Штотыдзень (па суботах) аблвыканкамамі, Мінскім гарадскім і раённымі выканкамамі прамыя тэлефонныя лініі праводзяцца з 9 да 12 гадзін.
28 красавіка 2018 года:
Ірына Мікалаеўна КІСЛЯК, старшыня Капыльскага раённага Савета дэпутатаў, па тэлефоне 55-5-66.
У чацвер, 26 красавіка, з 10 да 12 гадзін прамую лінію правядзе першы сакратар раённага камітэта ГА «БРСМ» Таццяна Анатольеўна ДУБОВІК. Свае пытанні можна задаць у пазначаны час па нумары 54-1-25. 
Так, начальнік галоўнага ўпраўлення арганізацыйна-кадравай работы аблвыканкама Уладзімір Піскіжаў сустрэўся з працаўнікамі Капыльскага вопытнага лясгаса. Намеснік начальніка ўпраўлення адукацыі аблвыканкама Таццяна Апраніч наведала гімназію № 1. Начальнік аддзела па рабоце са СМІ галоўнага ўпраўлення ідэалагічнай работы, культуры і па справах моладзі Мінскага аблвыканкама Святлана Кісель правяла сустрэчу з супрацоўнікамі рэдакцыі газеты «Слава працы».
Сяргей КОЗЕЛ 
У Беларусі прапануецца ўвязаць аплату жыллёва-камунальных паслуг з якасцю іх аказання, паведаміў міністр жыллёва-камунальнай гаспадаркі Аляксандр Церахаў.
«Калі тарыфы на жыллёва-камунальныя паслугі выраслі, то, вядома ж, паслуга павінна быць якасна аказана. Ёсць розныя механізмы. У цяперашні час ініцыятыва заключаецца ў тым, каб за няякасную паслугу чалавеку прадастаўляць зніжку, якая павінна быць, вядома, істотнай, каб чалавек меў права на пераразлік за няякасна аказаную паслугу. Такім чынам мы будзем стымуляваць арганізацыі да павышэння эфектыўнасці і аказання якасных жыллёва-камунальных паслуг. Эксперты ўжо выпрацавалі рашэнне, цяпер яно праходзіць стадыю ўзгаднення з зацікаўленымі ведамствамі», — сказаў Аляксандр Церахаў.
Таксама ў планах далейшае зніжэнне сабекошту ЖКП. «Больш за Br260 млн мы сэканомілі ў 2016 годзе, Br110 млн — у 2017-м. Рэзервы, вядома, ёсць. У прыватнасці, у сферы цеплазабеспячэння. Вядома, гэта самая дарагая паслуга не толькі для грамадзян, але і ў цэлым для краіны, — адзначыў міністр. — Любое павышэнне тарыфаў павінна быць цесна ўвязана з даходамі грамадзян, яно знаходзіцца пад кантролем кіраўніка дзяржавы. гэта значыць, казаць аб нейкім рэзкім павышэнні тарыфаў заўчасна».
Дарогі пад кантролем
Колькасць камер фотафіксацыі на дарогах Беларусі плануецца павялічыць удвая, заявіў член наглядальнага савета СЗАТ «Бяспечныя дарогі Беларусі» Дзмітрый Курнасенка.
Дзмітрый Курнасенка сказаў, што вырашэнне пытання знаходзіцца ў некалькіх плоскасцях. Для гэтага неабходны меры арганізацыйнага, юрыдычнага і тэхнічнага характару. «Тыя тэхналогіі, якія намі выкарыстоўваюцца, даюць магчымасць гэта пытанне вырашаць вельмі хутка. Сёння каля 420 устройстваў фіксацыі парушэнняў устаноўлена на аўтамабільных дарогах. Да канца года іх будзе каля 490, — сказаў ён. — Кожны аўтамабіль, у якога ёсць дзяржаўны рэгістрацыйны знак, трапляючы ў зону кантролю, распазнаецца і аказваецца ў адпаведнай базе даных. Таму найбольш складаным будзе спалучэнне баз даных, паколькі цалкам недапушчальна, каб паведамленні пачалі атрымліваць тыя, хто добрасумленна прайшоў тэхагляд і заплаціў пошліну».
Дзмітрый Курнасенка таксама падкрэсліў, што агульная колькасць устройстваў павінна дасягнуць прыкладна 1 тыс., інакш кажучы, неабходны двухкратны рост. Калі моцна ўтрыраваць, гэта будзе адно ўстройства на 90 км дарог. 
