16.03.2018
Па ініцыятыве Капыльскага райвыканкама раённая структура Беларускага таварыства паляўнічых і рыбаловаў правяла раённыя спаборніцтвы па лоўлі рыбы з лёду на мармышку. У вёску Багушы прыехалі 28 аматараў рыбалкі.
Адкрываючы спаборніцтвы, старшыня раённай арганізацыі РГА «Беларускае таварыства паляўнічых і рыбаловаў» Валерый Долбік прывітаў удзельнікаў і пажадаў паспяховай лоўлі.
Рыба, прызнацца, дужа не бралася (як адзначалі спецыялісты, не самы спрыяльны час выпаў для лоўлі). У дзень правядзення спаборніцтваў нечакана пайшоў снег, і змена надвор’я не лепшым чынам паўплывала на клёў, які напярэдадні так радаваў аматараў рыбалкі. Тым не менш гэта не стала падставай сумаваць і ўпадаць у адчай. Плоткі і акуні ўсё ж такі патрапілі на кручок удзельнікаў спаборніцтваў, і вызначыць пераможцаў, хоць і не па самым багатым улове, можна было.
Перамогу святкаваў Васіль Талкачоў, другі вынік паказаў Аляксандр Пятрыка, трэцім стаў Максім Салагуб. Была прысуджана і перамога ў намінацыі «Самы вопытны рыбак». Гэты тытул дастаўся Мікалаю Шкадарэвічу. Як прызнаўся Мікалай Пятровіч, любімым заняткам ён займаецца недзе з 60-х гадоў мінулага стагоддзя. Успомніў і пра тое, як запускаліся капыльскія азёры.
— Вось тады сапраўды ў іх рыбы было, — з захапленнем падкрэсліў Мікалай Пятровіч. — А рыбакоў колькі на берагах было! І ўсе з рыбай! Памятаю, як і з чоўна лавілі. А потым зрабіўся замор… У сярэдзіне 70-х любімым месцам стала Чырвонаслабодскае вадасховішча, што ў Смалічах. Былі ўловы і па 15, і па 20 кілаграмаў. Падабалася ездзіць таксама ў Душава, Доктаравічы. Цяпер жа пераважна бываю на капыльскай сажалцы, што знаходзіцца побач з домам. Вельмі хвалюе тое, што зараз з’явіліся сеткі, якія расстаўляюцца на многіх вадаёмах. Яны наносяць вялікую шкоду…
Самым маладым рыбаловам стаў Максім Салагуб, якому ў наступным месяцы споўніцца 20 гадоў.
— Рыбалка — маё хобі, — адзначае Максім. — Любімым заняткам займаюся з дзяцінства. Лічу, што лепш правесці вольны час з карысцю на прыро-дзе, чым займацца якімі-небудзь непатрэбнымі справамі. Таму, калі з’яўляецца вольная хвіліна, заўсёды спяшаюся да вады. Прычым як улетку, так і ўзімку.
Ну і вядома ж, нельга пакінуць без увагі «асаблівасць» спаборніцтваў. А ёю стала Наталля Гарбацэвіч, якой прысуджаны тытул «Рыбачка» (дарэчы, націск у гэтым слове можна паставіць дваяка). Не баючыся ні мокрага снегу, ні холаду, яна нароўні з мужчынамі вытрымала выпрабаванне.
Дарэчы, усе пераможцы былі ўзнагароджаны дыпломамі і падарункамі, якія вельмі спатрэбяцца для любімага занятку. На гэтым спаборніцтвы не закончыліся. Усіх удзельнікаў чакаў гарачы абед з рыбнай юшкай. Усё гэта падмацоўвалася бясконцымі размовамі пра тое, дзе, калі і на што клюе і ў каго самыя важкія і незабыўныя трафеі.
Сяргей КОЗЕЛ
С начала текущего года с участием несовершеннолетних на территории Минской области зарегистрировано 16 ДТП (Копыльский район — 0), в которых 3 ребенка погибли, 16 — получили травмы. Причем все погибшие дети являлись пассажирами транспортных средств.
На сегодня можно утверждать, что родители стали более ответственными в вопросах безопасной перевозки несовершеннолетних пассажиров, однако имеют место факты нарушений перевозки детей в транспорте. За 2 месяца т.г. на территории Минщины привлечено к административной ответственности 1510 (32 на территории Копыльского района) водителей, не выполняющих требования п.178 ПДД (перевозка детей).
Стоит напоминать, что за нарушение правил перевозки детей в соответствии с ч.5 ст.18.14 КоАП Республики Беларусь в отношении водителя налагается административное взыскание в виде предупреждения или штрафа в размере до 4 базовых величин.
Артем ЛАЗОВСКИЙ,
врид старшего инспектора ДПС ОГАИ Копыльского РОВД,
лейтенант милиции 
Прямая телефонная линия с военным комиссаром Несвижского и Копыльского районов Андреем Викторовичем МОРОЗОВЫМ состоится 28 марта 2018 года с 9.00 до 12.00 по телефону (8-01770) 5-12-84. 
Спецыяльная камісія заслухоўвае інфармацыю кіраўнікоў і галоўных спецыялістаў па развіцці гаспадарак на наступны год: што маецца, а што неабходна зрабіць, каб працаваць з рэнтабельнасцю і прыбыткам. Вядома ж, не абыходзіцца без разгляду пытання гатоўнасці да вясенніх палявых работ.
Сяргей КОЗЕЛ 
