Кукуруза на зерне...
Намалочана 30 748 т кукурузы на зерне. Найлепш гэта культура ўрадзіла ва УП «ПІК-Лясное» (85 ц/га), філіяле «Лакнея» (80 ц/га), ААТ «Праснакі» (79 ц/га). Амаль усе гаспадаркі займаюцца плюшчэннем зерня. Ужо закладзена ў рукавы звыш 9600 т, найбольш – ва УП «ПІК-Лясное» і ААТ «Старыца-Агра» – 2550 і 2340 т адпаведна.
...і сілас
Кукурузнага сіласу назапашана 307 208 т, найбольшая колькасць на рахунку УП «ПІК-Лясное» – 33 717 т. Самыя ўраджайныя палеткі з кармавой культурай у філіялах «Вялікая Раёўка» (366 ц/га) і «Лакнея» (333 ц/га).
Прадукцыя салодкая...
Большасць гаспадарак, якія займаюцца вырошчваннем цукровых буракоў, ужо закончылі іх уборку. Накапана 311 748 т караняплодаў, на перапрацоўчыя прадпрыемствы вывезена 196 215 т. Самай высокай ураджайнасцю вызначаецца ЗАТ «Жыліхава», дзе атрымліваюць звыш 600 ц/га салодкай прадукцыі.
...і малочная
Надой малака ад адной каровы па раёне складае 19,3 кг, што на 400 г больш, чым летась. Самыя высокія надоі – 25,5 кг – фіксуюцца ў ААТ «Капыльскае», а найбольшая прыбаўка – 3 кг 100 г – ва УП «ПІК-Лясное». Валавы надой за апошні дзень склаў звыш 487 т, ці 103,7% да мінулагодняга. Таварнасць знаходзіцца на ўзроўні 90,4%.
Фота Аксаны Міхайлоўскай
Комментарии