16 кастрычніка ў Казахстане кіраўнікі дзяржаў СНД і ЕАЭС абмяркоўвалі актуальныя пытанні развіцця гэтых арганізацый. Удзел у абодвух самітах браў Прэзідэнт Беларусі Аляксандр Лукашэнка.
На пасяджэнні Савета кіраўнікоў дзяржаў–удзельніц Садружнасці Незалежных Дзяржаў беларускі лідар заклікаў: «У СНД трэба брацца за абмеркаванне сур’ёзных праблем на постсавецкай прасторы і, наколькі гэта магчыма, стымуляваць тых, ад каго сёння залежыць іх вырашэнне. Не будзе гэтага — мы будзем ісці па нахільнай да згасання нашага супрацоўніцтва».
Садружнасць стане аўтарытэтнай і запатрабаванай, калі будзе вырашаць галоўныя, актуальныя пытанні, прадоўжыў Прэзідэнт і ў якасці прыкладу прывёў канфлікты ў Нагорным Карабаху, Прыднястроўі, ва Украіне. «Мы неяк нават сарамліва сыходзім ад гэтых пытанняў, — адзначыў Аляксандр Лукашэнка. — Мы як быццам прывыклі, чакаем, што амерыканцы, Еўрасаюз, яшчэ хто прыедзе, і гэты «моцны дзядзька» нам скажа, у якім кірунку вырашаць гэтую праблему, або вырашыць яе за нас».
З’явіліся новыя ўтварэнні на постсавецкай прасторы, дзе ёсць магчымасць больш глыбока абмяркоўваць існуючыя праблемы, лічыць Прэзідэнт. Гэта і Еўразійскі эканамічны саюз, і Саюзная дзяржава, найбольш прасунутая форма інтэграцыі, і АДКБ, і іншыя арганізацыі. «Асабліва мы ў апошні час зрабілі крэн на двухбаковых адносінах, аддалі фактычна ім прыярытэт. Гэта значыць, з’явілася вельмі шмат відавочных тэндэнцый на постсавецкай прасторы, якія штурхаюць нас да таго, што СНД трэба неадкладна прыстасаваць да рэалій сённяшняга дня», — звярнуў увагу Аляксандр Лукашэнка.
Кіраўнікі дэлегацый у ходзе пасяджэння ў вузкім фармаце павіншавалі Аляксандра Лукашэнку з пераканаўчай перамогай на прэзідэнцкіх выбарах і пажадалі яму поспехаў у адказнай дзейнасці. Прэзідэнт канстатаваў, што мінулыя прэзідэнцкія выбары былі цяжкай кампаніяй для Беларусі. Паводле яго слоў, было вельмі важна, як прагаласуюць беларусы пры такім моцным вонкавым уплыве. «Мы спрабавалі аднавіць адносіны з Еўрапейскім саюзам, адным з нашых асноўных гандлёва-эканамічных партнёраў. Я гэтага не ўтойваў: мы зрабілі ўсё, што папрасілі нашы партнёры. Пасля выбараў было пастаўлена пытанне, што далей, — адзначыў Аляксандр Лукашэнка. — Прыйшлося прызнаць, што ў Беларусі выбары прайшлі ў адпаведнасці нават з тымі стандартамі, якіх у нас няма, але якія ад нас патрабуюць пастаянна ў ААН, АБСЕ, ПАСЕ і іншых структурах». Кіраўнік дзяржавы растлумачыў, чаму падрабязна спыняецца на гэтым пытанні, паколькі нешта падобнае чакае пасля ўсе краіны СНД — «прыйдзецца вельмі карэктна даказваць сваю магчымасць кіраваць дзяржавай».
На пасяджэнні Савета кіраўнікоў дзяржаў СНД было разгледжана 17 пытанняў. Лідары краін Садружнасці прынялі заявы ў сувязі з 70-годдзем стварэння ААН, аб барацьбе з міжнародным тэрарызмам, адобрылі зварот у сувязі 30-й гадавінай аварыі на Чарнобыльскай АЭС. Акрамя таго, быў зацверджаны пакет дакументаў, накіраваных на далейшае ўмацаванне ваеннага і прыгранічнага супрацоўніцтва, разгледжаны кадравыя пытанні. Падчас пасяджэння Аляксандр Лукашэнка ўручыў Прэзідэнту Казахстана Нурсултану Назарбаеву ордэн Дружбы народаў.
* * *
Аляксандр Лукашэнка правёў таксама сустрэчу з расійскім лідарам Уладзімірам Пуціным. На ёй абмяроўваліся надзённыя пытанні Саюзнай дзяржавы.
Прэзідэнт Беларусі прапанаваў вызначыцца і канчаткова прыняць рашэнні па тых пытаннях, па якіх яны наспелі, або на пасяджэнні Вышэйшага дзяржсавета, або падчас яго візіту ў Маскву. Закранаючы супрацоўніцтва ў СНД, Аляксандр Лукашэнка адзначыў, што ў Беларусі і Расіі супадаюць пункты гледжання па ўсіх пытаннях.
