Урачыстасць адкрылася сімвалічным дзействам: пад музычную кампазіцыю «Спеў дубраў» на сцэну выйшлі дзяўчаты ў вобразе спелых каласоў. Харэаграфічная замалёўка стала паэтычным напамінам пра тое, што хлеб нараджаецца з зярнятка, а кожны колас – гэта лёс і праца. Тэму хлеба прадоўжыў сваім выступленнем Вячаслаў Курчык з аднайменнай песняй.
Святкаваць «Зажынкі» сабраліся кіраўніцтва раёна, сельгаспрадпрыемстваў, сельвыканкамаў, духавенства і галоўныя героі поля – механізатары. На ганаровай пляцоўцы прысутнічалі: старшыня Капыльскага райвыканкама Сяргей Пілішчык, старшыня раённага Савета дэпутатаў Уладзімір Рудакоўскі, першы намеснік старшыні – начальнік упраўлення па сельскай гаспадарцы і харчаванні райвыканкама Віталь Ракевіч. Асаблівы статус мелі гаспадары сёлетніх «Зажынак»: дырэктар ААТ«Капыльскі райаграсэрвіс» Аляксандр Турбан і дырэктар сельгасфіліяла «Руднае» Юрый Крыкала і іншыя.
Слова для прывітання ўсіх удзельнікаў і гасцей было дадзена Сяргею Пілішчыку. У сваім выступленні ён падкрэсліў значнасць уборачнай кампаніі, пажадаў хлебаробам высокай прадукцыйнасці, бяспекі і заклікаў да адзінства ў агульнай справе забеспячэння хлебам краіны. Затым благачынны Капыльскай царкоўнай акругі протаіерэй Сергій Чарны асвяціў збажыну, тэхніку і камбайнераў.
Комментарии