Уладзімір Рудакоўскі – ураджэнец вёскі Роспы, што размясцілася на мяжы Капыльскага і Уздзенскага раёнаў. Ён вельмі прывязаны да сваёй малой радзімы. Дарэчы, гэтыя мясціны ўваходзяць у склад узначаленага ім больш за 20 гадоў таму ААТ «Старыца-Агра». Менавіта ў такім маляўнічым кутку ён нарадзіўся і зрабіў першыя крокі ў сельскай гаспадарцы. Выхоўваючыся ў простай сям’і працавітых людзей, Уладзімір з дзяцінства ўвабраў у сябе каштоўнасці, якія сталі асновай далейшага жыцця. Яго бацька, Анатоль Ануфрыевіч, быў ветэранам Вялікай Айчыннай вайны і брыгадзірам мясцовай паляводчай брыгады. Маці, Леаніда Фёдараўна, прысвяціла сваё жыццё навучанню дзяцей у Мрочкаўскай пачатковай школе і была першай настаўніцай Уладзіміра.
Гэтыя сямейныя традыцыі і працоўная этыка сталі асновай пры выбары будучай прафесіі. З юных гадоў Уладзімір адчуваў прыцягненне да сельскай гаспадаркі. Яго родныя землі, якія былі забалочанымі, натхнілі на думку пра тое, як можна палепшыць іх стан. Такое імкненне прывяло да рашэння паступіць на факультэт гідрамеліярацыі Беларускай сельскагаспадарчай акадэміі.
*Больш падрабязна чытайце ў газеце
Комментарии