Сяргей Ульдзіновіч[/caption]
Адпаведная пастанова Саўміна № 318 падпісана 28 мая 2020 года. Такой высокай узнагароды кіраўнік адной з лепшых лесагаспадарчых устаноў Міншчыны ўдастоены за шматгадовую плённую працу, высокі прафесіяналізм, значны ўклад у развіццё лясной гаспадаркі.
Сяргей Станіслававіч з’яўляецца прадстаўніком дынастыі лесаводаў. У галіне з 2002 года. Першым працоўным месцам стаў Краснапольскі лясгас Магілёўскай вобласці, куды ён пасля заканчэння Беларускага дзяржаўнага тэхналагічнага ўніверсітэта быў прызначаны інжынерам-лесапатолагам. Затым была праца ў ДЛГУ «Уздзенскі лясгас», дзе прайшоў шлях ад майстра лесу да галоўнага ляснічага. А ў 2009-м дваццацідзевяцігадовы Сяргей Ульдзіновіч узначаліў капыльскі лясгас – на той час гэта быў самы малады дырэктар лясгаса ў галіне.
Дакладны эканамічны разлік, прафесійны падыход у вырашэнні вытворчых пытанняў, навядзенне парадку ва ўсіх структурных падраздзяленнях, бездакорнае выкананне фінансавай і выканальніцкай дысцыпліны, якія сталі асноўнымі напрамкамі дзейнасці маладога дырэктара, дазволілі ў хуткім часе Капыльскаму вопытнаму лясгасу трывала ўмацавацца ў тройцы-пяцёрцы лепшых лесагаспадарчых устаноў не толькі вобласці, але і рэспублікі.
Шмат было зроблена ў лясгасе за апошнія пяць гадоў. Можна толькі радком нагадаць самыя значныя аб’екты: пастаянны лясны гадавальнік, дэндрапарк, фазанарый, майстарскі ўчастак па вытворчасці паліўных гранул. Пастаянна праводзіцца мадэрнізацыя цэха лесаперапрацоўкі, сапраўдным упрыгажэннем горада стаў 20-кватэрны дом, у якім у хуткім часе будуць адзначаць наваселле працаўнікі лясгаса. Лесагаспадарчая ўстанова забяспечвае работай больш за 300 спецыялістаў. І кожны сёння атрымлівае дастойную зарплату.
Пра стабільную работу калектыву сведчаць і даныя пра выкананне асноўных паказчыкаў сацыяльна-эканамічнага развіцця за першы квартал гэтага года. Так, выручка ад рэалізацыі прадукцыі, работ, паслуг склала 3 млн 757 тыс. рублёў пры плане 2,9 млн. Гэта 129,1% да вынікаў першага квартала мінулага года. Рэнтабельнасць рэалізаванай прадукцыі, работ і паслуг склала 33,1%. Пастаўлена прадукцыі на экспарт на суму 1 млн 59 тыс. долараў ЗША. Паступленні ад вядзення лясной і паляўнічай гаспадаркі атрыманы ў суме 831 рубель. Сярэднямесячная заработная плата – 1330 рублёў.
Менавіта таму Капыльскі вопытны лясгас прызнаны лепшым у абласным спаборніцтве па выкананні паказчыкаў сацыяльна-эканамічнага развіцця лясной гаспадаркі за І квартал 2020 года сярод працоўных калектываў лясгасаў, на першай пазіцыі апынуўся і калектыў цэха дрэваапрацоўкі Капыльскага вопытнага лясгаса.
А яшчэ Сяргей Ульдзіновіч – прызнаваўся «Чалавекам года Міншчыны», з’яўляецца дэпутатам Мінскага абласнога Савета дэпутатаў, што таксама накладвае пэўную адказнасць. І не толькі за свой працоўны калектыў, але і за выбаршчыкаў, якія ў свой час аддалі за яго голас.
Маргарыта САКОВІЧ
Фота Дзіяны ТКАЧЭНКІ 
А скарбонка, куды ўсе жадаючыя клалі грошы, з кожнай мінутай станавілася ўсё больш важкай.
[caption id="attachment_90059" align="aligncenter" width="840"]
■ Папаўняецца скарбонка[/caption]
– Кожны год сродкі, якія мы збіраем падчас такіх дабрачынных канцэртаў, накіроўваем на нейкія добрыя справы, – расказвае Валянціна Зарамбоўская, кіраўнік ініцыятыўнай групы «Дабрадзеі», створанай пры раённым цэнтры культуры. – Сёлета вырашылі перадаць усе грошы на патрэбы Капыльскай цэнтральнай раённай бальніцы, каб неяк падтрымаць медыкаў у гэтых няпростых умовах. Спадзяёмся, што гэта дадасць ім сілы ў барацьбе з каранавіруснай інфекцыяй і ўмацуе пачуццё вялікай значымасці сваёй працы. У мерапрыемстве прынялі ўдзел супрацоўнікі раённага цэнтра культуры, актыўныя ўдзельнікі народных калектываў, творчых аматарскіх аб’яднанняў, якія працуюць пры нашых установах культуры, і, вядома ж, члены і валанцёры Капыльскай раённай арганізацыі ГА Беларускага Таварыства Чырвонага Крыжа.
У размову ўступіла і Ніна Жук, старшыня гэтай раённай грамадскай арганізацыі, якая адзначыла, што ахвяраванні збіралі не толькі ў дзень канцэрта. Напярэдадні мерапрыемства актыўны ўдзел у зборы сродкаў узялі валанцёры Чырвонага Крыжа, члены ініцыятыўнай групы «Дабрадзеі» Валянціна Базаркіна, Кацярына Макарава, Ларыса Чайка, Тамара Вайтовіч, Лідзія Фінкевіч, Людміла Касцюк і Ніна Татарынчык. Яны са скарбонкамі ў руках прайшліся па вуліцах горада. Людзі не засталіся абыякавымі да гэтай добрай справы: ахвяравалі грошы, хто колькі мог, і прасілі перадаць словы падтрымкі нашым медыцынскім работнікам.
[caption id="attachment_90060" align="aligncenter" width="840"]
■ Вядучыя канцэрта Наталля Раеўская і Святлана Шчукіна[/caption]
Ніна Паўлаўна і Валянціна Сцяпанаўна выказалі шчырую ўдзячнасць усім валанцёрам і неабыякавым жыхарам Капыльшчыны, якія прычыніліся да гэтай дабрачыннай акцыі.
Маргарыта САКОВІЧ 
Одной из предпосылок совершения отмеченных дорожных трагедий является нарушение правил обгона и выезд на полосу встречного движения. Как правило, указанные происшествия влекут за собой значительную тяжесть последствий и имеют большой общественный резонанс.
В целях повышения эффективности принимаемых органами внутренних дел мер по обеспечению безопасности участников дорожного движения и профилактике аварийности с 6 по 9 июня 2020 года на территории Минской области проводится профилактическая акция «Безопасный обгон».
ГАИ предупреждает, что в период профилактической акции «Безопасный обгон» к нарушителям-лихачам будут применяться самые строгие меры административного взыскания.
Владимир Коптяев,
Старший инспектор ДПС ОГАИ Копыльского РОВД 
10 июня с 11:00 до 12:00 часов начальником управления по гражданству и миграции УВД Минского облисполкома полковником милиции Курнышом Александром Ивановичем будет осуществляться «прямая телефонная линия» по тел. 8-017 2290568 с разъяснением вопросов, касающихся деятельности подразделений по гражданству и миграции. 
