Метры новага асфальту
У аг. Пацейкі пашыраецца сетка асфальтавага пакрыцця. Нядаўна ДРБУ № 124 завяршыла работы па асфальтаванні двух вуліц – Май і Лясной. Гэта значна павысіць транспартную даступнасць і камфорт пражывання мясцовых жыхароў.
Землі пад агароджы
Сельвыканкамам праведзена работа па эфектыўным выкарыстанні зямлі. Пераразмеркаваны пустуючыя ўчасткі пад агародніцтва і вядзенне асабістых падсобных гаспадарак. Шэсць новых надзелаў атрыманы грамадзянамі ў аг. Пацейкі і вёсках Траянава і Дарагавіца. Іх плошча перавышае адзін гектар.
Насычаныя дні ў лагеры
На пачатку месяца на базе Пацейкаўскай СШ паспяхова працаваў аздараўленчы лагер. Для дзяцей была арганізавана насычаная праграма: яны прымалі ўдзел у спартыўных забавах, пазнавальных гульнях і творчых конкурсах. Асаблівая ўвага выхавацелямі і арганізатарамі надавалася пытанням бяспекі, правілам паводзін на вадзе і дарозе, а таксама захаванню санітарных норм.
Комментарии