі і стымулявання працы, Капыльскі раённы выканаўчы камітэт рашыў (рашэнне № 186 ад 11 лютага 2013 года) прызнаць лепшымі па прафесіі за 2012 год, узнагародзіць Ганаровай граматай раённага выканаўчага камітэта і грашовай прэміяй і занесці на раённую Дошку гонару наступных работнікаў:
АСТРЭЙКУ Віктара Вікенцьевіча — муляра ДУП “ПМК-194” Мінскага абласнога вытворчага праектна-будаўнічага ўнітарнага прадпрыемства “Мінскаблсельбуд”;
ВОЛЧАКА Уладзіміра Васільевіча — механізатара ЗАТ “Жыліхава”;
ГАЛУБОВІЧ Любоў Пятроўну — загадчыцу аддзела культурна-масавай і метадычнай работы раённага Цэнтра культуры, рэжысёра народнага тэатра гульні і гумару “Капыльскія пацехі”;
ГАРДЗЕЙ Людмілу Міхайлаўну — загадчыцу малочнатаварнай фермы “Быстрыца” ААТ “Ціміразеўскі”;
ГУШЧЭНЮ Алену Антонаўну — аператара машыннага даення ААТ “Старыца-Агра”;
ЖДАНОВІЧА Мікалая Фёдаравіча — электраманцёра брыгады цэнтралізаванага рамонту трансфарматарнай падстанцыі і комплекснай трансфарматарнай падстанцыі Слуцкіх электрычных сетак;
КОЎЗУН Таццяну Уладзіміраўну — загадчыцу Камсамольскага фельчарска-акушэрскага пункта;
КІЛЬЧЭЎСКАГА Аляксандра Рыгоравіча — дырэктара ДУП “ПМК-194” Мінскага абласнога вытворчага праектна-будаўнічага ўнітарнага прадпрыемства “Мінскаблсельбуд”;
КОЛАСА Дзмітрыя Аляксандравіча — вадзіцеля ААТ “Аўтапарк № 21”;
КОЗЕЛА Дзмітрыя Аляксандравіча — выхаванца ДУ “Капыльская СДЮШАР”;
ЛАВАЧНІКАВА Дзмітрыя Пятровіча — механізатара ААТ “Капыльскі райаграсэрвіс”;
ЛЕМЕША Валерыя Уладзіміравіча — драбільшчыка філіяла КУП “Мінскаблдарбуд” — “ДРБУ № 124”;
ЛУК’ЯНЧЫКА Мікалая Мікалаевіча — вадзіцеля філіяла “В. Раёўка” ААТ “Крыніца”;
МАКАРЧУКА Аляксандра Рыгоравіча — дырэктара ААТ “Піянер-Агра”;
МЯЛЕШКУ Мікалая Антонавіча — інжынера-сістэматэхніка тэлекамунікацыйных сетак Капыльскага раённага вузла электрасувязі;
МАСТОВІЧ Людмілу Уладзіміраўну — галоўнага тэхнолага ААТ “Капыльскае”;
ПІНЧУК Таццяну Міхайлаўну — прадаўца 6-га разраду магазіна “Прадукты” аг. Цімкавічы Капыль- скага райспажыўтаварыства;
ПЯЦІГОРЦА Алега Аляксандравіча — камбайнера ААТ “Ціміразеўскі”;
РОНЧЫКА Вячаслава Мікалаевіча — слесара-сантэхніка КУП “Капыльская ЖКГ”;
СЯНЧУК Настассю Міхайлаўну — старэйшыну в. Ч. Партызан Капыльскага сельсавета;
СЯРГЕЙ Зою Вікенцьеўну — тэхніка-асемянатара РСУП “Бабоўня”;
СКАРАБАГАТАГА Дзмітрыя Дзмітрыевіча — апаратчыка ўпарвання, згушчэння прадуктаў Капыльскага філіяла ААТ “Слуцкі сыраробны камбінат”;
ЧАРВЯКОЎСКУЮ Аксану Фёдараўну — сацыяльнага работніка аддзялення сацыяльнай дапамогі на даму ДУ “Капыльскі ТЦСАН”;
ЮРЧЭНЮ Таццяну Мікалаеўну — загадчыцу ДУА “Быстрыцкі дзіцячы сад”;
ЮХА Аксану Аляксандраўну — намесніка дырэктара на вучэбна-выхаваўчай рабоце ДУА “Лясноўская СШ”;
ЯРМОЛІКА Генадзя Канстанцінавіча — старшага эксперта экспертна-крыміналістычнай групы Капыльскага РАУС, маёра міліцыі.
