Чысціня і дагледжанасць
Работнікамі Капыльскай ЖКГ выкананы комплекс работ на тэрыторыі могілак у в. Клецішча. Праведзена скошванне травы, высечаны зараснікі кустоў і прыбраны рэшткі дрэў.
Небяспечнай расліне шлях закрыты
Праводзяцца планавыя мерапрыемствы па барацьбе з сумнікам канадскім. Скошванне небяспечнага пустазелля выканана ў вёсках Лугавая, Рымашы, Бабоўня, Цялядавічы, Калінаўка 2 і Заруднае. Апрацавана плошча больш чым пяць гектараў. У рамках прафілактычнай работы выдадзена 15 рэкамендацый гаспадарам прыватных падвор’яў з патрабаваннем ліквідаваць ачаговыя месцы росту сумніку на сваіх участках.
270 літраў штодня
Закуп малака з асабістых падсобных гас-падарак грамадзян працягваецца. Штодзённа лішкі дзяржаве здаюць уладальнікі 11 падвор’яў з шасці населеных пунктаў сельсавета: аг. Пясочнае, вёсак Вялешына 1, Лугавая, Бабоўня, Цялядавічы, Лоцвіны. Сутачны аб’ём збору сыравіны складае 270 літраў.
Комментарии