Уведзены ў севазварот
УП «ПІК-Лясное» аказала дапамогу ў разорванні пустуючых участкаў. У выніку ў севазварот паспяхова ўключаны чатыры гектары зямлі ў аг. Лясное, што паспрыяе павелічэнню сельскагаспадарчых магчымасцей.
Памятным месцам – належны выгляд
На працягу верасня нададзена значная ўвага захаванню гістарычнай памяці і добраўпарадкаванню тэрыторый. Супрацоўнікі арганізацый сацыяльнай сферы, сельгаспрадпрыемства і валанцёры прывялі ў належны выгляд 26 воінскіх пахаванняў і 14 памятных месцаў.
Асаблівая ўвага нададзена могілкам у пасёлку Клецішча, дзе знаходзіцца магіла герояў Лаўскага бою. Там праведзена маштабная работа: прыбраны тэрыторыя, старыя галіны, ачышчана плітка, ускладзены кветкі. Шэфства над гэтым помнікам узялі супрацоўнікі Дэпартамента па грамадзянстве і міграцыі МУС Беларусі. Яны наведваюць і даглядаюць памятнае месца два разы ў год.
Комментарии