Каб не было старых дамоў
На пачатак года на тэрыторыі сельсавета ў 26 з 32 населеных пунктаў налічваецца 186 пустуючых дамоў. Работнікамі сельвыканкама падрыхтаваны дакументы на знос 14. Звесткі пра іх унесены ў адзіны рэестр. На працягу мая два старыя дамы захаваны ў в. Рымашы і два – у в. Бабоўня.
Лішкі – дзяржаве
На асабістых падвор’ях вяскоўцаў утрымліваюцца 24 каровы. Ад 15 з іх (з 11 падвор’яў у сямі населеных пунктах) гаспадары здаюць дзяржаве за дзень каля 250 літраў малака. Збор лішкаў прадукцыі праводзіць УП «ПІК-Лясное».
Новы жыхар
У сельвыканкаме ў маі зарэгістравалі чарговае нараджэнне. Хлопчыка назвалі Ігарам, ён стаў другім дзіцём у сям’і жыхароў в. Бабоўня. Увогуле ў гэтым населеным пункце зараз пражывае звыш 310 чалавек.
Комментарии