Пусткі - у сельгасабарот
Цалкам выкананы гадавы план па ліквідацыі пустуючых будынкаў. Нядаўна знесены два дамы – у вёсках Вусава і Вош-каты. Раней, у маі, аналагічныя работы правялі ў аг. Мажа і п. Навасады. Ліквідацыя такіх аб’ектаў ажыццяўляецца ў адпаведнасці з заканадаўствам пасля афармлення ўсіх неабходных дакументаў і судовых працэдур. Вызваленыя ўчасткі прыводзяцца ў парадак і вяртаюцца ў сельскагаспадарчы абарот.
Шлях да камфорту
Каля адміністрацыйнага будынка сельвыканкама кіпіць работа – праводзіцца бягучы рамонт. Ужо ў бліжэйшы час тут з’явіцца абсталяваная аўтамабільная стаянка.
«Агрэсар» здаў пазіцыі
На тэрыторыі сельсавета завяршылі маштабную работу па знішчэнні сумніку канадскага. Небяспечную расліну скасілі ў дзясятку населеных пунктаў: аграгарадках Мажа і Скабін, вёсках Вусава, Чырвоны Партызан, Якубавічы, Аргелаўшчына, Каменка, Вошкаты, Васілеўшчына, Нізкавічы, Стары Капыль – усюды, дзе былі выяўлены ачагі росту. Барацьба з агрэсіўным пустазеллем вялася комплексна: механізаваным спосабам з прыцягненнем тэхнікі і ўручную на цяжкадаступных участках. Асаблівую дапамогу ў правядзенні работ аказалі ААТ «Скабін» і «Піянер-Агра».
Комментарии