Чым бліжэй вясна, тым больш увагі надаецца падрыхтоўцы сельскагаспадарчай тэхнікі да палявых работ. Аграрыі Капыльшчыны гэтым зараз займаюцца найбольш актыўна.
[caption id="attachment_124885" align="alignnone" width="840"]
■ Слесар Уладзіслаў Ліннік і механізатар Сяргей Бялога[/caption]
Як адзначыў галоўны інспектар па наглядзе за тэхнікай упраўлення па сельскай гаспадарцы і харчаванні райвыканкама
Валерый Прахарэня, глебаапрацоўчыя і пасяўныя агрэгаты, трактары неабходна паставіць на лінейку гатоўнасці да 1 сакавіка.
Як будзе падрыхтавана сельскагаспадарчая тэхніка, такім фактычна будзе і ўраджай бягучага года. Гэту простую ісціну добра засвоілі ў ААТ «Прагрэс 2010».
[caption id="attachment_124886" align="alignnone" width="840"]
■ Механізатары Канстанцін Саковіч і Сяргей Харошка[/caption]
Яшчэ з лістапада мінулага года, калі толькі агрэгаты былі пастаўлены на захоўванне, пачалася работа па рамонце. Нягледзячы на немалы машынна-трактарны парк, у сельгаспрадпрыемстве практычна ўся тэхніка падрыхтавана да вясенняй сяўбы. Засталося ўнесці толькі некаторыя апошнія штрыхі.
— Нашы спецыялісты добра ра-зумеюць, што, перш чым выйсці ў поле, неабходна адрамантаваць плугі, дыскатары, культыватары, камбінаваныя глебаапрацоўчыя і пасяўныя агрэгаты, — расказвае галоўны інжынер сельгаспрадпрыемства
Мікалай Кандраценка. — Мы пачыналі з рамонту АКШ. Гатовы выйсці ў поле і 9 энерганасычаных трактароў. Дарэчы, адзін з іх зараз знаходзіцца на рамонце ў Капыльскім райаграсэрвісе, дзе, дарэчы, «пралечваюць» і іншыя прыстасаванні.
У мехмайстэрнях аграгарадка Пацейкі ідуць апошнія прыгатаванні. Механізатары і слесары яшчэ раз пераглядваюць давераную ім тэхніку. Напрыклад,
Павел Тароцька і
Сяргей Севасцьяновіч рыхтавалі да ворыва адваротны плуг.
— Што, хлопцы, хутка ў поле? — пытаемся ў іх.
— Нас гэта ніколькі не палохае, — пачулі ў адказ. — Тэхніка практычна гатовая, а сённяшняе сонечнае, хоць і марознае надвор’е вельмі падбадзёрвае. Засумавалі мы ўжо без поля…
У размову ўключыўся дырэктар гаспадаркі
Валерый Тароцька і сказаў, што цяперашнія ўмовы дазваляюць уносіць тукі на палеткі, таму праз некалькі дзён могуць пачаць падкормку калійнымі ўгнаеннямі.
Аграрыі ААТ «Піянер-Агра» ўпэўнены, што вясенняя пасяўная іх знянацку не застане, і важную сельскагаспадарчую кампанію яны правядуць, як заўсёды, на належным узроўні.
Загадчык рамонтнай майстэрні гаспадаркі
Яўген Здановіч — малады спецыяліст. Яшчэ няма і году, як ён пасля заканчэння ўніверсітэта прыйшоў на працу на сваю малую радзіму. Ён не горш за сваіх вопытных калег разбіраецца ва ўсіх справах і іх яму давяраюць. Ужо падрыхтавалі агрэгаты для апрацоўкі пасеваў «Раса». Плугі, культыватары, АКШ таксама чакаюць свайго часу. Дарэчы, запасныя часткі паступаюць своечасова, па першым патрабаванні.
У сельгаспрадпрыемстве засталося крыху паправіць камбінаваныя сеялкі і некаторую іншую тэхніку. Гэтай работай актыўна займаюцца механізатары
Канстанцін Саковіч,
Сяргей Харошка,
Сяргей Бялога, слесар
Уладзіслаў Ліннік і іншыя.
Сяргей КОЗЕЛ 
Пробашч касцёла святых Пятра і Паўла Андрэй КАЛЯДКА адзначыў, што ўсе абразы, якія прыбылі ў святыню – гэта Марыйныя санктуарыі з ўсёй Беларусі, выкананыя мастачкай Ядвігай Сянько. Абразы Маці Будслаўскай (Апякункі Беларусі), Маці Божай Тракельскай (Каралевы сем’яў), Маці Божай Браслаўскай (Валадаркі азёраў), Маці Божай Гудагайскай (Шкаплернай), Маці Божай Лагішынскай (Каралевы Палесся), Маці Божай Кангрэгацкай (студэнцкай), Маці Божай Берасцейскай (Маці-Выратавальніцы), Маці Божай Жыровіцкай (Маці еднасці), Маці Божай Барунскай (Суцяшальніцы засмучаных), Маці Божай Бялыніцкай (Каралевы Беларусі), Найсвяцейшай Панны Марыі беззаганна зачатай (Маці Цудоўнага медаліка, апякункі Мінска), Маці Божай Юравіцкай (Маці міру і згоды), Маці Божай Гомельскай (успамогі тых, хто ў патрэбе). Кожны дзень у час святой Імшы вернікі: і дарослыя, і дзеці мелі магчымасць падыйсці да кожнага абраза і памаліцца.
Па ініцыятыве ксяндза каноніка пробашча парафіі святых Сымона і Алены г. Мінска Уладзіслава Завальнюка іконы пачалі вандраваць па парафіях нашай краіны. Перэгрынацыя іх распачалася ў 2021 годзе з гродзенскай катэдральнай базылікі св. Францішка Ксавэрыя.
Копіі найбольш вядомых цудадзейных абразоў Маці Божай, якія благаславіў Апостальскі Нунцый арцыбіскуп Антэ Ёзіч, былі правезены ўздоўж межаў Беларусі. Гэта вельмі важная малітоўная акцыя, падчас якой вернікі маліліся аб спакоі ў нашай краіне і ў свеце, аб еднасці нашага народа, за сем’і і моладзь, аб спыненні пандэміі.
Маці Божая сама выбрала беларускую зямлю і зрабіла яе месцам свайго аб’яўлення. Будслаў, Браслаў, Бялынічы, Мінск, Гродна, Брэст, Лагішын, Тракелі, Гудагай, Баруны – у гэтых і многіх іншых кутках Беларусі Найсвяцейшая Панна Марыя пажадала застацца з намі ў сваіх абразах, каб дапамагаць нялёгкаю пілігрымкаю зямнога жыцця, ведучы нас да свайго Сына Езуса Хрыста.
Наталля ДАВЫДЗЕНКА 
