Чаго толькі не было на цэнтральнай плошчы нашага горада ў мінулую суботу!
І дранікі, і каўбаса з бульбы, і цудоўныя мастацкія вырабы з гэтай агародніны, і нават скульптуры… каларадскага жука. Ды не дзіва гэта! Ужо другі год запар Капыль святкуе Бульба-фэст, і, як адзначыў старшыня райвыканкама Анатоль Ліневіч, працягваць традыцыю — падрастаючаму пакаленню.
Падзея і на самай справе адбылася яскравая. Вось гасцей свята вітаюць Бульбіна і Бульбаш (дырэктар Лясноўскага СДК Наталля Валога і самадзейны артыст Антон Шышмароў). Як сапраўдныя гаспадары, яны запрашаюць на сцэну дарагіх гасцей: дэпутата Палаты прадстаўнікоў Нацыянальнага сходу Рэспублікі Беларусь Людмілу Ніжэвіч, старшыню райвыканкама Анатоля Ліневіча, старшыню раённага Савета дэпутатаў Ірыну Кісляк, дырэктара ААТ «Старыца-Агра» Уладзіміра Рудакоўскага.
— Мне асабліва прыемна адзначыць, што ў гэтым годзе фестываль прадстаўлены больш шырока, — сказала Людміла Ніжэвіч. — Таму жадаю ўсім весела адпачыць і ў наступным годзе запрасіць на свята яшчэ больш сваіх сяброў і знаёмых.
Пад гукі музыкі на плошчы з’явіліся роставыя лялькі, якія вырабілі ва ўстановах адукацыі нашага раёна: Старыцкай, Быстрыцкай, Доктаравіцкай СШ, Семежаўскім ВПК д/с-СШ, а над касцюмамі гаспадароў свята Бульбіны і Бульбаша працавала майстар раённага Цэнтра традыцыйнай культуры Бярнарда Лявоненка. Далей шэсце прадоўжыла сельскагаспадарчая тэхніка, якая працуе на палях і дапамагае чалавеку вырошчваць бульбу. Бульбасаджалкі, бульбаўборачныя камбайны і іншыя машыны прадставілі ААТ «Душава», «Старыца-Агра», «Піянер-Агра», КСУП «Доктаравічы».
А колькі навокал было смакаты! Дранікі, бульба, запечаная з салам, розныя бутэрброды — усяго не пералічыш! А прадстаўнікі гаспадарак з задавальненнем частавалі гасцей. Вельмі «смачныя» і гасцінныя былі падворкі ў Семежава і Старыцы.
Тут жа, на плошчы, разгарнуў свае гандлёвыя рады і сельскагаспадарчы кірмаш, дзе можна было набыць садавіну і агародніну па даволі танным кошце. Таксама свае вырабы прадстаўлялі народныя майстры.
Каля самага раённага Цэнтра культуры размясцілася фотагалерэя, дзе Яе Вялікасць Бульба была прадстаўлена ва ўсёй сваёй прыгажосці. Побач — скульптуры яе і таго самага галоўнага ворага каларадскага жука. Мабыць, для таго, каб у наступным годзе ён сышоў з нашых палёў. Але гэта былі не проста выставы, а конкурсы, вынікі якіх падводзіла кампетэнтнае журы пад началам старшыні раённага Савета дэпутатаў Ірыны Кісляк. На сцэне самадзейныя творчыя калектывы раёна выконвалі цудоўныя музычныя кампазіцыі. Ствараць святочны настрой дапамагалі і вядучыя мерапрыемства: супрацоўніца РЦК Людміла Давідоўская і яе калега з раённага Цэнтра традыцыйнай культуры Вячаслаў Курчык.
