Працэдура завершана
На тэрыторыі сельсавета працягваюцца маштабныя работы па добраўпарадкаванні.
Канчаткова завершаны працэдуры зносу пяці пустуючых жылых дамоў у аг. Жыліхава і двух будынкаў у Навасёлках.
Без смецця нават зіма цяплей
Перад надыходам зімы спецыялісты ЖКГ правялі мерапрыемствы па паляпшэнні стану тэрыторый.
Так, камунальная служба паспяхова завяршыла ўборку смецця на дзевяці грамадзянскіх могілках Бучацінскага сельсавета, надаўшы ім дагледжаны выгляд і падрыхтаваўшы да будучага зімовага сезона.
Работы на месцах вечнага спакою
На грамадзянскіх могілках населеных пунктаў Смалічы і Даменікова былі ўсталяваны новыя сучасныя вароты і брамкі.
Гэта дае магчымасць значна павысіць зручнасць наведвання, стварыць дадатковы бар’ер для несанкцыянаванага пранікнення старонніх асоб, забяспечыць і захаваць тэрыторыі ў парадку.
Праца на папярэджанне
У сценах Жыліхаўскага сельскага дома культуры прайшло важнае выязное пасяджэнне Савета грамадскага пункта аховы правапарадку. Удзельнікі пася-джэння разгледзелі шэраг ключавых пытанняў, якія тычацца грамадскай бяспекі і прафілактыкі правапарушэнняў. Асаблівая ўвага была ўдзелена асобам, якія мелі судзімасць, грамадзянам, якія сістэматычна злоўжываюць алкагольнымі напоямі, а таксама сем’ям, чые непаўналетнія дзеці знаходзяцца ў сацыяльна небяспечным становішчы.
«У коле сяброў»
Менавіта пад такой назвай прайшла ў Бучацінскім сельскім доме культуры яркая і займальная дыскатэка. Госці вечара пагрузіліся ў атмасферу весялосці і добрых зносін, атрымліваючы асалоду ад любімых музычных кампазіцый і зараджаючыся станоўчымі эмоцыямі.
Комментарии