Асноўны блок пытанняў тычыўся рэалізацыі мерапрыемстваў па падтрымцы парадку на зямлі. Удзельнікі разгледзелі механізмы барацьбы з інвазіўнымі відамі флоры, а таксама шляхі эфектыўнага выкарыстання зямельных участкаў, якія засталіся без уласнікаў.
Канцэртная праграма, падрыхтаваная сіламі артыстаў раённага цэнтра культуры, напрыканцы дзелавога дыялогу спрыяла ўмацаванню добрасуседскіх адносін паміж жыхарамі.
З песнямі па жыцці
Гулевічы адзначылі сваё галоўнае свята – Дзень вёскі. Урачыстая частка пачалася з ушанавання землякоў: сельвыканкам уручыў падарункі шасці актывістам, а ЗАТ «ЖЫЛІХАВА» павіншавала старэйшых кветкамі і парадавала самых маленькіх дзяцей цацкамі. Творчую атмасферу забяспечылі артысты Капыльшчыны. Як толькі сціхлі апошнія апладысменты, старэйшае пакаленне выйшла на танцы пад любімыя мелодыі, а моладзь падзялілася на каманды для гульні ў валейбол.
Жыліхава становіцца чысцей
У аг. Жыліхава працягваюцца планавыя мерапрыемствы па аптымізацыі зямельнага фонду. У бягучым перыядзе знесена шэсць пустуючых і старых будынкаў.
Класы чакаюць вучняў
На мінулым пасяджэнні сельвыканкама разгледжана пытанне падрыхтоўкі ўстаноў адукацыі да новага навучальнага года.
Усяго на тэрыторыі сельсавета знаходзяцца дзве ўстановы агульнай сярэдняй адукацыі: Бучацінская і Жыліхаўская сярэднія школы. Па выніках нядаўняй комплекснай прыёмкі абедзве атрымалі заключэнне аб поўнай гатоўнасці.
Комментарии