Еженедельно (по субботам) облисполкомами, Минским городским и районными исполкомами прямые телефонные линии проводятся с 9 до 12 часов.
20 апреля 2019 г.:
Иван Станиславович МАРКЕВИЧ, заместитель председателя Минского областного исполнительного комитета. Тел. (8-017) 500-41-60. 
Ля ўстановы культуры з’явілася імянная бярозавая алея. Адкрываючы мерапрыемства, старшыня Бабаўнянскага сельвыканкама Ірына Запольская адзначыла, што бярозкі выбраны невыпадкова, бо яны сімвалізуюць прыгажосць, пяшчоту. А дадзеная акцыя пакіне добры след у яе ўдзельнікаў, асабліва маладога пакалення. Дарэчы, Ірына Аляксандраўна была ўдастоена гонару першай пасадзіць імянное дрэўца.
Свой уклад у стварэнне алеі таксама ўнеслі начальнік аддзела ідэалагічнай работы, культуры і па справах моладзі райвыканкама Ларыса Юха, старшыня мясцовай пярвічнай ветэранскай арганізацыі Ванда Жылко.
Зашумяць у будучым дрэвы, якія пасадзілі маладая мама Лізавета Савіч са сваімі дзеткамі, сям’я пераможцаў «Уладара вёскі» Святланы і Валерыя Лазарэвічаў, сям’я Наталлі і Уладзіміра Клочкаў, якія ўжо крочаць па жыцці разам дваццаць гадоў, сям’я Настассі і Андрэя Старавойтавых (на здымку), якія спецыяльна прыехалі з Мінска на малую радзіму, каб прыняць удзел у акцыі.
Вядома ж, было дадзена права ўнесці свой уклад і гаспадарам свята — дырэктару Цэнтра аматарскай творчасці Уладзіміру Дрожжу з унукамі і «Лоцвінскім удалухам» — Галіне Дрожжы і Валянціне Шыманскай.
Свае дрэўцы таксама пасадзілі піянеры і члены БРСМ з Лясноўскай СШ.
Удзельнікі свята не толькі садзілі бярозкі, але спявалі і слухалі песні, танцавалі. Была арганізавана насычаная культурна-забаўляльная праграма.
Адна з удзельнікаў акцыі Святлана Лазарэвіч адзначыла, што такія мерапрыемствы вельмі неабходны, яны выхоўваюць любоў да роднай зямлі, служаць прыкладам для падрастаючага пакалення. Даглядаць сваё імянное дрэва яны будуць усёй сям’ёй, абавязкова прымацуюць таблічку.
Сяргей КОЗЕЛ 
Бабаўнянскі сельвыканкам і цяпер арганізоўвае суботнікі па доглядзе парку, у якіх прымаюць удзел мясцовыя жыхары, прадстаўнікі арганізацый, размешчаных на тэрыторыі сельсавета. У прыватнасці, 13 красавіка настаяцель храма айцец Генадзь разам з прыхаджанамі і работнікамі сельвыканкама падсаджвалі новыя дрэўцы.
Сяргей КОЗЕЛ 
■ Галоўны спецыяліст раённай арганізацыі РГА «Белая Русь» Зоя Дайняк і першы сакратар Капыльскага РК ГА «БРСМ» Настасся Козел (у цэнтры) з актывістамі грамадскіх аб'яднанняў [/caption]
І саджалі яны торбах пухнаты, які ў нас больш вядомы як воцатнае дрэва. Выбар, зроблены на карысць яго, невыпадковы, бо галоўная асаблівасць — высокая дэкаратыўнасць з ранняй вясны і да лістападу, якая змяняецца на зімовыя ўпрыгажэнні — плады.
— Нам вельмі падабаецца саджаць дрэвы, таму мы з задавальненнем прынялі ўдзел у акцыі, — паведаміла капылянка Наталля Шатыка, якая прыйшла з сынам Елісеем. — У нас ёсць сямейная традыцыя: на дачы пры нараджэнні нашых дзяцей мы з мужам саджаем дрэвы. І як прыемна сёння любавацца шаснаццацігадовай светлай прыгажуняй лясоў — бярозай — і магутным васьмігадовым дубам, пасаджанымі ў гонар дачкі Ульяны і сына Елісея.
Удзел у акцыі прынялі і навучэнцы 9 «Б» класа СШ № 3 г. Капыля. Паводле слоў першага сакратара Капыльскага РК ГА «БРСМ» Настассі Козел, такія акцыі не толькі выхоўваюць у падрастаючага пакалення пачуццё адказнасці, але і павышаюць экалагічную культуру.
— Я стараюся рэгулярна ўдзельнічаць у акцыях па добраўпарадкаванні і азеляненні нашага горада, — дзеліцца дзевяцікласніца Ксенія Кандратовіч. — Мне падабаецца саджаць розныя расліны і перасаджваць пакаёвыя кветкі. Спадзяюся, што наша праца не пройдзе дарэмна і высаджаны намі торбах у хуткім часе парадуе капылян сваёй экзатычнай прыгажосцю.
Таццяна БОХАН 
Пасадзіць дрэўцы запрасілі маладыя сем'і — Памяцько, Станкевічаў, Пархамовічаў, Тарасевічаў і Зарамбоўскіх. І, па словах непасрэдных удзельнікаў, яны ўнеслі свой уклад у азеляненне і добраўпарадкаванне тэрыторыі роднага горада: пасадзілі вечназялёную іглічную расліну — тую, якая азначае «дрэва жыцця».
Сям'я Памяцько прыняла ўдзел у акцыі ў поўным складзе.
— Вядома, што чалавеку неабходна пабудаваць дом, нарадзіць сына і пасадзіць дрэва, — адзначыла Святлана Памяцько. — У нашым жа выпадку кватэра ёсць, выхоўваем дваіх сыноў, цяпер закладваем алею сямейных дрэў. Гэта месца, куды мы зможам потым прыходзіць усе разам. І наш старэйшы сынуля Давід таксама будзе ганарыцца, што ў сваім маленькім узросце дапамагаў тату і маме пасадзіць гэтае дрэва.
Маладая сямейная пара Дзмітрыя і Станіславы Пархамовічаў з ЗАТ «Жыліхава», якая звязала сябе вузамі шлюбу ў студзені бягучага года, ганарыцца, што менавіта ім выпала магчымасць закласці алею сямейных дрэў.
— Кожны з нас змог пасадзіць сваё дрэва шчасця, — дзеліцца галава сямейства Дзмітрый. — Гэта не першае зялёнае насаджэнне, якое давялося высаджваць. Аднак асабліва сімвалічна адчуць сваё дачыненне да стварэння такога знакавага месца, якое закладваецца ў падтрымку сямейных каштоўнасцей. І гэта правільна, бо сям'я — самае галоўнае, што ў нас ёсць. І пакуль дзетак у нас няма, усё яшчэ наперадзе (смяецца — Аўт.), але гэтыя дрэўцы парадуюць не адно пакаленне дзяцей, а сама алея стане яшчэ адным упрыгажэннем горада.
Пад кожным маладым дрэўцам размешчана таблічка, дзе напісана прозвішча сям'і, якая яго пасадзіла. Удзельнікам на памяць начальнік аддзела ЗАГС Вікторыя Траяновіч уручыла сертыфікат (на здымку) аб гэтай падзеі, згодна з якім яны абавязваюцца даглядаць сваё дрэва і адзначаць з ім усе свае святы. А агульнае фота на памяць занатавала добрую справу маладых сем'яў праз магчымасць зрабіць горад яшчэ больш прыгожым.
Таццяна БОХАН 
