Пасля правядзення работ адказныя службы цалкам расчысцілі ўчасткі, навялі парадак і падрыхтавалі тэрыторыі для далейшага выкарыстання. Праца ў гэтым напрамку будзе прадоўжана.
Клопат пра насельніцтва
У населеных пунктах працягваецца комплексная работа па навядзенні парадку і стварэнні бяспечных умоў на тэрыторыях агульнага карыстання. Уласнікі аб’ектаў рэгулярна ажыццяўляюць скошванне травы.
У вёсках Бадзяжы, Сл.-Кучынка і аг. Старыца выкананы работы па спілоўванні пяці аварыйных дрэў.
Жыллёва-камунальныя службы працягваюць прыводзіць у парадак грамадзянскія могілкі ў Сл.-Кучынцы: вядзецца расчыстка ад сухастойных і аварыйных дрэў, што спрыяе захаванню годнага выгляду месцаў памяці.
Таксама забяспечана абмежаванне доступу і скошванне травы на чатырох аб’ектах нерухомасці, якія не выкарыстоўваюцца, у вёс-ках Сл.-Кучынка і Карзуны.
Развітанне з дзяцінствам
У Старыцкай СШ празвінеў апошні званок – хвалюючая падзея для трох адзінаццацікласнікаў і пяці дзевяцікласнікаў.
Святочную атмасферу падзялілі ганаровыя госці: намеснік старшыні райвыканкама Святлана Маліноўская, галоўны спецыяліст упраўлення па адукацыі і спорце райвыканкама Ірына Крышкевіч, дырэктар ААТ «Старыца-Агра» Уладзімір Патоцкі, дырэктар школы Кацярына Завора, класны кіраўнік 11 класа Вольга Харытончык. У сваіх выступленнях яны пажадалі дзецям упэўнена ісці да сваіх мэт, не баяцца цяжкасцей і заўсёды памятаць школьныя гады як час першых перамог.
Комментарии