[caption id="attachment_50010" align="alignleft" width="300"]
Жанна Скрыган[/caption]
Работа Грозаўскага сельскага Савета дэпутатаў, сельвыканкама накіравана на вырашэнне эканамічных, палітычных і культурных пытанняў мясцовага значэння, забеспячэнне сацыяльна-эканамічнага развіцця тэрыторыі, пытанняў жыццезабес-пячэння насельніцтва, пытанняў добраўпарадкавання, землекарыстання і аховы прыроды. Развіццё населеных пунктаў — даволі шырокая сфера, ключавыя рашэнні ў якой прымаюцца не толькі мясцовай выканаўчай уладай, але і вышэйшымі арганізацыямі.
Візітная картка
Грозаўскі сельсавет утвораны ў 1917 годзе. Агульная плошча тэрыторыі складае 16 295 га (пасля далучэння ў 2013 го-дзе земляў Камсамольскага сельсавета). Мяжуе з Капыльскім, Слабада-Кучынскім і Доктаравіцкім сельсаветамі.
На яго тэрыторыі знаходзяцца КСУП «Грозава-агра», філіял «Лакнея» УП «Прыортрансагра», ААТ «Суворава-Агра» і «Праснакі».
У склад сельсавета ўваходзяць 34 населеныя пункты, у якіх пражываюць 2462 чалавекі. Самымі буйнымі з іх з’яўляюцца аграгарадкі Грозава і Камень, вёскі Камсамольская і Праснакі (цэнтры сельгаспрадпрыемстваў).
Сістэма адукацыі прадстаўлена Грозаўскай СШ, Каменскім і Камсамольскім ВПК дзіцячы сад-СШ, Грозаўскім і Праснакоўскім дзіцячымі садамі.
Сярод медыцынскіх устаноў — Грозаўская ўрачэбная амбулаторыя (дзённы стацыянар) на 10 ложкаў, Каменскі і Камсамольскі фельчарска-акушэрскія пункты. Таксама на тэрыторыі сельсавета размешчаны УАЗ «Грозаўскі псіханеўралагічны дом-інтэрнат» (в. Канюхі) і аптэка ў аграгарадку Грозава.
Магазіны працуюць у аграгарадках Грозава (два), Камень, вёсках Канюхі, Праснакі, Камсамольская, Сунаі, Труханавічы, аддаленыя населеныя пункты абслугоўваюць аўтамагазіны.
Паштовая сувязь прадстаўлена аддзяленнямі ў цэнтрах сельгаспрадпрыемстваў.
Культурнае абслугоўванне ажыццяўляюць Грозаўскі СДК, Камсамольскі сельскі клуб, Канюхоўская бібліятэка-клуб, Грозаўская і Камсамольская сельскія бібліятэкі.
Парадак – справа агульная
Сельскi Савет дэпутатаў ажыццяўляе сваю работу ў скла-дзе 15 дэпутатаў сельскага Савета дэпутатаў 27 склікання, тэрытарыяльнае грамадскае самакіраванне ажыццяўляе аднаасобны орган у складзе 23 старэйшын.
Захаванне зямлі, населеных пунктаў у чысціні і парадку — агульная і галоўная задача. Таму не выпадкова, што і ў рабоце сельскіх Саветаў дэпутатаў прыярытэтным з’яўляецца дадзены напрамак.
Для таго, каб сельвыканкаму справіцца з усімі пытаннямі і праблемамі на дадзенай тэрыторыі, патрабуецца зладжаная і добрасумленная работа ўсяго актыву сельскага Савета, дэпутатаў, старэйшын, вельмі важна мець цесную сувязь паміж сельвыканкамам і арганізацыямі, установамі, размешчанымі на тэрыторыі сельсавета.
— Чысціня і добраўпарадкаванне сельскіх населеных пунктаў — агульная справа ўсіх, — гаворыць старшыня Грозаўскага сельвыканкама Жанна Скрыган. — Таму работа сельвыканкама штогод пачынаецца з нагадвання грамадзянам аб захаванні патрабаванняў па добраўпарадкаванні населеных пунктаў і навядзенні парадку на зямлі на сходах грамадзян, шляхам подворнага абходу. Грама-дзянам, якія парушаюць Правілы добраўпарадкавання і ўтрымання населеных пунктаў, выдаюцца прадпісанні аб ліквідацыі парушэнняў ва ўстаноўленыя тэрміны. З пачатку года сельвыканкамам выдадзены 129 прадпісанняў і складзены 2 пратаколы. Самыя распаўсюджаныя парушэнні — складзіраванне пяску і іншых будматэрыялаў побач з домаўладаннямі і несвоечасовае скошванне пустазелля.
За гэты ж час на тэрыторыі сельсавета ліквідавана 48 стыхійных сметнікаў, знесена 9 безгаспадарных будынкаў, 2 фундаменты, спілаваны 224 аварыйныя дрэвы. На працягу года пастаянна праводзяцца работы па добраўпарадкаванні помнікаў і воінскіх пахаванняў, якія замацаваны за ўстановамі і арганізацыямі. На тэрыторыі сельсавета 25 грамадзянскіх могілак. У цяперашні час праводзяцца работы па бягучым іх добраўпарадкаванні ў в. Асавец.
