Пад увагай – гераічныя месцы
На тэрыторыі сельсавета размешчана 41 памятнае месца, звязанае з падзеямі Вялікай Айчыннай вайны. Работнікі мясцовых арганізацый, школьнікі навялі парадак каля воінскіх пахаванняў, помнікаў ахвярам фашызму, абеліскаў, на некаторых з іх выканалі касметычны рамонт. Спонсарскую дапамогу ў набыцці фарбы аказала УП «ПІК-Лясное».
Дом без пажару
З 16 па 20 красавіка ў населеных пунктах сельсавета прайшло спецыяльнае прафілактычнае мерапрыемства «Дом без пажару». Падчас акцыі ўстаноўлена дзесяць аўтаномных пажарных апавяшчальнікаў у домаўладаннях асацыяльных асоб.
Узялі шэфства над брацкай магілай
Шэфства над брацкай магілай 18 партызан, якія загінулі ў Лаўскім баі, узялі супрацоўнікі Дэпартамента па грамадзянстве і міграцыі Міністэрства ўнутраных спраў Беларусі і яго тэрытарыяльных падраздзяленняў. Яны правялі суботнік па добраўпарадкаванні месца пахавання.
Прафілактычнае пасяджэнне
З удзелам пракурора Капыльскага раёна Віталя Афанасенкі ў Лясноўскім цэнтры культуры і вольнага часу прайшло выязное пасяджэнне савета грамадскага пункта аховы правапарадку. Разгледжаны 14 асоб асацыяльных паводзін, з іх восем не занятых у эканоміцы раёна.
Комментарии