Ён прадаўжае хлебаробскую дынастыю Дарашэвічаў: яго бацька працаваў механізатарам, брат займаецца гэтай справай зараз.
Без Віктара Міхайлавіча, можна сказаць, не абыходзіцца ў гаспадарцы ніводзін від работ. Ён рыхтуе глебу, уносіць угнаенні, займаецца пасадкай і доглядам бульбы, летам садзіцца за штурвал збожжаўборачнага камбайна, а вось зімой чысціць дарогі ад снегу і нарыхтоўвае дровы для гаспадаркі. 
Пасля заканчэння інстытута механізацыі сельскай гаспадаркі ён атрымаў накіраванне ў калгас імя Ціміразева, там і застаўся на 19 гадоў. Быў загадчыкам машыннага двара, заўгарам, галоўным інжынерам, намеснікам кіраўніка па механізацыі. Затым у 1999 годзе прапанавалі ўзначаліць калгас «Бальшавік» (цяпер — ЗАТ «Жыліхава»). На гэтай пасадзе (з невялікім перапынкам) ён працуе і сёння.
Падтрымліваюць пачынанні свайго кіраўніка і падначаленыя. Напрыклад, летась гаспадарка па валавой вытворчасці малака выйшла на паказчык 115,2% — гэта другі рэзультат у раёне, атрымала прыбаўку па надоі ад кожнай каровы 459 кг.
Кожны працоўны дзень дырэктара насычаны падзеямі, сустрэчамі, перамовамі, паездкамі… Але Аляксандр Паўлавіч ніколькі не шкадуе, што апынуўся ў гэтым кругавароце: «Я лічу, што маё жыццё ўдалося, і нічога не хачу ў ім мяняць!» 
104 галавы цялят на 100 кароў — леташні паказчык, якому могуць пазайздросціць людзі, дзейнасць якіх звязана з асемяненнем БРЖ.
Сам Юрый — работнік, што называецца, на вагу золата — безадмоўны і надзейны. Яго даўно ўжо не бянтэжыць праца без выхадных дзён, а часта і без адпаведнасці графіку. А як інакш? Трэба — значыць, трэба! Нягледзячы на асаблівасці прафесіі, мяняць ні род занятку, ні месца працы не збіраецца — усё задавальняе. Хаця некалькі гадоў таму пасля прапановы дырэктара сельгаспрадпрыемства асвоіць даволі спецыфічную прафесію проста выйшаў з яго кабінета і зачыніў за сабой дзверы. А потым, падумаўшы і параіўшыся з сям’ёй, згадзіўся — будаўнік па адукацыі стаў асемянатарам, да таго ж, як паказаў час, майстрам сваёй справы. 
Сучасны выхавальнік — гэта і мама, і настаўніца, і нават псіхолаг. Марына Францаўна адпавядае патрабаванням часу. Педагог дэманструе творчы падыход да працы і таму атрымлівае паспяховыя вынікі. Напрыклад, выхаванка Серадзінскай Варвара Кашуба стала фіналістам адкрытага абласнога фестывалю «Я — даследчык» у 2018 годзе. А сама педагог паспяхова ўдзельнічала ў конкурсе «Настаўнік года» ў 2016 годзе.
Уласная скарбонка ўзнагарод пастаянна папаўняецца. Нягледзячы на даволі малады ўзрост, педагог ужо з’яўляецца настаўнікам для маладых выхавальнікаў і карыстаецца аўтарытэтам сярод калег. 
Паважаныя землякі! Дарагія ветэраны!
Прыміце шчырыя віншаванні з Днём абаронцаў Айчыны і Узброеных Сіл Рэспублікі Беларусь!
Самае каштоўнае, што ёсць у нашым жыцці, — гэта мір, спакой і стабільнасць. Менавіта таму гэта свята мае асаблівае значэнне.
У гэты дзень прынята віншаваць не толькі ваенных, ветэранаў, але і ўсіх мужчын, якім ёсць каго і што абараняць: сваю Радзіму, сваю справу, свой дом, сваіх блізкіх, сваё будучае. Хачу павіншаваць і нашых дзяцей, хлопчыкаў, у кожным з якіх ужо закладзена тая стойкасць, тая адданасць і тая сіла духу, якія не толькі робяць з хлопчыка мужчыну, але і ствараюць з яго сапраўднага абаронцу Айчыны.
Шчыра жадаю вам надзейнага тылу, мірнага неба над галавой. Няхай жыццё будзе шчаслівым, здароўе — моцным, энергія — невычэрпнай, а кожны дзень — светлым і радасным.
Людміла НІЖЭВІЧ,
дэпутат Палаты прадстаўнікоў
Нацыянальнага сходу Рэспублікі Беларусь
Дарагія жыхары Капыльшчыны!
Сардэчна віншуем вас з Днём абаронцаў Айчыны і Узброеных Сіл Рэспублікі Беларусь!
Гэта свята стала па-сапраўднаму народным. Яно сімвалізуе пераемнасць патрыятычных традыцый, мужнасць і сілу духу людзей у пагонах, якія стаяць на варце міру і бяспекі Айчыны.
Сёлета, калі адзначаецца 75-годдзе вызвалення Беларусі ад нямецка-фашысцкіх захопнікаў, мы выказваем асаблівыя словы ўдзячнасці ветэранам Вялікай Айчыннай вайны, якія адстаялі свабоду і незалежнасць. Ваш подзвіг назаўсёды застанецца ў памяці нашчадкаў.
Шчыра віншуем ваеннаслужачых, іх родных, блізкіх і ўсіх тых, хто ў розныя гады прайшоў нялёгкую школу армейскай службы, са святам мужных людзей! Жадаем моцнага здароўя, шчасця, дабрабыту, поспехаў і мірнага неба над галавой.
Раённы выканаўчы камітэт
Раённы Савет дэпутатаў 