Нарэшце загучалі фанфары і на сцэну паднялося журы, каб назваць імёны пераможцаў. У конкурсе фотаздымкаў першае месца атрымала рэдакцыя газеты «Слава працы», другое — ААТ «Старыца-Агра», трэцяе — яслі-сад № 3 г. Капыля. У конкурсе пано пераможцам стаў Цэнтр творчасці дзяцей і моладзі Капыльскага раёна, другое месца — у Капыльскага дзяржаўнага каледжа і трэцяе — у філіяла «Лакнея». Сярод скульптур каларадскага жука лепшай была прызнана скульптура, якую вырабілі супрацоўнікі Капыльскага РБУ, другой — райаграсэрвісу, трэцяй — райспажыўтаварыства. ААТ «Праснакі» перамагло ў конкурсе скульптур, вырабленых з бульбы, другім стала ААТ «Піянер-Агра», трэцім — КСУП «Доктаравічы». А вось самыя смачныя дранікі, на думку журы, прыгатавалі супрацоўнікі ААТ «Прагрэс 2010», затым ААТ «Скабін» і «Семежава». Усе пераможцы атрымалі каштоўныя падарункі, якія прадаставілі аддзел ідэалагічнай работы, культуры і па справах моладзі райвыканкама, раённае аб’яднанне прафсаюзаў, раённая арганізацыя прафсаюза работнікаў АПК, Капыльскі ТЦСАН, РКБА і РБУ, РК ГА «БРСМ», ФАЦ, «Капыльскае прадмесце».
Свята завяршылася, але водгукі яшчэ доўга будуць гучаць над Капыльшчынай, каб запрасіць жыхароў раёна і яго гасцей у наступным годзе. Да новых сустрэч, Бульбіна і Бульбаш!
З першых вуснаў:
Ларыса Нікалаева, былая настаўніца:
— Свята мне вельмі падабаецца. На ім я ўжо другі год. Хачу падзякаваць яго арганізатарам за тое, што мы маем цудоўную магчымасць яшчэ раз сустрэцца ў такой святочнай атмасферы.
Іван Чарніковіч, аграгарадок Цімкавічы:
— Усё проста супер! На свята я завітаў выпадкова: прыехаў проста купіць капусты, але з вялікім задавальненнем застаўся. Дзякуй арганізатарам!
Дзіяна ТКАЧЭНКА
Горячие линии с начальником обособленной группы Копыльского района военного комиссариата Несвижского и Копыльского районов проводятся 19 октября, 16 ноября, 21 декабря с 14.00 до 17.00 по телефону 55-5-16. 
В четверг, 18 октября, с 10 до 12 часов прямую линию проведет главный государственный санитарный врач Копыльского района Сергей Геннадьевич БАСОЛЫГО. Свои вопросы можно задать в обозначенное время по номеру 21-8-34. 
Проведенные контрольно-аналитические мероприятия показали, что не все сельхозпредприятия учитывают данные обстоятельства и не спешат наводить соответствующий порядок на животноводческих объектах. Так, на одной из молочнотоварных ферм ОАО «Селевцы» (Молодечненский район) по причине неисправности транспортера навозоудаления животноводческие помещения 13 сентября 2018 г. были занавожены, к ремонту окон, дверей, крыши (растут деревья) не приступали, территория фермы полностью не огорожена. Не организована в обществе должным образом и охрана КРС при круглосуточном содержании на пастбищах. Как результат треть поголовья КРС фермы попросту утеряна (свыше 60 голов). Поиск силами общества не увенчался успехом, привлечены правоохранительные органы.
Подобные факты нарушений природоохранного и ветеринарного законодательства установлены и на сельскохозяйственных участках ООО «Тарасово» Воложинского района. К примеру, на одной из ферм навоз попросту складировался на прилегающей территории, образуя озеро нечистот.
По результатам контрольных мероприятий Молодечненскому и Воложинскому райисполкомам направлены соответствующие предложения по устранению отмеченных нарушений и недостатков, рассматривается вопрос о привлечении вышеуказанных юридических и должностных лиц к административной ответственности.
Контроль за подготовкой объектов животноводства к зимне-стойловому содержанию скота продолжается.
Молодечненский межрайонный комитет государственного контроля 
