З трох зваротаў, якія паступілі да старшыні райвыканкама Анатоля Ліневіча падчас прыёму грамадзян, два датычыліся жыллёва-камунальнай гаспадаркі.
Жыхарка г. Капыля з дома 1А па вул. Цімкавіцкай узняла праблему з каналізацыяй у іх пад’ездзе, з якой яна перыядычна сутыкаецца. Таксама заяўніца скардзілася на хамства з боку супрацоўнікаў жыллёва-камунальнай службы, да якіх ёй у сувязі з праблемай даводзіцца звяртацца. Як запэўніў галоўны інжынер КУП «Капыльская ЖКГ» Аляксандр Віннік, будзе распрацаваны графік па прачыстцы каналізацыйных труб, калодзежаў, а таксама праведзена неабходная работа з кадрамі па належных паводзінах. Пытанне знаходзіцца на кантролі ў райвыканкаме.
У чарговы раз быў калектыўны зварот наконт работы гарадской лазні. Дадзена даручэнне па неадкладным будаўніцтве печы ў адпаведнасці з пажаданнямі аматараў пары.
Пытанне па межах зямельнага ўчастка будзе вывучана паўторна, з выездам на месца.
Сяргей КОЗЕЛ 
Ваши действия:
В субботу, 3 сентября, на ФОКе г. Копыля в 16.00 состоится футбольный матч между ФК «Копыль» и ФК «Узда» (Узденский район). Приходите посмотреть игру и поболеть за наших! 
Грамадзянска-патрыятычная акцыя Федэрацыі прафсаюзаў Беларусі «Мы — разам!» у жніўні-кастрычніку праходзіць у Беларусі.
Перад гледачамі выступаюць фіналісты конкурсу «Новыя імёны», аматарскія калектывы, зоркі беларускай эстрады. На працягу трох месяцаў акцыя наведае 40 гарадоў. На Міншчыне ўжо прайшлі канцэрты ў Старых Дарогах, Клецку, Вілейцы. У хуткім часе адбудуцца ў Беразіно, Смалявічах і іншых райцэнтрах.
Акцыя ФПБ «Мы — разам!» накіравана на прыцягненне ўвагі да працоўных дынастый і традыцый настаўніцтва, папулярызацыю культурнага і здаровага вольнага часу сярод насельніцтва. У 2015 годзе мерапрыемствы прайшлі ў 57 гарадах, сабраўшы каля 100 тыс. гледачоў. Разам з артыстамі ў акцыі прымаюць удзел прафсаюзныя спецыялісты. Запланаваны ўшанаванні працоўных дынастый, маладых спецыялістаў і іх настаўнікаў. Мерапрыемствы прымеркаваны да прафесійных і дзяржаўных святаў, Дзён горада, «Дажынак», грамадска-культурных акцый у адпаведных гарадах.
Наш кар. 
