Для рэдакцыі раённай газеты «Слава працы» стала добрай традыцыяй прымаць удзел у правядзенні разнастайных цікавых мерапрыемстваў. Не выключэнне і гэты год.
Так, 6 мая супрацоўнікі раёнкі прэзентавалі сваё выданне на XXI Міжнароднай спецыялізаванай выставе «СМI ў Беларусі», якая праходзіла ў Мінску ў выставачным павільёне на праспекце Пераможцаў, 14.
Сёлета дэвіз выставы гучаў наступным чынам: «Нам давяраюць!». І гэта на самай справе так: журналісты беларускіх выданняў, у тым ліку і нашай раёнкі, не толькі пільна сочаць за падзеямі, але і імкнуцца якасна і своечасова праінфармаваць пра іх сваіх чытачоў.
[caption id="attachment_57224" align="aligncenter" width="580"]
Марыя Шэіна абмяркоўвае газету з Анатолем Шычко[/caption]
А каб вы мелі ўяўленне пра маштаб названага форуму, адзначым, што сярод яго ўдзельнікаў — рэспубліканскія і рэгіянальныя СМІ, госці з Расіі, Украіны, Азербайджана, Балгарыі, Літвы, Латвіі, Германіі, Турцыі, Грузіі. Спецыяльны госць XXI Міжнароднай спецыялізаванай выставы «СМI ў Беларусі» — сродкі масавай інфармацыі Кітайскай Народнай Рэспублікі. А сама выстава дазволіла прадэманстраваць гісторыю развіцця СМІ ў Беларусі на прыкладах найстарэйшых беларускіх выданняў, прадставіць новыя камунікацыйныя тэхналогіі, шляхі распаўсюджвання рознапланавай, якаснай, аператыўнай інфармацыі ўсімі даступнымі каналамі камунікацыі.
[caption id="attachment_57225" align="aligncenter" width="580"]
Дзяўчынкі з захапленнем слухалі Валянціну Шуракову[/caption]
Не памылюся, калі адзначу, што супрацоўнікі рэдакцыі робяць усё дзеля таго, каб назва роднай «Слава працы» яскрава гучала і прываблівала да сябе наведвальнікаў выставы. На працягу некалькіх гадоў мы запрашаем розных цікавых гасцей, якія дапамагаюць адлюстроўваць рознапланавасць публікацый, змешчаных у газеце. 2016 год, як вядома, быў Годам культуры, таму на старонках нашага выдання шмат увагі надавалася развіццю адзначанай тэмы. І зусім не выпадкова, што прэзентаваць наша выданне дапамагала дырэктар Капыльскага раённага краязнаўчага музея Валянціна Шуракова, якая прадставіла сумесны праект «Страчаная спадчына. Вандроўкі па Капыльшчыне». Трэба дадаць, што ў ім шмат публікацый было прысвечана 170-годдзю з дня нараджэння знакамітага палітычнага і гаспадарчага дзеяча Эдварда Вайніловіча, якое мы адсвяткуем сёлета.
— Па-першае, дазвольце павіншаваць родную раёнку з Днём друку і знакавай узнагародай — Дыпломам лаўрэата рэспубліканскага конкурсу сярод СМІ «Залатая Літара», — звярнулася да наведвальнікаў выставы Валянціна Шуракова. — А ці ведаеце вы, паважаныя сябры, што звязвае Капыльшчыну і вядомы Чырвоны касцёл? Не? Тады вам будзе цікава даведацца, што пабудаваў яго Эдвард Вайніловіч у гонар сваіх дзяцей Алены і Сымона, якія, на жаль, памерлі вельмі рана. Для гэтага яму прыйшлося прадаць частку сваіх земляў, што знаходзіліся на Капыльшчыне. Сам жа радавы маёнтак Вайніловічаў стаяў у вёсцы Савічы, якая і зараз уваходзіць у склад Капыльскага раёна. Дарэчы, у гэтым годзе мы адзначым юбілей гэтага вядомага чалавека. Таму разам з журналістамі раёнкі прымаем актыўны ўдзел у беатыфікацыйным працэсе Эдварда Вайніловіча. А яшчэ імкнёмся расказаць чытачам пра тое, якім цікавым месцам з’яўляецца наша малая радзіма.
[caption id="attachment_57223" align="aligncenter" width="400"]
Калегі з цікавасцю разглядвалі «СП»[/caption]
Пра тое, што гістарычная тэма цікавая не толькі для прадстаўнікоў старэйшага пакалення, але і моладзі, сведчыць вось такі факт. Каб даведацца пра жыццё і дзейнасць Эдварда Вайніловіча, каля стэнда «Слава працы» спыніліся навучэнкі адной з мінскіх устаноў адукацыі.