Вядзецца работа па Указе Прэзідэнта Рэспублікі Беларусь № 100 ад 23 лютага 2012 года «Аб мерах па ўдасканаленні ўліку і скарачэнні колькасці пустых і старых дамоў у сельскай мясцовасці». На тэрыторыі сельсавета падрыхтаваны дакументы на 15 дамоў па ўнясенні іх у рэгістр пустуючых, па чатырох ёсць дазвол спадчыннікаў на знос.
Шмат сілы накіравана на барацьбу з баршчэўнікам Сасноўскага, у якой удзельнічаюць і сельгаспрадпрыемствы, размешчаныя на тэрыторыі сельсавета. Па прыкладных падліках ён займае плошчу каля 6,6 га. Мерапрыемствы па яго знішчэнні механічным і хімічным спосабам праведзены на 98% ад неабходнага.
— Такім чынам, па развіцці тэрыторыі зроблена многае, аднак мы бачым свае перспектывы: чым больш працуем, тым больш нам трэба будзе зрабіць, — падвяла вынік Жанна Скрыган.
Дзмітрый Барысавец (справа) з вучнем Алегам Макаедам[/caption]
— Пчалярствам я займаюся звыш 50 гадоў, — падкрэсліў Дзмітрый Раманавіч. — А вывядзеннем пчоламатак — звыш трыццаці. У маёй племянной гаспадарцы не проста тыражуюцца пчоламаткі, але вядзецца мэтанакіраваная селекцыйная работа. Пчоламаткі ў тыраж выходзяць толькі ад сем’яў, якія вылучаюцца высокай прадукцыйнасцю, міралюбнасцю, зімаўстойлівасцю.
У міралюбнасці пчол мы змаглі пераканацца асабіста, назіраючы, як майстар дэманстраваў заселенасць вулляў, працу з матчынымі сем’ямі і пры гэтым не карыстаўся ахоўным касцюмам і сеткай.
Дасканалая падрыхтоўка, веды, цярплівасць, напружаная праца і любоў да абранай спецыяльнасці — усё гэта ёсць у Дзмітрыя Барысаўца. Сваімі практычнымі навыкамі ён дзеліцца падчас семінараў рэспубліканскага грамадскага аб’яднання «Беларускія пчаляры», са студэнтамі, а таксама са сваімі дзецьмі і ўнукамі.
Сяргей КОЗЕЛ
Фота Паўла ШЭІНА 
Алег Грабоўскі[/caption]
— Людзі ў нас добрыя, — гаворыць старэйшына, — калі трэба што, то ўсё робім гуртам. Ды і сельсавет дапамагае. Вось і агароджу на могілках паставілі (па спісе грошы сабралі). Дадам, што не толькі мясцовыя адгукаліся на просьбу, але і з іншых гарадоў землякі, у якіх тут пахаваны родныя, прывозілі ці перадавалі сродкі.
У гаспадарцы Алега Фёдаравіча ёсць на-дзейны памочнік — конь, які служыць не толькі для ўласных патрэб, але і аднавяскоўцам прыходзіць на дапамогу. Гаспадар яго ні для каго не шкадуе, усіх выручае. Ёсць таксама і трактар, але на ім ужо больш зяць упраўляецца. Не можа развітацца гаспадар і з матацыклам, з якім пасябраваў яшчэ тады, калі працаваў лесніком у Старыцкім лясніцтве, якому аддаў 32 гады.
Не забываюцца пра чалавека паважанага ўзросту яго дзеці і ўнукі: прыязджаюць кожныя выхадныя, дапамагаюць бацьку і дзядулю.
Сяргей КОЗЕЛ
Фота Паўла ШЭІНА 
Галіна Ганчарык (справа) гутарыць з вяскоўцамі[/caption]
— Мая асноўная і грамадская работа быццам пераплятаюцца, — гаворыць Галіна Леанідаўна. — Я пастаянна побач з землякамі. З пытаннямі многія заходзяць да мяне дадому, а са сваімі падапечнымі сустракаюся амаль штодзень. Таму ведаю ўсе праблемы і па меры магчымасці стараюся іх вырашаць. Вядома ж, не без дапамогі мясцовай улады.
Як дэпутат Галіна Ганчарык разам са старшынёй сельвыканкама Жаннай Скрыган дабілася таго, каб рэйсавы аўтобус даходзіў да мясцовага клуба, падтрымала ініцыятыву і сабрала грошы з аднавяскоўцаў на ўстаноўку агароджы на могілках, таксама разам з мужам і суседам устанавілі крыж у сваім населеным пункце.
Калі трэба добраўпарадкаваць тэрыторыю ў вясенне-летне-асенні перыяд — арганізоўвае суботнікі. Жанчына лічыць, што няма дрэнных людзей, проста да кожнага патрэбны падыход.
Галіна Ганчарык — чалавек неабыякавы да чужой бяды. Энергічная, гаваркая. Любая справа ладзіцца ў яе руках. Як сацыяльны работнік даглядае дзевяць чалавек пажылога ўзросту. Усе яны ўдзячны ёй за дабрыню і чуласць. Яна заўсёды пацікавіцца, як падапечныя сябе адчуваюць, ці патрэбна якая-небудзь дапамога. У адказ атрымлівае толькі цёплыя водгукі.
Сяргей КОЗЕЛ
Фота Паўла ШЭІНА 
22 июля 2016 года состоится прямая линия с директором УО «Копыльский государственный колледж» Анатолием Францевичем ПЕТКЕВИЧЕМ по вопросам приемной кампании 2016/2017 учебного года. Звонить с 10.00 до 12.00 по телефону 21-1-82. 