У аўторак, 26 лютага, з 10 да 12 гадзін адбудзецца прамая лінія з начальнікам ІБКУП “УКБ-Капыль” Сяргеем Пятровічам Цімашэнкам.
Калі ў вас ёсць пытанні па капітальным будаўніцтве, тэлефануйце ў вызначаны час па нумары 55-8-59.
[/caption]
Сцепанчук і бібліятэкар Ала Міхайлаўна Пяцігорац. Яны дапамогуць выбраць неабходную літаратуру, пазнаёмяць з навінкамі.
Быстрыцкая сельская бібліятэка абслугоўвае пяць населеных пунктаў — гэта Быстрыца, Сухоўчыцы, Заняведамка, Вераб’евічы і п. Навінкі. Паслугамі бібліятэкі карыстаюцца больш за 800 чалавек. Кантынгент розны – ад дзяцей дашкольнага ўзросту да пенсіянераў. Кніжны фонд складае каля 9000 экзэмпляраў. Перыядычныя выданні таксама карыстаюцца вялікім попытам, сярод іх — “Советская Белоруссия”, “Слава працы”, іншыя газеты і часопісы.
— Мяне, як і многіх маіх калег, — гаворыць Ларыса Іванаўна, — трывожыць пытанне аб зніжэнні цікавасці да чытання, асабліва сярод малодшага пакалення. Зразумела, пагар-джаць новымі тэхналогіямі нельга. І тэлебачанне, і камп’ютар пры разумным карыстанні — цудоўныя памагатыя. Але, калі чалавек не бу-дзе чытаць, то шмат чаго згубіць у сваім жыцці. Добрая кніга, акрамя карысці, яшчэ і вялікае задавальненне для душы, і проста недапушчальна пазбаўляць сябе гэтага ў нашым кароткім і хуткаплынным жыцці.
Першапачатковую задачу ў Быстрыцкай сельскай бібліятэцы бачаць у тым, каб прывіць цікавасць да кнігі. Тут першымі ў раёне пачалі працаваць па мэтавай праграме “Разам з кнігай мы расцём”.
Павел ШЭІН
Фота аўтара
Кожны дзень, а бывае і ноччу, Таццяна Уладзіміраўна прымае выклікі ад жыхароў вёсак Пукава, Камсамольская, Пятрылава, Сунаі. Для вяскоўцаў прадастаўляецца поўны аб’ём дапамогі, які ўключае ў сябе назіранне за дзецьмі і пажылымі людзьмі, акушэрскі медагляд. Існуе стацыянар на даму, аптэка. Выклікаў бывае шмат, таму ў сваёй бальнічнай сумцы яна носіць усе неабходныя лекі. Кожную раніцу наведвае мехдвор і праводзіць перадрэйсавы агляд работнікаў філіяла “Лакнея”.
— Зімой да МТП дабіраюся пешшу, калі неадкладны выклік — філіял вылучае транспарт, — расказала Таццяна Уладзіміраўна. — Гаспадарка падарыла нашаму пункту скутар, на якім хутка ў летнюю пару дабіраюся ў любую кропку прызначэння.
Сумесна са Старыцкай бальніцай праводзяцца медмерапрыемствы. Так, нядаўна рабілі прышчэпкі жыхарам бліжэйшых вёсак (усяго 157 чалавек), з якіх 57 на платнай аснове — гэта работнікі філіяла “Лакнея”. Таццяна Коўзун наведвае таксама школы і вядзе гутаркі з дзецьмі, адказвае на пытанні, якія іх цікавяць.
Таццяна Уладзіміраўна крыху расказала і пра сваю сям’ю. Старэйшы сын Аляксей вучыцца на чацвёртым курсе БНТУ, а Уладзімір — у дзясятым класе.
Павел ШЭІН
Фота аўтара
Працоўную дзейнасць Уладзімір Васільевіч пачаў у 1985 годзе пасля вучобы ў Капыльскай сельгастэхніцы, да таго часу за плячыма ўжо была служба ва Узброеных Сілах.
Працаваць стараецца добрасумленна, выконвае ўсё, што даручана. Раней сеяў цукровыя буракі. Дарэчы, гэта праца патрабуе максімальнай увагі: неабходна пастаянна назіраць за тым, каб рады былі роўнымі. А вясной, летам і ў пачатку восені дзякуючы намаганням Уладзіміра Васільевіча палі будзе ўпрыгожваць кукуруза.
Зараз вопытнаму майстру ўжо не так складана працаваць з тэхнікай: дапамагаюць навыкі і веды, набытыя на практыцы. А спачатку цяжкавата было. Добра, што на дапамогу заўсёды гатовы прыйсці таварышы па працы.
Дзіяна ТКАЧЭНКА.
Фота аўтара