— Цікава вам? — запыталася я ў адной з дзяўчынак пасля заканчэння прэзентацыі.
— Вельмі! Мы нават і не ведалі, якая трагедыя стала падставай для будаўніцтва Чырвонага касцёла, — падзяліліся ўражаннямі дзяўчынкі.
На памяць аб знаёмстве з раённай газетай «Слава працы» ўсе тыя, хто спыніўся каля стэнда, атрымалі сувеніры: календары, блакноты, рэкламныя праспекты.
Нашым госцем стаў і дырэктар РУП «Дом прэсы» Анатоль Шычко. Ён з цікавасцю праглядзеў нумары газеты, а галоўны рэдактар «Слава працы» Марыя Шэіна расказала пра асаблівасці выдання.
— Так, бачу, што газета цікавая, — адзначыў Анатоль Уладзіміравіч, — шмат увагі надаецца і грамадска-палітычнай тэматыцы, і гісторыка-культурнай. «Слава працы» я ведаю даўно, таму з упэўненасцю магу сказаць, што супрацоўнікі выдання не стаяць на месцы, а пастаянна ствараюць нешта адметнае, рэалізуюць новыя праекты. Таму хочацца пажадаць і надалей заставацца цікавымі для чытачоў.
Аднак не толькі прафесійныя журналісты з Капыльшчыны сталі ўдзельнікамі выставы. Нашы юныя калегі з СШ № 3 г. Капыля таксама атрымалі запрашэнне на форум. Так, газета «Школьный экспресс» названай установы адукацыі была ўзнагароджана Дыпломам ІІІ ступені па выніках фестывалю школьнай прэсы «Пунсовыя ветразі», а юнкор Кацярына Уласавец разам з настаўніцай рускай мовы і літаратуры Таццянай Нядзелькай удзельнічалі ў пасяджэнні круглага стала, які праводзілі выданні «Настаўніцкая газета» і «Переходный возраст». Сваімі ўражаннямі аб выставе юныя карэспандэнты падзеляцца ў адным з бліжэйшых нумароў раёнкі.
Дзіяна ТКАЧЭНКА
Фота аўтара і Марыі ШЭІНАЙ
► Хозяйства Копыльщины продолжают сев кукурузы. Из планируемых 17 000 гектаров культура уже посеяна на 6744 гектарах, или на 40% площадей. Лучше всего с поставленными задачами справляются в ОАО «Пионер-Агро», ОАО «Скабин», ЗАО «Жилихово», ОАО «Семежево». За день хозяйства засевают около 500 га. Для возделывания кукурузы на зерно в сельхозпредприятиях района отведено 2113 га, из которых засеяно уже 75,1%.
► К финишу подходит посадка картофеля. Из планируемых 580 га второй хлеб посажен на 535 га, что составляет 92,2%. Уже окончили посадку картофеля в ОАО «Старица-Агро», ОАО «Семежево» и КСУП «Докторовичи», практически завершают в ОАО «Скабин», ОАО «Мажа-Агро» и ОАО «Душево».
► Активно ведется заготовка, вывозка и внесение органических удобрений под яровой сев. Уже заготовлено 931 946 тонн, что составило 138% к плану. Внесено 655 203 тонны, в том числе 126 343 тонны под сахарную свеклу, 18 200 тонн — под картофель и 93 225 тонн — под кукурузу. Всего на полях сельхозпредприятий заложено 207 буртов органических удобрений, ежедневно заготовкой, вывозкой и внесением занято около 30 единиц техники.
► Когда позволяет погода, хозяйства района ведут вторую подкормку азотными удобрениями озимых зерновых. По плану эти работы должны быть проведены на площади 23 377 га, пока что подкормка выполнена на 61% необходимых площадей.
Кристина ЖОГОЛЬ 
Адпаведны дыплом разам са шчырымі віншаваннямі і самымі лепшымі пажаданнямі быў уручаны галоўнаму рэдактару Марыі Шэінай падчас цырымоніі, якая адбылася 5 мая ў рамках ХХІ Міжнароднай спецыялізаванай выставы «СМІ ў Беларусі». 
Сердечно поздравляем вас со светлым, теплым праздником —Днем семьи.
Укрепление семейных уз, оздоровление отношений внутри главной ячейки общества стало одной из самых актуальных задач современности. От того, как мы с ней справимся, зависит вся наша жизнь. Никто и ничто не может дать родившемуся на свет человеку столько начальных навыков и знаний, мудрых наставлений, столько радости и любви, сколько дарят ему заботливые мать и отец, дедушка и бабушка, родные братья и сестры.