Анатоль Ліневіч і Людміла Ніжэвіч саджаюць маладыя дубкі[/caption]
Па папярэдніх даных, удзел у суботніку прынялі звыш 9 тысяч нашых землякоў, зароблена больш чым 12 тысяч рублёў. Грашовыя сродкі будуць падзелены на дзве часткі. Першую накіруюць на аснашчэнне Мінскай гарадской клінічнай бальніцы хуткай медыцынскай дапамогі напярэдадні ІІ Еўрапейскіх гульняў-2019. Другая частка пойдзе на патрэбы рэгіёнаў.
Сквер па вуліцы Цімкавіцкай яшчэ толькі набывае сваё аблічча. І дапамагаюць яму супрацоўнікі Капыльскага раёна газазабеспячэння філіяла «Салігорскгаз» РУП «Мінскаблгаз». Вось «газавікі» акуратна і беражліва высаджваюць яшчэ такія далікатныя дрэўцы і кустарнікі.
Не засталося ўбаку ад добраўпарадкавання і КУП «Мінскаблдарбуд» - «ДРБУ № 124».
Гэтым днём «дарожнікі» старанна наносілі разметку на асфальтавае палатно, прыбіралі тэрыторыю, праводзілі рамонтныя работы па вуліцы Цімкавіцкай у бок аўтамабільнай дарогі Капыль-Леніна-Селішча.
У цэнтры горада, на замацаванай тэрыторыі Алеі Герояў, шчыравалі супрацоўнікі ўпраўлення па працы, занятасці і сацыяльнай абароне райвыканкама. Як падкрэсліў яго начальнік Іван Бабко, калектыў дружна выйшаў на суботнік, некаторыя нават з дзецьмі. Яны зграбалі сухое лісце, траву, праполвалі кветкі.
Работнікі ПМК-11 наводзілі парадак на канале па вуліцы Пралетарскай. Яны высякалі аварыйныя дрэвы, кустоўе, спальвалі іх. Разам з тым прыбіралася смецце.
Вельмі ажыўлена было і ў гарадской зоне адпачынку. Тут актыўна наводзілі парадак прадстаўнікі аддзела адукацыі, спорту і турызму райвыканкама. Больш чым 40 чалавек зграбалі мінулагодняе лісце, зносілі яго, вымяталі дарожкі.
Супрацоўнікі ўпраўлення па рабоце з падаткаплацельшчыкамі па Капыльскім раёне інспекцыі Міністэрства па падатках і зборах Рэспублікі Беларусь па Слуцкім раёне вымяталі і выграбалі маладзёжную пляцоўку для заняткаў варкаўтам, што размясцілася па вуліцы Максіма Горкага.
Прыгожыя хваёвыя дрэўцы падарыў жыхар вёскі Бабоўня Аляксандр Несцеравіч Пашкевіч. А набыць ім сваё месца ў невялікім скверыку насупраць магазіна «Ласточка» дапамаглі супрацоўнікі аддзела жыллёва-камунальнай гаспадаркі райвыканкама і Капыльскай ЖКГ. Плануецца, што даглядаць маладыя туі будуць індывідуальныя прадпрымальнікі, чые гандлёвыя кропкі знаходзяцца побач.
Наводзіўся парадак і каля ўсіх гандлёвых аб’ектаў раёна. Напрыклад, супрацоўнікі адміністрацыі райспажыўтаварыства працавалі каля міні-магазіна «Заазёрны». Нехта вычышчаў і фарбаваў агароджу, нехта выграбаў сухое лісце.
Супрацоўнікі аўтапарка № 21 добраўпарадкоўвалі тэрыторыю поймы ракі Каменкі па вуліцы Дзяржынскага. Яны прыбіралі там смецце, высякалі і спальвалі кустоўе.
Супрацоўнікі бухгалтэрыі ААТ «Піянер-Агра» прыводзілі ў парадак Парк моладзі ў аграгарадку Ванелевічы. В.а. дырэктара гэтага сельгаспрадпрыемства Валерый Казлоўскі адзначыў: усе працуюць старанна і добрасумленна яшчэ і таму, што рыхтуюцца да Дня вёскі, які адзначаць 9 мая.
Тут жа шчыравалі і работнікі Капыльскага ТЦСАН. Дзякуючы ўдзельнікам суботніка, парк набыў яркія фарбы, стаў яшчэ прыгажэйшым, і тут можна з задавальненнем адпачыць у вольны час.
Ні многа ні мала — роўна 400 маладых бярозак высадзілі ў Цімкавічах супрацоўнікі ўсіх устаноў і прадпрыемстваў, якія знаходзяцца на тэрыторыі Цімкавіцкага сельсавета. Старшыня сельвыканкама Алена Острыкава адзначыла, што саджанцы набывалі самі, а дзякуючы стараннай працы ўсіх неабыякавых жыхароў, хутка тут, каля дарогі, зазелянее бярозавы гай.
Фотарэпартаж Дзіяны ТКАЧЭНКІ, Сяргея КОЗЕЛА 