Уладзімір Пуцін у сваю чаргу яшчэ раз павіншаваў Аляксандра Лукашэнку з перамогай на выбарах і выказаў упэўненасць у працягу эфектыўнай сумеснай работы па ўдасканаленні механізмаў Саюзнай дзяржавы, у сферы эканомікі, узгаднення пазіцый на міжнароднай арэне, у сацыяльнай сферы.
* * *
У суботу ў пасёлку Бурабай Акмалінскай вобласці Казахстана адбылося пасяджэнне Вышэйшага Еўразійскага эканамічнага савета, на якім старшынстваваў Прэзідэнт Беларусі.
Падводзячы вынікі гэтага саміту, Аляксандр Лукашэнка адзначыў, што на пасяджэнні ў вузкім складзе было прынята рашэнне, што Расія і Казахстан вельмі сур’ёзна папрацуюць на мяжы з Кыргызстанам і зробяць максімум, каб народ гэтай краіны адчуў, якую карысць ён мае ад ЕАЭС. Кіраўнік дзяржавы выказаў упэўненасць, што гэта прынясе вялікую карысць Кыргызстану, у тым ліку па пастаўках на агульны рынак мясной прадукцыі і іншых тавараў.
Парадак дня Вышэйшага Еўразійскага эканамічнага савета ўключаў 15 пытанняў, і ўсе яны былі разгледжаны на пасяджэнні ў вузкім складзе, паведамляе прэс-служба Прэзідэнта. Так, было прынята рашэнне, што з 1 лютага 2016 года ў Еўразійскай эканамічнай камісіі будзе старшынстваваць Арменія, а яе былы прэм’ер-міністр Тыгран Саркісян узначаліць ЕЭК.
Аляксандр Лукашэнка дадаў, што ўдзельнікі пасяджэння выйшлі за межы парадку дня, звярнуўшыся да надзённых тэм развіцця ЕАЭС.
Па выніках саміту кіраўнікі дзяржаў — членаў савета падпісалі шэраг дакументаў, якія вызначаюць парадак узаемадзеяння ЕАЭС і ЕЭК з трэцімі краінамі. Акрамя таго, у Бурабаі быў прыняты пакет дакументаў па імплементацыі ў нормы ЕАЭС абавязацельстваў, прынятых Казахстанам пры ўступленні ў СГА, было вырашана пачаць афіцыйныя перамовы па пагадненні аб свабодным гандлі з Ізраілем, запусціць працу з Кітайскай Народнай Рэспублікай па фарміраванні гандлёва-эканамічнага пагаднення. Наступнае пасяджэнне Вышэйшага Еўразійскага эканамічнага савета адбудзецца ў снежні ў Маскве.
БелТа
Ночью вероятность осадков 0%. Атмосферное давление выше нормы (759 мм рт.ст.). Температура воздуха +1...+3°C. Ветер слабый (1—2 м/с). Относительная влажность 93—96%.
Фото Натальи ДАВЫДЕНКО 
Стаўка акцызаў на алкагольную прадукцыю мацункам 7 працэнтаў і вышэй да канца года застанецца Br138,3 тыс. за 1 літр стапрацэнтнага спірту.
Гэта прадугледжана Указам № 437, які Прэзідэнт падпісаў 19 кастрычніка. Згодна з указам, стаўка акцызаў на алкагольную прадукцыю з аб’ёмнай доляй этылавага спірту 7 працэнтаў і больш да канца 2015 года захаваецца на ўзроўні стаўкі, дзеючай у III квартале, і будзе роўная Br138,3 тыс. за 1 літр стапрацэнтнага спірту. Указ уступае ў сілу пасля яго афіцыйнага апублікавання.
БелТа 
Больш як 90 новых аўтазаправачных станцый адкрыецца ў Беларусі ў 2016-2020 гадах. Гэта прадугледжана праграмай развіцця сеткі АЗС у Беларусі на 2016-2020 гады, якая зацверджана пастановай Савета Міністраў № 862 ад 15 кастрычніка 2015 года.
Праграмай запланаваны ўвод у эксплуатацыю 93 АЗС, пры гэтым каля 20 існуючых станцый будуць закрыты. У праграме адзначаецца, што новыя АЗС неабходна размяшчаць паблізу пабудаваных у апошнія гады буйных прамысловых аб’ектаў, лагістычных, турыстычных цэнтраў, а таксама на новых аўтамабільных дарогах і пагранічных пераходах. Разам з будаўніцтвам станцый у аграгарадках намечана рэканструкцыя 29 дзеючых. Інвестыцыі ў будаўніцтва АЗС у 2016-2020 гадах складуць $177 млн.
БелТа 
22 октября 2015 года с 10.00 до 12.00 прямую телефонную линию проведет заместитель председателя комиссии по делам несовершеннолетних Зоя Леонидовна ДАЙНЯК. Свои вопросы можно задать, обратившись по телефону 54-0-40. 