Дорогие взрослые и дети! Цените, оберегайте, украшайте и облагораживайте свой семейный очаг. Желаем вам мира, благополучия и счастья!
Районный исполнительный комитет
Районный Совет депутатов 
Святочны ўзрушаны настрой не змагло сапсаваць нават халоднае надвор’е. Прыгожа апранутыя людзі з кветкамі, флажкамі, надзіманымі шарамі сабраліся на цэнтральнай плошчы Капыля. Адусюль чуліся шчырыя словы віншавання са святам. Прадстаўнікі працоўных калектываў, жыхары і госці горада з нецярпеннем чакалі галоўных віноўнікаў урачыстасці — ветэранаў. З іх з’яўленнем на плошчы неяк адразу пацішала…
Традыцыйна ў Дзень Перамогі ўзгадваюць і пра яшчэ адно вельмі значнае для нашай краіны свята — Дзень Дзяржаўнага герба і Дзяржаўнага флага Рэспублікі Беларусь. Да прысутных звярнулася старшыня раённага Савета дэпутатаў Ірына Кісляк. Напомніўшы асноўныя вехі з’яўлення дзяржаўнай сімволікі, Ірына Мікалаеўна шчыра павіншавала ўсіх са святам, якое мы будзем адзначаць у бліжэйшую нядзелю. Пачэснае права падняць Дзяржаўны флаг Рэспублікі Беларусь атрымалі Валянціна Шуракова, дырэктар Капыльскага раённага краязнаўчага музея, і Руслан Гарнастай, навучэнец аддзялення «лыжныя гонкі» УА «Плешчаніцкая дзяржаўная абласная сярэдняя школа-вучылішча алімпійскага рэзерву». Словы любові да сваёй Радзімы выказалі маленькія выхаванцы дзіцячага ясляў-сада № 1 г. Капыля і ўжо добра вядомая сваімі яскравымі выступленнямі юная спявачка Настасся Карповіч. На заканчэнне мітынгу перад удзельнікамі ўрачыстасці роўнымі радамі прайшлі воіны 30-й асобнай чыгуначнай брыгады, супрацоўнікі Капыльскага РАНС, юныя інспектары дарожнага руху, юныя пажарныя-выратавальнікі. А над горадам луналі дэльтапланы, якія высока ў неба ўзнялі Дзяржаўны флаг Рэспублікі Беларусь і флаг горада Капыля.
Моманты святкавання Дня Вялікай Перамогі:
Урачыстасці прадоўжыліся ля помніка воінам-вызваліцелям Капыля, куды накіравалася святочная працэсія. У першых радах — навучэнцы гарадскіх школ з партрэтамі ўдзельнікаў Вялікай Айчыннай вайны. На мітынгу са словамі віншавання з Вялікай Перамогай да прысутных звярнуліся старшыня раённага выканаўчага камітэта Анатоль Ліневіч, малалетні вязень Яўген Сівец, начальнік адасобленай групы (Капыльскага раёна) ваеннага камісарыята Нясвіжскага і Капыльскага раёнаў Сяргей Маргалік. Цудоўнай літаратурна-музычнай кампазіцыяй парадавалі навучэнцы школ горада.
Пасля святочнага салюта, ускладання вянкоў і кветак да помніка вызваліцелям горада свята перамясцілася ў зону адпачынку і на фізкультурна-аздараўленчы комплекс. Гараджан і гасцей Капыля чакалі цікавы канцэрт «Жывём і памятаем той Пераможны май», на алеях размясціліся Горад майстроў, тэматычныя і забаўляльныя пляцоўкі, гандлёвыя павільёны. З захапленнем хлопчыкі і дзяўчынкі ўдзельнічалі ў гульнях і конкурсах, якія ім прапанавалі падчас дзіцячай дыскатэкі лялечныя героі-аніматары Клоўн і Міньён. Дарэчы, дапамаглі арганізаваць гэтую забаву супрацоўнікі магазіна святочных аксесуараў, што нядаўна адкрыўся ў Капылі.
Многа чаго цікавага было падрыхтавана для капылян і ў вячэрні час. Самыя лепшыя ўражанні пакінула тэматычнае лазернае шоу, сваю долю апладысментаў атрымалі ўдзельнікі эстраднага канцэрта. А ў 23 гадзіны неба над Капылём расквеціў рознакаляровы феерверк.
Маргарыта САКОВІЧ
Фота Сяргея ЛАЗОЎСКАГА 
