Насычаная сустрэча з мінулым стала магчымай дзякуючы гісторыку і калекцыянеру Юрыю Усціновічу, якому і належыць асноўная частка экспанатаў выставы.
Наведвальнікам, у прыватнасці вучням гарадскіх і сельскіх устаноў адукацыі і іх настаўнікам, была прадастаўлена магчымасць на ўласныя вочы ўбачыць рыцарскі паядынак, які да таго ж суправаджаўся адмысловымі мелодыямі ў выкананні музыкі-дудара.
Акрамя гэтага, Юрый расказаў шмат цікавага аб экспанатах выставы, а таксама правёў сапраўдны майстар-клас па старажытных танцах. У завяршэнне сустрэчы школьнікі змаглі паспрабаваць сыграць на дудзе і прымерыць элементы рыцарскай экіпіроўкі.
– Лічу, што мы, сучасныя беларусы, павінны больш ведаць пра нашых слаўных продкаў, – падзяліўся думкамі Юрый. – Што датычыць уласна мяне, то я вельмі люблю гісторыю Беларусі. Разуменне велічы нашай гісторыі і велічы, адмысловасці нашай культуры хочацца прадэманстраваць і маладому пакаленню. Спадзяюся, што хоць хтосьці з прысутных сёння юнакоў і дзяўчат не будзе абыякавым да мінулага.
Комментарии