Жыхары Капыльшчыны расказалі «СП», чаму пойдуць галасаваць і чаго чакаюць ад дэпутатаў новага склікання.
Уладзімір РУДАКОЎСКІ, дырэктар ААТ «Старыца-Агра»:
– Як чалавек адказны, неабыякавы да развіцця гаспадаркі, горада, раёна, дзяржавы ў цэлым, лічу, што ўдзел у выбарах
– гэта мой асабісты абавязак і абавязак кожнага грамадзяніна краіны. Дзякуючы актыўнасці народных выбраннікаў шлях нашай краіны стане больш стабільным, а жыццё
– лепшым. Паколькі пэўны час з'яўляўся дэпутатам Мінскага абласнога Савета дэпутатаў, ведаю, што многае залежыць ад тых, каму выбаршчыкі даверылі права прадстаўляць іх інтарэсы ў органах улады. Упэўнены, на выбарах перамогуць самыя дастойныя, і наш раён, як і ўся краіна, будзе і далей развівацца паспяхова.
Віталь НЕСЦЯРУК, начальнік Капыльскай раённай інспекцыі прыродных рэсурсаў і аховы навакольнага асяроддзя:
– Упэўнены: прагаласаваць павінен кожны грамадзянін Беларусі, які надзелены такім правам. Бо ад усіх нас залежыць, хто стане дэпутатам, а потым гэтыя людзі будуць прадстаўляць нашы інтарэсы і рэалізоўваць неабходныя ініцыятывы як на мясцовым, так і на рэспубліканскім узроўні. Перад тым як аддаць свой голас, я абавязкова вывучу праграму і біяграфію кандыдата. У яго павінна быць актыўная грамадзянская пазіцыя, канкрэтныя праграмныя тэзісы. Спадзяюся, што на выбарах перамогуць найбольш дастойныя кандыдаты, якія сваёй актыўнай дзейнасцю забяспечаць дадатковы стымул для развіцця нашай Беларусі.
Святлана ШЫМАНСКАЯ, ветэран педагагічнай працы:
– Мы, прадстаўнікі старэйшага пакалення, заўсёды робім свой выбар зыходзячы з багатага жыццёвага вопыту, бо добра разумеем: ад гэтага залежыць будучыня нашых дзяцей і ўнукаў. Вельмі важна, каб словы прадстаўнікоў улады не разыходзіліся са справай. Лічу, што асноўная задача дэпутата Палаты прадстаўнікоў Нацыянальнага сходу
– заканатворчасць. Дэпутаты прадстаўляюць інтарэсы народа, таму павінны ставіцца да сваіх абавязкаў добрасумленна.
Вольга РАДКЕВІЧ, загадчыца філіяла Цімкавіцкая сельская бібліятэка:
– Перш за ўсё, галасуючы за народных выбраннікаў, мы спа-дзяёмся на іх канкрэтныя справы. Дэпутаты вырашаюць важныя пытанні. Я пазнаёмілася з праграмамі кандыдатаў у дэпутаты Палаты прадстаўнікоў Нацыянальнага сходу па Капыльскай выбарчай акрузе. Усе яны вельмі дастойныя, закранаюць важныя напрамкі дзяржаўнай палітыкі. У прыватнасці, развіццё вёскі, дапамога сельскай моладзі ў пытаннях жыллёвага будаўніцтва. Спадзяюся, што дэпутаты, якія будуць абраны, ведаюць надзённыя праблемы знутры і, кіруючыся інтарэсамі народа, змогуць вырашыць іх правільна. На прадстаўнікоў улады мы ўскладаем вялікія надзеі.
Дзіяна ТКАЧЭНКА
В субботу, 9 ноября, с 9.00 до 12.00 прямую телефонную линию проведет Ирина Николаевна КИСЛЯК, председатель Копыльского районного Совета депутатов.
Телефон 55-5-66. 
В субботу, 9 ноября, с 9.00 до 12.00 прямую телефонную линию проведет Иван Станиславович МАРКЕВИЧ, заместитель председателя Минского областного исполнительного комитета.
Телефон (8-017) 500-41-60. 
Гонар раёна абараняў народны жаночы вакальны ансамбль «Аліра» раённага цэнтра культуры сумесна з узорнай студыяй эстраднага вакалу «Клио». Капыльскія артысты падрыхтавалі кантрасны музычны нумар «Алілуя кахання» з мюзікла «Юнона і Авось» на словы А. Вазнясенскага, музыка А. Рыбнікава, у сярэдзіну якога была ўключана дынамічная кампазіцыя «Калі Каханне ў Сэрцы Тваім» з кінафільма «Адліга» на словы Канстанціна Меладзэ.
Сваімі ўражаннямі ад фестывалю падзяліліся
непасрэдныя яго ўдзельнікі.
Кіраўнік узорнай студыі эстраднага вакалу «Клио» Таццяна Ермаловіч:
— Вялікую ўдзячнасць хочацца выказаць усёй камандзе, якая працавала над нумарам, Аляксею Траццяку за зняты відэаролік і анонс, які сваім мілагучным голасам агучыла Любоў Дубовік. Словы падзякі адрасую таксама аддзелу ідэалагічнай работы, культуры і па справах моладзі райвыканкама, які дапамог набыць новыя касцюмы для «Аліры». Увогуле нумар атрымаўся прыгожым, дынамічным і светлым. І хоць фартуна не ўсміхнулася нам, спадзяюся, што з ім мы яшчэ не раз выступім, бо ён варты таго, каб паказаць яго на іншых конкурсах.
Кіраўнік народнага жаночага вакальнага ансамбля «Аліра» раённага цэнтра культуры Таццяна Хілько:
— Магу адзначыць добрую магутную апаратуру і вырашэнне арганізацыйных пытанняў конкурсу. Нягледзячы на некаторыя тэхнічныя памылкі гукарэжысёра, сваёй кампазіцыяй мы прадэманстравалі высокі ўзровень выканальніцкага майстэрства.
Дырэктар Лоцвінскага цэнтра аматарскай творчасці Уладзімір Дрожжа:
— Прыемна было стаяць на вялікай сцэне, дзе цябе ў сувязі з прафесійным святам — Днём работнікаў культуры — узнагароджваюць Ганаровай граматай галоўнага ўпраўлення ідэалагічнай работы, культуры і па справах маладзі Мінаблвыканкама. Уразіла творчая атмасфера фестывалю, выступленні лепшых творчых калектываў Мінскай вобласці. Асабліва здзівілі арт-группа «Беларусы» і многагалосы ансамбль «Новы дзень» з Жодзіна.
Таццяна БОХАН 
