У Мар’інай Горцы падвялі вынікі абласнога спаборніцтва за дасягненне лепшых паказчыкаў у развіцці АПК.
На пухавіцкай зямлі сабраліся лепшыя работнікі сельскагаспадарчай галіны сталічнага рэгіёна, дзякуючы працы якіх з поўнай адказнасцю можна сцвярджаць, што Міншчына – вядучая аграрная вобласць, якая з году ў год пацвярджае сваё лідарства ў аграпрамысловым комплексе краіны.
– Агульны намалот Міншчыны – больш за 2,7 мільёна тон збожжа з рапсам і кукурузай. І гэта чвэрць усяго рэспубліканскага каравая. Устаноўлены гістарычны рэкорд ураджайнасці збожжавых – 50 цэнтнераў з гектара.
Пасля віншавання ўдзельнікаў мерапрыемства з завяршэннем аграрнага сезона 2025 года губернатар адзначыў заслужанымі ўзнагародамі пераможцаў абласнога спаборніцтва за дасягненне найлепшых паказчыкаў у развіцці аграпрамысловага комплексу.
У салідны спіс узнагароджаных трапілі раёны і прадпрыемствы, якія сталі пераможцамі ў розных намінацыях.
Ганаровай граматай Мінскага аблвыканкама адзначана аператар свінагадоўчага комплексу ААТ «Капыльскае» Валянціна Рудская, а падзякай старшыні – вадзіцель пажарнай аварыйна-выратавальнай часці № 2 Капыльскага РАНС Аляксей Крывецкі за дапамогу ва ўборачнай.
Таксама ўзнагарод удастоены і іншыя сельгасвытворцы. У ліку лепшых – дырэктар ААТ «Праснакі» Уладзімір Лазоўскі, вадзіцель ААТ «Піянер-Агра» Уладзімір Барысавец, галоўны ветурач ААТ «Старыца-Агра» Віктар Лемешаў, начальнік МТК УП «ПІК-Лясное» Алена Кунцэвіч, заатэхнік-селекцыянер ААТ «Семежава» Ніна Рудніцкая, аператар машыннага даення СГФ «Руднае» Ала Насевіч, звяно аператараў машыннага даення філіяла «Лакнея» Ірына Хлябко, Таццяна Кавалёнак, Галіна Кіявец, звяно жывёлаводаў ААТ «Піянер-Агра» Сяргей Халюта, Аляксандр Філазафовіч, жывёлавод ААТ «Капыльскае» Сяргей Абцэшка і аператар свінагадоўчага комплексу ААТ «Капыльскае» Святлана Шаравар.
Пераможцаў абласнога спа-борніцтва ўзнагародзіў першы намеснік старшыні Мінаблвыканкама Васіль Сысоеў.
Асобна ўшанаваны прад-стаўнікі МНС, якія бралі ўдзел ва ўборачнай кампаніі 2025 года. Прадпрыемствы перапрацоўчай прамысловасці таксама адзначылі лепшых.
Комментарии